ជីវិតកម្សាន្ដ
អ្នកលេងអ៊ីនធឺណិតចិន ហាម Carina Lau មិនឱ្យចូលស្រុក ក្រោយនាងបង្ហោះសាររំលែកទុក្ខម្ចាស់ក្សត្រី អេលីហ្សាប៊ែត ទី២
តារាសម្ដែងជើងចាស់ Carina Lau ក្លាយជាតារាហុងកុងម្នាក់ ដែលត្រូវបានអ្នកនិយមលេងអ៊ីនធឺណិតចិនរិះគន់យ៉ាងចាស់ដៃ ក្រោយពេលនាងលើកសរសើរម្ចាស់ក្សត្រី អេលីហ្សាប៊ែត ទី២ (Elizabeth II) ក៏ដូចជាចូលរួមរំលែកទុក្ខនៃការយាងចូលទិវង្គតរបស់ក្សត្រីអង្គនេះ។
បន្ទាប់ពីព្រះមហាក្សត្រី អេលីហ្សាប៊ែត ទី២ សោយទិវង្គតក្នុងព្រះជន្ម ៩៦ព្រះវស្សា កាលពីថ្ងៃទី ៨ ខែកញ្ញា ឆ្នាំ២០២២ តារាស្រី Carina Lau បានបង្ហោះសារមួយនៅលើគណនី Instagram របស់នាង ដោយនាងបានសម្ដែងនូវការសោកស្ដាយជាពន់ពេកចំពោះការបាត់បង់ក្សត្រីនៃចក្រភពអង់គ្លេស។
តារាវ័យ ៥៦ឆ្នាំរូបនេះបានសរសេរថា “ថ្វាយចំពោះម្ចាស់ក្សត្រី អេលីហ្សាប៊ែត! ទ្រង់ជាស្ត្រីឆ្នើមមួយរូប ដែលជាអធិបតីក្នុងរជ្ជកាលដ៏យូរអង្វែង និងធ្វើឱ្យទឹកដីទ្រង់មានស្ថិរភាព ក៏ដូចជាការផ្លាស់ប្តូរយ៉ាងឆាប់រហ័ស។ ការបាត់បង់ព្រះវត្តមានទ្រង់ គឺជាការបាត់បង់ដែលមិនអាចជំនួសបាន ក្នុងជំនាន់របស់យើង”។
ក្រោយបង្ហោះសាររួចភ្លាមៗ ស្រាប់តែមានមតិអវិជ្ជមានជាច្រើន បានខមមិនលើការបង្ហោះរបស់នាង ដូច្នេះនាងក៏ចូលទៅលុបភ្លាមៗដែរ។ លុះមកដល់ថ្ងៃទី ១៥ ខែកញ្ញា ពេល Carina Lau បង្ហោះសារផ្សេងនៅលើបណ្ដាញសង្គម Weibo អ្នកលេងអ៊ីនធឺណិតជាច្រើននាំគ្នាចូលទៅខមមិនជេរស្ដីរូបនាងយ៉ាងខ្លាំង។
ពួកគេបានជំទាស់ចំពោះចែករំលែករបស់ Carina Lau នៅលើ Instagram ដោយសារបញ្ហាចម្រូងចម្រាសពីអតីតកាលរវាងចិន និងអង់គ្លេស។ មនុស្សមួយចំនួនបានលើកឡើងពីសង្គ្រាមអាភៀនលើកទី១ (១៨៣៩-១៨៤២) ដែលពេលនោះកោះហុងកុងត្រូវបានគ្រប់គ្រងដោយចក្រភពអង់គ្លេស ដូច្នេះហើយពួកគេហាក់នៅខឹងសម្បារ ទើបពួកគេប្រាប់ Carina Lau កុំឱ្យត្រឡប់ទៅប្រទេសចិនវិញ ក្រោយពេលនាងលើកសរសើររាជវង្សអង់គ្លេស។
ទោះយ៉ាងណា Carina Lau មិនបានឆ្លើយតបនឹងប្រតិកម្មទាំងនេះទេ៕
ប្រែសម្រួល៖ សន្យា
ចុចអាន៖ ខ្សែភាពយន្ត “The Crown” ផ្ទុះល្បី ក្រោយម្ចាស់ក្សត្រី Elizabeth ទី២ សោយទិវង្គត
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១៦ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ