KPT+
ធ្លាប់ដឹងអត់ កាបូបយួរដៃ ម្ចាស់ក្សត្រី Elizabeth មានដាក់អ្វីខ្លះ?
គ្រប់យ៉ាងអំពីម្ចាស់ក្សត្រីអង់គ្លេស Elizabeth ទី២ ត្រូវបានមហាជនជាច្រើនលើលោក ចង់ដឹងជាទីបំផុត មិនថាទម្លាប់ប្រចាំថ្ងៃ អាហារ រួមទាំងសម្ភារប្រើប្រាស់ទាំងអស់។ ស្របពេលជាមួយគ្នានេះ កាបូបយួរដៃដែលម្ចាស់ក្សត្រី តែងតែនាំទៅតាមព្រះកាយជាប្រចាំ ក៏ត្រូវមនុស្សម្នារាប់សិបលាននាក់ចង់ដឹងថាមានអ្វីខ្លះ នៅក្នុងនោះដែរ។
ត្រឡប់ទៅឆ្នាំ ១៩៨១ ម៉ាក Launer ត្រូវបានអនុញ្ញាតជាផ្លូវការឱ្យផលិតកាបូបសម្រាប់ម្ចាស់ក្សត្រីអង់គ្លេស ហើយតាំងពីពេលនោះមក ម៉ាកនេះជាម៉ាកផ្ដាច់មុខសម្រាប់ក្សត្រី Elizabeth ប្រើប្រាស់ជាប្រចាំ រហូតមកដល់បច្ចុប្បន្ន។ កាបូប Launer ជាម៉ូដសាមញ្ញដែលមានខ្សែយួរខ្លី និងស្លាកសញ្ញានៅលើខ្សែប្រាក់នៅខាងមុខ។ វាជាកាបូបដែលមហាក្សត្រី Elizabeth យកទៅតាមព្រះកាយ រាល់ពេលបង្ហាញមុខជាសាធារណៈ។
ប្រភពពីមនុស្សជិតស្និទ្ធរបស់ខ្សែរាជវង្សទម្លាយថា ម្ចាស់ក្សត្រីសព្វព្រះទ័យដាក់របស់របរតែ ៣មុខប៉ុណ្ណោះ នៅក្នុងកាបូបរបស់ទ្រង់។ ទ្រង់តែងតែដាក់សៀវភៅកំណត់ហេតុប្រចាំថ្ងៃ និងកាមេរ៉ាតូចមួយនៅក្នុងកាបូបដៃ ជាពិសេសពេលទ្រង់ជួបជាមួយប្រធានាធិបតី ឬឥស្សរជនលំដាប់ខ្ពស់ៗ កាមេរ៉ាតែងតែមានជានិច្ច។ ក្រៅពីនោះ ដោយសារទ្រង់សព្វព្រះទ័យទតមើលការប្រណាំងសេះ ទ្រង់ក៏តែងតែមានកែវយឹតមួយសម្រាប់ប្រើផងដែរ។
ទន្ទឹមនឹងនេះ មានរឿងគួរឱ្យភ្ញាក់ផ្អើលមួយដែរ អំពីកាបូបយួរដៃរបស់ស្ដេចស្រី Elizabeth ព្រោះវាមិនមានដាក់ទូរសព្ទនោះទេ។ លើកលែងតែពេលទ្រង់ជិះឡានក្រសាលជុំវិញវិមាន Balmoral ប្រាសាទ Windsor ឬវិមាន Sandringham នៅថ្ងៃឈប់សម្រាកតែប៉ុណ្ណោះ៕
ប្រែសម្រួល៖ សន្យា
ចុចអាន៖ ទម្លាយរូបមន្តរក្សាសម្រស់ម្ចាស់ក្សត្រី Elizabeth គ្រប់គ្នាអាចភ្ញាក់ផ្អើល
ចុចអាន៖ ម្ចាស់ក្សត្រី Elizabeth ស្ដេចស្រីបំបែកកំណត់ត្រាពិភពលោក Guinness ច្រើនបំផុត
-
កីឡា៧ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង