ថ្នាំព្យាបាលជំងឺមហារីកជាង ១០ប្រភេទ ត្រូវបានអនុញ្ញាតឲ្យចាក់នៅវៀតណាម ហើយ

វៀតណាម ប្រកាសថា ថ្នាំចាក់ព្យាបាលជំងឺមហារីករបស់រុស្ស៊ីឈ្មោះ Pembroria បានទទួលអាជ្ញាប័ណ្ណ សម្រាប់ការព្យាបាលនៅប្រទេសរបស់ខ្លួនហើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមការផ្សាយរបស់ VN Express នៅថ្ងៃពុធទី១២ខែវិច្ឆិកាឆ្នាំ២០២៥ដោយដកស្រង់ប្រភពពីរដ្ឋបាលឱសថវៀតណាម, ថ្នាំនេះទទួលបានភ្លើងបៃតង ឲ្យប្រើប្រាស់ជាផ្លូវការរយៈពេល៣ឆ្នាំ។

ទោះបីជាយ៉ាងណាក៏ដោយ ត្បិតត្រូវបានអនុញ្ញាតឲ្យចាក់ឆាប់ៗនេះមែន ប៉ុន្តែវៀតណាមមិនទាន់កំណត់កាលបរិច្ឆេទជាក់លាក់ឡើយ។

ថ្នាំចាក់នេះត្រូវបានផលិតឡើងដោយក្រុមហ៊ុន Biocad របស់រុស្ស៊ី និងចុះបញ្ជីដោយក្រុមហ៊ុនមួយមានមូលដ្ឋាននៅប្រទេសអារ៉ាប់រួម។ វាមានប្រសិទ្ធភាពព្យាបាលជំងឺមហារីកជាង១០ប្រភេទ រួមមាន មហារីកសួត មហារីកស្បែក មហារីកពោះវៀនធំ មហារីកមាត់ស្បូន និងមហារីកតម្រងនោមជាដើម។

ថ្នាំនេះមានផ្ទុកសារធាតុសកម្ម Pembrolizumab ហើយត្រូវបានគេប៉ាន់ស្មានថា មួយដបមានតម្លៃប្រមាណ ៥៨០ ដុល្លារអាមេរិក៕

អត្ថបទ៖ សុខ សុវណ្ណ

ចុចអាន៖ រុស្ស៊ី ធ្វើតេស្តថ្នាំចាក់ព្យាបាលជំងឺមហារីក ដោយជោគជ័យ និងត្រៀមដាក់លក់លើទីផ្សារ