សន្តិសុខសង្គម
បុរសម្នាក់ ច្រកដីខ្សាច់ដាក់ការុងស្ករសយកទៅលក់ឲ្យអាជីវករ ត្រូវសមត្ថកិច្ចឃាត់ខ្លួន
បុរសម្នាក់ បានច្រកដីខ្សាច់ដាក់ក្នុងការុងស្ករស ហើយយកទៅលក់ឲ្យអ្នកឥវ៉ាន់ចាបហួយ នៅតាមបណ្ដាលស្រុកមួយចំនួននៃខេត្តសៀមរាប ត្រូវកម្លាំងនគរបាលស្រុកប្រាសាទបាគងឃាត់ខ្លួនទៅតាមបណ្ដឹងរបស់ជនរងគ្រោះ។
សមត្ថកិច្ចស្រុកប្រាសាទបាគង បានឲ្យដឹងថា កាលពីថ្ងៃទី ១៧ ខែឧសភា ឆ្នាំ ២០២២ ម៉ោង ១២ និង ១៥ នាទី ប៉ុស្ដិ៍នគរបាលរដ្ឋបាលកណ្តែក បានទទួលបណ្តឹងពីជនរងគ្រោះ ឈ្មោះ ហៅ លីហេង ភេទស្រី អាយុ ៣៩ ឆ្នាំ នៅភូមិល្អក់ ឃុំកណ្តែក ស្រុកប្រាសាទបាគង ខេត្តសៀមរាប បានប្តឹងរៀបរាប់ថា នៅថ្ងៃទី ១៦ ខែឧសភា ឆ្នាំ ២០២២ ម៉ោង ៧ ព្រឹកគាត់បើកតូបលក់ឥវ៉ាន់ នៅភូមិជ្រៃ ឃុំកណ្តែក ស្រុកប្រាសាទបាគងដូចធម្មតា។ លុះម៉ោង ១៧ និង ០០ នាទី មានមនុស្សប្រុសម្នាក់ពុំស្គាល់អត្តសញ្ញាណ បានជិះម៉ូតូហុងដាពណ៌ខ្មៅ ឌុបការុងពណ៌សមួយ មកដល់សួរគាត់ថា ទិញស្ករស លក់១ការុងតម្លៃ ១០០០០០ រៀល (មួយសែនរៀល) គាត់ព្រមទិញយក ដោយពុំបានពិនិត្យមើលទេ លុះម៉ោង ១៨ និង ៣០ នាទី បុរសខាងលើបានដឹកមកលក់ ៣ ការុងទៀត គាត់ព្រមទិញយកទៀត ក្នុងតម្លៃ ៣០.០០០០រៀល (បីសែនរៀល) និងបានសុំលេខទូរស័ព្ទគាត់ សម្រាប់ទាក់ទងទិញស្ករសបន្ថែម។
សមត្ថកិច្ចបន្តថា លុះថ្ងៃទី ១៧ ខែឧសភា ឆ្នាំ២០២២ ម៉ោង ៨ ព្រឹក បុរសឈ្មោះ រិន ចំរើនដដែល បានទាក់ទងលក់ស្ករបន្ថែមចំនួន ៥ ការុងទៀត គាត់ទទួលទិញទៀត ប្រហែលកន្លះម៉ោងបុរសខាងលើ ដឹកស្ករចំនួន ៥ ការុងទៅឲ្យគាត់ដល់ផ្ទះ ហើយបានទៅយកលុយនៅតូបលក់និងគាត់ ចំនួន ៥០.០០០០ រៀល (ប្រាំសែនរៀល) បន្ទាប់មកប្អូនស្រី ឈ្មោះ គុំ ស្រីនៀង បានទូរស័ព្ទប្រាប់ថា ស្ករបងឯងសុទ្ធតែដីខ្សាច់ ពេលកំពុងនិយាយទូរស័ព្ទបុរសខាងលើជិះម៉ូតូមកតូបគាត់ម្តងទៀត ពេលនោះគាត់ហែកការុងមើលឃើញសុទ្ធតែដីខ្សាច់នៅក្នុងការុងទាំងអស់ ក៏នាំគ្នាឃាត់បុរសនោះទុកហើយហៅសមត្ថកិច្ចតែម្តង។
សមត្ថកិច្ចបន្ថែមថា តាមការស្តាប់ចម្លើយរបស់ឈ្មោះ រិន ចំរើន ភេទប្រុស អាយុ ៣៤ ឆ្នាំ ស្នាក់នៅផ្ទះជួលក្នុងភូមិអញ្ចាញ សង្កាត់នគរធំ ក្រុងសៀមរាប បានឆ្លើយសារភាពថា ៖ ខ្លួនពិតជាបានធ្វើសកម្មភាព យកដីខ្សាច់ច្រកក្នុងការុង ហើយលក់ឲ្យជនរងគ្រោះខាងលើចំនួន ៩ ការុង ពិតប្រាកដមែន និងបានធ្វើសកម្មភាពយកដីខ្សាច់ច្រករកការុងលក់ឲ្យអ្នករស់នៅម្តុំផ្សារត្រាំនាគ ពុំស្គាល់ឈ្មោះ ១ លើក និងលក់ឲ្យអ្នករស់នៅម្តុំវត្តល្អក់ពុំស្គាល់ឈ្មោះ ១ លើក លុយដែលលក់បានខ្លួនចាយវាយអស់។ បច្ចុប្បន្នកម្លាំងនគរបាលជំនាញនៃស្រុកប្រាសាទបាគង កំពុងកសាងសំណុំរឿងដើម្បីបញ្ជូនខ្លួនជនសង្ស័យខាងលើកាន់ការិយាល័យជំនាញ ចាត់ការទៅតាមផ្លូវច្បាប់៕
អត្ថបទ៖ កុសល
-
ព័ត៌មានអន្ដរជាតិ៧ ថ្ងៃ agoធ្លាក់យន្តហោះឯកជនមួយនៅអាមេរិក បណ្តាលឱ្យមនុស្សក្នុងយន្តហោះ ស្លាប់ទាំងអស់
-
ព័ត៌មានជាតិ៤ ថ្ងៃ agoថ្ងៃទី១៦មិថុនា រដ្ឋបាលភ្នំពេញរកមិនឃើញបទល្មើស ONLINE SCAMS និងទំនិញនាំចូលពីប្រទេសថៃខុសច្បាប់ទេ
-
សន្តិសុខសង្គម៦ ថ្ងៃ agoត្រួតពិនិត្យទីតាំងខុនដូ ១ កន្លែង រកឃើញជនជាតិវៀតណាម ៦ នាក់ ពាក់ព័ន្ធ Online Scams នៅខណ្ឌ ៧ មករា
-
ព័ត៌មានអន្ដរជាតិ៣ ថ្ងៃ agoអង់គ្លេសនឹងបញ្ជូនដ្រូន ១៥០ ០០០គ្រឿង និងប្រព័ន្ធរ៉ាដាជាង ៣៥០ ទៅអ៊ុយក្រែន ដោយយកលុយរុស្ស៊ីដែលបង្កកបង់ថ្លៃ
-
ព័ត៌មានអន្ដរជាតិ៦ ថ្ងៃ agoយន្តហោះទម្លាក់គ្រាប់បែកនុយក្លេអ៊ែរ អាមេរិក B-52 ធ្លាក់នៅ កាលីហ្វ័រញ៉ា ស្លាប់សមាជិកអាកាសយានិក ៨នាក់
-
ព័ត៌មានជាតិ១ សប្តាហ៍ agoអាជ្ញាធរខណ្ឌទួលគោក បន្តចុះត្រួតពិនិត្យទីតាំងលក់គ្រឿងទេស ត្រី សាច់បង្កក៤ទីតាំងបន្ថែមទៀត
-
ព័ត៌មានជាតិ៥ ថ្ងៃ agoក្រុមហ៊ុន Visa បានធ្វើបច្ចុប្បន្នភាពផែនទីសុវត្ថិភាពលើប្រព័ន្ធទូទាត់ប្រាក់ ដើម្បីបន្តកសាងទំនុកចិត្ត និងពង្រឹងភាពធន់ នៃប្រព័ន្ធទូទាត់តាមរយៈឌីជីថលនៅកម្ពុជា
-
ព័ត៌មានអន្ដរជាតិ៥ ថ្ងៃ agoទីបំផុត ថៃ ព្រមទៅ UN ដោយជ្រើសរើសអ្នកជំនាញ ២រូប ដើម្បីតតាំងជាមួយកម្ពុជា ក្រោមយន្តការ UNCLOS