ព័ត៌មានជាតិ
សិស្សបាក់ឌុប ២០១៤ ចាំមិនភ្លេច ទឹកភ្នែកក្រៅរបងសាលា ជំនាន់រដ្ឋមន្ត្រីហង់ ជួនណារ៉ុន
ក្រោយទទួលតំណែងជារដ្ឋមន្ត្រីក្រសួងអប់រំ យុវជននិងកីឡាក្នុងអណ្ណតិទី ៥ ក្នុងឆ្នាំ ២០១៣ ឯកឧត្ដមហង់ ជួនណារ៉ុនបានកែប្រែកំណត់ត្រាអវិជ្ជមានលើវិស័យអប់រំ ដែលកើតឡើងយ៉ាងចាក់ស្រេះរាប់សិបឆ្នាំក្នុងការគិតរបស់មជ្ឈដ្ឋានទូទៅ ទៅលើការប្រលងបញ្ចប់ការសិក្សារបស់សិស្សប្រឡងបាក់ឌុប ដែលតែងមានការចោទប្រកាន់ពីការស៊ីសំណូក ការបែកធ្លាយវិញ្ញាសា និងកើតមានរឿងមិនប្រក្រតីជាច្រើនទៀត។
ព្រឹត្តិការណ៍ដ៏ធំពីរបានបង្កការចាប់អារម្មណ៍ និងការវាយតម្លៃខ្ពស់កើតឡើងជំនាន់ដឹកនាំដោយរដ្ឋមន្ត្រី ហង់ ជួនណារ៉ុន
>ឆ្នាំ២០១៤ ក្នុងតួនាទីជារដ្ឋមន្រ្តីក្រសួងអប់រំ យុវជននិងកីឡា លោកដឹកនាំការប្រឡងបាក់ឌុបដោយបង្កើតពាក្យស្លោក អ្នកចេះជាប់ ពីការប្រឡងមិនបើកចម្លង មកធ្វើដោយពឹងផ្អែកលើសមត្ថភាពខ្លួនឯង។ ក្នុងឆ្នាំដំបូងនោះលទ្ធផលសិស្សជាប់ស្ថិតក្នុងកម្រិតមិនដល់ ៥០ភាគរយក្នុងចំណោមបេក្ខជនដែលបានចូលរួមប្រឡងទាំងអស់។
បេក្ខជនប្រឡងនៅទូទាំងប្រទេសកាលនោះសរុបមានចំនួន ៨៩ ៩៣៧នាក់ អ្នកជាប់មានតែ ២៣ ១២៦នាក់ ស្មើនឹង ២៥,៧២% ប៉ុណ្ណោះ។ វាគឺជាឆ្នាំដំបូងនៃកំណែទម្រង់ទៅលើការប្រឡងបាក់ឌុប ហើយក៏មានការតវ៉ាដោយសារវិធានការរបស់ក្រសួងអប់រំអនុវត្តតក់ក្រហល់ពេក រហូតមានការរៀបចំការប្រឡងជាលើកទី២ នៅក្នុងឆ្នាំដដែល ហើយលទ្ធផលដែលទទួលបានគឺមានអ្នកជាប់ ១២ ១៩៩នាក់ ស្មើនឹង ១៧,៩៤% ក្នុងចំណោមបេក្ខជនប្រមាណជាង ៦ម៉ឺននាក់។
>ឆ្នាំសិក្សា២០១៩-២០២០ សិស្សថ្នាក់ទី ៩ និង ១២ ប្រកាសជាប់ដោយស្វ័យប្រវត្តិ
ក្នុងប្រវត្តិសាស្រ្តមិនធ្លាប់មាន លទ្ធផលការប្រឡងបញ្ចប់សិក្សាថ្នាក់បឋមភូមិ (ទី៩) និងទុតិយភូមិ (ទី១២) សម្រេចឲ្យសិស្សជាប់ជាស្វ័យប្រវត្តិ។
ជាលើកដំបូងក្នុងប្រវត្តិសាស្រ្តវិស័យអប់រំ សម្រាប់ការប្រឡងបញ្ចប់ការសិក្សាកម្រិតវិទ្យាល័យនាឆ្នាំសិក្សា២០១៩-២០២០ ត្រូវបានលុបចោល ហើយសិស្សជាប់ដោយស្វ័យប្រវត្តិមិនប្រកាសនិទ្ទេស។
ការសម្រេចចុងក្រោយនេះ ក្រោយក្រសួងអប់រំបានធ្វើការពន្យារពេលប្រឡងម្តងជាពីរម្តង ស្របពេលវិបត្តិជំងឺកូវីដ នាំឲ្យបិទសាលារៀន ឬរឹតត្បិតក្នុងការសិក្សាក្នុងថ្នាក់៕
-
សេចក្ដីជូនដំណឹង៥ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ៣ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច៥ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
កីឡា៦ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
សន្តិសុខសង្គម៤ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម
-
ព័ត៌មានជាតិ៦ ថ្ងៃ agoសម្តេចធិបតី៖ ទម្លាប់ខ្ញុំវាយតម្លៃការងារផ្អែកលើលទ្ធផលជាក់ស្តែង មិនមើលតែរបាយការណ៍ល្អៗពីថ្នាក់ក្រោមនោះទេ
-
ព័ត៌មានអន្ដរជាតិ៥ ថ្ងៃ agoពូទីន គេចមិនឆ្លើយរឿងកាន់អំណាចដល់ឆ្នាំ២០៣៦ ហើយប្រាប់ថា «មានតែព្រះទេទើបដឹង»
-
សន្តិសុខសង្គម១ សប្តាហ៍ agoបង្ហាញមុខក្រុមជនដៃដល់សម្លាប់នារីភេទទី៣ និងអ្នកបើកតាក់ស៊ី រួចបញ្ជូនទៅកាន់តុលាការ