ភ្ញាក់ផ្អើលគ្រប់គ្នា! លោក ចូ បៃដិន និយាយថា ខ្លួនមានជំងឺមហារីក 

វីដេអូ​ដែល​ប្រធានាធិបតី​អាមេរិកលោក ចូ បៃដិន ​អះអាង​ក្នុង​សុន្ទរកថា​មួយ​ថា ​លោក​មាន​ជំងឺ​មហារីក បានបង្កឲ្យមានការភ្ញាក់ផ្អើលយ៉ាងខ្លាំង​នៅ​លើ​បណ្តាញ​សង្គម​កាលពី​ថ្ងៃ​ពុធទី២០ខែកក្កដា។

លោក Biden បាននិយាយបែបនេះអំឡុងដំណើរទស្សនកិច្ចទៅកាន់អតីតរោងចក្រអណ្តូងរ៉ែធ្យូងថ្មមួយនៅទីក្រុង Somerset នៃរដ្ឋ Massachusetts ដើម្បីពិភាក្សាអំពីបទបញ្ជាប្រតិបត្តិថ្មី ប្រយុទ្ធប្រឆាំងនឹងការប្រែប្រួលអាកាសធាតុ។

ថ្វីបើការកត់សម្គាល់នេះមានលក្ខណៈធម្មតាក៏ដោយ ប៉ុន្តែសេតវិមានបានបំភ្លឺភ្លាមៗថា លោកប្រធានាធិបតីបានសំដៅទៅលើការព្យាបាលជំងឺមហារីកស្បែក ដែលគាត់បានព្យាបាលមុនពេលចូលកាន់តំណែងនៅក្នុងខែមករាឆ្នាំមុន។

លោក Biden កំពុងពិភាក្សាអំពីគ្រោះថ្នាក់ ដែលបណ្តាលមកពីការបំភាយឧស្ម័នចេញពីរោងចក្រចម្រាញ់ប្រេង នៅពេលដែលគាត់លើកឡើងសំដៅទៅផ្ទះកាលពីកុមារភាពរបស់គាត់ ក្នុងរដ្ឋ Delaware ហើយនិយាយថា “ម្តាយរបស់ខ្ញុំបានបើកឡានដឹកយើង ជាជាងឲ្យយើងដើរ។ អ្នកត្រូវតែពាក់ក្រណាត់ជូតមុខរបស់អ្នក ដើម្បីយកប្រេងចេញពីបង្អួច។ នោះហើយជាមូលហេតុដែលខ្ញុំ និងមនុស្សជាច្រើនទៀតដែលខ្ញុំធំធាត់ជាមួយ មានជំងឺមហារីក ហើយជាមូលហេតុយូរបំផុត ដែលរដ្ឋ Delaware មានអត្រាមហារីកខ្ពស់បំផុតនៅក្នុង​ប្រទេស”។

ខណៈការកត់សម្គាល់របស់លោកប្រធានាធិបតីបានបង្កការភ្ញាក់ផ្អើលនោះ សេតវិមានបានបំភ្លឺថា គាត់កំពុងសំដៅទៅលើការធ្វើរោគវិនិច្ឆ័យពីមុនរបស់គាត់តែប៉ុណ្ណោះ៕

ប្រែសម្រួល៖ Vann Vann

ប្រភព៖ NDTV

ចុចអាន៖ លោក បៃដិន ជួយអ៊ុយក្រែន អស់ប្រាក់ជិត ៧ពាន់លានដុល្លារហើយ ចាប់តាំងពីឡើងកាន់អំណាច