ជីវិតកម្សាន្ដ

រឿងមួយ អ្នកប្រហែលមិនធ្លាប់ដឹងពី តារាចម្រៀងជួរមុខ ពេជ្រ សោភា

បានផុស

៣ years មុន

នៅ

ថ្ងៃព្រហស្បតិ៍ ២៨ មេសា ២០២២

ដោយ

ដើរលើវិថីសិល្បៈជិត ២០ ឆ្នាំ មានទាំងភាពជោគជ័យ និងបរាជ័យ ម្ចាស់បទ Better Day ពេជ្រ សោភា បានធ្វើឲ្យទស្សនិកជនស្គាល់តាមរយៈបទចម្រៀងជាច្រើន ប៉ុន្តែលោកអ្នកប្រហែលមិនដឹងរឿង ១ ពីតារាចម្រៀងរូបនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ពីអ្នកលក់អំពៅសាង វិត្តន៍មកក្លាយខ្លួនជាតារាចម្រៀងជួរមុខវាពិតជាមិនមែនការលេងសើចសម្រាប់តារាស្រីរូបនេះទេ។ ផ្ដើមចេញពីអ្នកចៀងនៅមជ្ឈមណ្ឌលកម្សន្តស្ពាក ពេជ្រ សោភា បានកសាងកេរ្តិ៍ឈ្មោះល្បីល្បាញនឹងធ្វើឲ្យទស្សនិកជនស្គាល់តាមរយៈបទ “Better Day” ច្រៀងជាមួយ Dj Sdey ដែលផ្ទុះការគាំទ្រខ្លាំងនៅឆ្នាំ ២០០៤ ។ បើទោះបីជានៅផលិតកម្មធំក្នុងប្រទេសកម្ពុជាក៏ពិតមែន តែដំណើរលើវិថីសិល្បៈរបស់តារាស្រីដួងនេះ ពិតជាមិនងាយស្រួលនោះទេ ដោយនៅឆ្នាំ ២០០៨-២០១០ ពេជ្រ សោភា បានធ្លាក់ប្រជាប្រិយភាពស្ទើតែបាត់មុខពីសិល្បៈ តែដោយការខិតខំប្រឹងប្រែង តស៊ូមិនបោះបង់ អ្នកនាងបានត្រឡប់មកវិញនៅឆ្នាំ ២០១២ ជាមួយបទចម្រៀង “Let Boom” ប្រៀបដូចជាការដណ្ដើមយកកេរ្តិ៍ឈ្មោះនិងភាពល្បីល្បាញមកវិញរហូតមកដល់បច្ចុប្បន្ន។

ជាពិសេសរឿងមួយដែលអ្នកមួយចំនួនប្រហែលមិនដឹងពីតារាចម្រៀងរូបនេះ គឺ អ្នកនាងមិនដែលផ្លាស់ប្ដូរផលិតកម្មម្ដងសោះ។ បើទោះខ្យល់ព្យុះបក់បោកយ៉ាងណាក៏ដោយ ប៉ុន្តែ ពេជ្រ សោភា ក៏មិនចុះចេញពីទ្រនំដែលធ្លាប់ផ្ដល់សេចក្ដីសុខសាន្ត និងភាពល្បីល្បាញ ដែលផលិតកម្មរស្មីហង្សមាសផ្ដល់ឲ្យទេ។ ផ្ទុយទៅវិញ ពេជ្រ សោភា បានកែប្រែខ្លួនឯងពីតារាចម្រៀងទៅជាអ្នកនិពន្ធសាច់ភ្លេង និងសរសេរទំនុកច្រៀង ដើម្បីអភិវឌ្ឈន៍ខ្លួននៅក្នុងវិស័យសិល្បៈឲ្យកាន់តែរីកចម្រើនឡើង។

គួររំលឹកថា ពេជ្រ សោភា ត្រូវបានជ្រើសរើសជាគណៈកម្មការនៅក្នុងកម្មវិធីលំដាប់ពិលោក The Voice Cambodia ចំនួន ២ រដូវកាល និងកម្មវិធី Bet The Best Cambodia។ លើសពីនេះ អ្នកនាងក៏ជាតារាស្រីដែលតែងតែលើកបង្ហាញសិល្បៈវប្បធម៌បុរាណជាច្រើនទម្រង់មិនថាតាមឆាកប្រគំតន្ដ្រី MV និងសំលៀកបំពាក់ផ្សេងៗជាច្រើន។ ទន្ទឹមនឹងនេះ អ្នកនាង ពេជ្រ សោភា ក៏ជោគជ័យលើវិស័យស្ពតពាណិជ្ជកម្មធំៗដូចជា ទូរស័ព្ទ Oppo, សាប៊ូកក់សក់ Sunsilk, Citra, ខ្នរ៕