សន្តិសុខសង្គម
ស្ថានីយប្រេងឥន្ធនៈ យីហោ ជាង អេង រងការរិះគន់ពីអតិថិជនថា ប្រេងពុំគ្រប់លីត្រ តែមន្ត្រីជំនាញថា គ្រប់គ្រាន់ និងត្រឹមត្រូវ
រតនគិរី ៖ មន្ត្រីជំនាញនៃមន្ទីរឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ ខេត្តរតនគិរី កាលពីថ្ងៃទី៣០ ខែឧសភា ឆ្នាំ២០២២ វេលាម៉ោងប្រមាណ៩និង០០នាទីព្រឹក បានចុះទៅដល់ទីតាំងស្ថានីយ ប្រេងឥន្ធនៈ នៅទល់មុខសាលាស្រុកចាស់ ស្ថិតនៅក្នុងភូមិលំផាត់ ឃុំជ័យឧត្តម ស្រុកលំផាត់ ខេត្តរតនគិរី ដើម្បីត្រួតពិនិត្យភ្លាមៗ។
ខណៈមន្ត្រីជំនាញបានទទួលដំណឹងពីក្រុមអ្នកសារព័ត៌មានកាលពីថ្ងៃសៅរ៍ ទី២៨ ខែឧសភា ឆ្នាំ២០២២ថា ស្ថានីយប្រេងឥន្ធនៈខាងលើនេះ មានភាពមិនប្រក្រតី សាំងនិងប្រេងម៉ាស៊ូត លក់ជូនអតិថិជនមិនគ្រប់លីត្ររួចមក។
លោក ញឹម វណ្ណរុន មន្ត្រីជំនាញ មាឌសាស្ត្រ រង្វាស់រង្វាល់នៃមន្ទីរឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ ខេត្តរតនគិរី ដឹកនាំកម្លាំងដោយសហការជាមួយមន្ត្រីរដ្ឋបាលស្រុកលំផាត់ ចុះទៅត្រួតពិនិត្យដោយផ្ទាល់តែម្តង ដោយលទ្ធផលជាក់ស្តែង គឺពុំមានដូចការលើកឡើង វាយប្រហារ តាមពាក្យចចាមអារ៉ាម និងចោទប្រកាន់ពីអតិថិជនខាងលើនោះទេ។
ពាក់ព័ន្ធបញ្ហាចោទប្រកាន់ខាងលើនេះ មេការស្ថានីយប្រេងឥន្ធនៈ ជាង អេង ឈ្មោះ ម៉ាន់ សុខលី ភេទប្រុស អាយុ៣០ឆ្នាំ បានផ្តល់បទសម្ភាសដល់ក្រុមអ្នកសារព័ត៌មានថា ស្ថានីយប្រេងឥន្ធនៈនេះដំណើរការតាំងពីឆ្នាំ២០១២ កើតមុនផ្លូវជាតិលេខ៧៦ ពុំទាន់ក្រាលកៅស៊ូម្ល៉េះ។
ប្អូនប្រុសបន្តថា ការលក់សាំងរាល់ថ្ងៃនេះសំខាន់គឺ ទីមួយ ៖ តែងយកចិត្តថ្លើមអតិថិជន និងទាក់ទាញឲ្យបានច្រើន។
ទីពីរ ៖ ការថែទាំយានយន្តគ្រប់ប្រភេទជូនអតិថិជនឲ្យបានល្អជៀសវាងការកើតឡើងនូវហានិភ័យផ្សេងៗថ្ងៃក្រោយ។
ទោះជាយ៉ាងណាមន្ត្រីជំនាញនៃមន្ទីរឧស្សាហកម្ម វិទ្យាសាស្ត្រ បច្ចេកវិទ្យានិងនវានុវត្តន៍ ខេត្តរតនគិរី បានអះអាងថា គ្រប់ស្ថានីយប្រេងឥន្ធនៈទូទាំង៩ក្រុង-ស្រុក បើមានពាក្យបណ្តឹងនិងចុះត្រួតពិនិត្យរកឃើញមានភាពមិនប្រក្រតីកើតឡើង លោកនិងចាត់វិធានការណ៍ ម្ចាស់ស្ថានីយ រៀបចំឲ្យល្អប្រសើរឡើងវិញ ករណីមិនអនុវត្តន៍តាមមន្ត្រីជំនាញទេ លោកនិងកសាងសំណុំបែបបទបញ្ជូនទៅតុលាការ ចាត់ការបន្តជាធរមាន៕
ដោយ ៖ វុទ្ធឦសាន
-
សេចក្ដីជូនដំណឹង៦ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ៤ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
កីឡា១២ ម៉ោង agoល្ងាចនេះ U19 កម្ពុជា ប៉ះ ថៃ វគ្គពាក់កណ្តាលផ្តាច់ព្រ័ត្រ ខណៈជួបគ្នាចុងក្រោយ ថៃ ខកចិត្តម្តងហើយ
-
សេដ្ឋកិច្ច៦ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
កីឡា១ សប្តាហ៍ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
សន្តិសុខសង្គម៥ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម
-
ព័ត៌មានអន្ដរជាតិ៦ ថ្ងៃ agoពូទីន គេចមិនឆ្លើយរឿងកាន់អំណាចដល់ឆ្នាំ២០៣៦ ហើយប្រាប់ថា «មានតែព្រះទេទើបដឹង»
-
ព័ត៌មានជាតិ១ សប្តាហ៍ agoសម្តេចធិបតី៖ ទម្លាប់ខ្ញុំវាយតម្លៃការងារផ្អែកលើលទ្ធផលជាក់ស្តែង មិនមើលតែរបាយការណ៍ល្អៗពីថ្នាក់ក្រោមនោះទេ