ព័ត៌មានអន្ដរជាតិ
លោក បៃដិន ជួយអ៊ុយក្រែន អស់ប្រាក់ជិត ៧ពាន់លានដុល្លារហើយ ចាប់តាំងពីឡើងកាន់អំណាច (មានវីដេអូ)
ប្រធានាធិបតីសហរដ្ឋអាមេរិក លោក ចូ បៃដិន បាននិយាយថា ក្នុងពេលឆាប់ៗនេះ សហរដ្ឋអាមេរិកនឹងប្រកាសកញ្ចប់ជំនួយយោធាថ្មីក្នុងទំហំទឹកប្រាក់ ៨០០ លានដុល្លារបន្ថែមទៀត ដល់ប្រទេសអ៊ុយក្រែន ដែលនាំឲ្យចំនួនសរុបចាប់តាំងពីលោកបានឡើងកាន់តំណែងមក មានចំនួនជិត ៧ពាន់លានដុល្លារហើយ។
លោក បៃដិន និយាយថា ជំនួយនេះ ដែលនឹងត្រូវប្រកាសនាប៉ុន្មានថ្ងៃខាងមុខ នឹងរួមបញ្ចូលទាំងប្រព័ន្ធការពារដែនអាកាសកម្រិតខ្ពស់ និងកាំភ្លើងធំផងដែរ ខណៈអ៊ុយក្រែន បន្តប្រឈមមុខនឹងការវាយលុករបស់រុស្ស៊ីនៅក្នុងតំបន់ Donbas ភាគខាងកើត។
លោកនិយាយថា “សហរដ្ឋអាមេរិកកំពុងប្រមូលផ្តុំពិភពលោក ឲ្យឈរជាមួយអ៊ុយក្រែន ដោយបន្តការគាំទ្រ ដរាបណាពួកគេត្រូវការ”។
លោក បៃដិន បាននិយាយបែបនេះ នៅថ្ងៃចុងក្រោយនៃកិច្ចប្រជុំកំពូលរបស់អង្គការណាតូ ក្នុងទីក្រុងម៉ាឌ្រីដ ប្រទេសអេស្ប៉ាញ ដែលក្នុងនោះ ប្លុកប្រទេសចំនួន ៣០ បានយល់ព្រមលើក្របខ័ណ្ឌយុទ្ធសាស្រ្តថ្មីមួយ ដែលផ្តោតលើការគំរាមកំហែងដោយផ្ទាល់ ពីសំណាក់ប្រទេសរុស្ស៊ី ហើយនេះជាលើកដំបូង ដែលណាតូទទួលស្គាល់ បញ្ហាប្រឈម ដែលបង្កឡើងដោយ អ្វីដែលថ្នាក់ដឹកនាំទាំងអស់ពណ៌នាថា ជាគោលនយោបាយបង្ខិតបង្ខំ របស់ចិន។
លោកបានគូសបញ្ជាក់ បន្ទាប់ពីប្រកាសកាលពីដើមសប្តាហ៍នេះថា សហរដ្ឋអាមេរិកនឹងបង្កើនវត្តមានយោធារបស់ខ្លួននៅក្នុងទ្វីបអឺរ៉ុប ដើម្បីជួយជំរុញអង្គការណាតូ។ ទីក្រុងវ៉ាស៊ីនតោនគ្រោងនឹងបង្កើតមូលដ្ឋានកងទ័ពនៅក្នុងប្រទេសប៉ូឡូញ, បញ្ជូនទាហានបន្ថែមចំនួន ៥០០០ នាក់ទៅកាន់ប្រទេសរូម៉ានី, ពង្រាយកងយន្តហោះ F-45 ចំនួនពីរគ្រឿង និងបង្កើនចំនួននាវាពិឃាតរបស់កងទ័ពជើងទឹកអាមេរិកនៅក្នុងប្រទេសអេស្ប៉ាញ៕
សូមទស្សនាវីដេអូ៖
ប្រែសម្រួល៖ Vann Vann
ប្រភព៖ Al Jazeera
ចុចអាន៖ ឥណ្ឌូណេស៊ី ប្តេជ្ញា បន្តកិច្ចសហប្រតិបត្តិការជាមួយ រុស្ស៊ី
-
ព័ត៌មានជាតិ៧ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៥ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៥ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ចរាចរណ៍២២ ម៉ោង ago
បឋម៖ រថភ្លើងបុករថយន្ដក្រុងដឹកអ្នកដំណើររបួសច្រើននាក់
-
ព័ត៌មានជាតិ៥ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
សេដ្ឋកិច្ច៦ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៥ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
ព័ត៌មានអន្ដរជាតិ៣ ថ្ងៃ ago
លម្អិតហេតុការណ៍រន្ធត់ កប៉ាល់ដឹកកុងតឺន័រ បុកបាក់ស្ពាននៅទីក្រុង Baltimore