ព័ត៌មានជាតិ
តើចូលជាសមាជិក សហសភាពសហព័ន្ធយុវជនកម្ពុជាផ្ដល់ផលប្រយោជន៍សំខាន់អ្វីខ្លះ?
បន្ទាយមានជ័យ ៖ នៅរសៀលថ្ងៃទី២៧ ខែសីហា ឆ្នាំ២០២២នេះ ឯកឧត្ដម ហ៊ុន ម៉ានី ប្រធានសហភាពសហព័ន្ធយុវជនកម្ពុជា បានអញ្ជើញជាអធិបតីក្នុងពិធីសំណេះសំណាលជាមួយថ្នាក់ដឹកនាំ សមាជិក សមាជិកា សហភាពសហព័ន្ធយុវជនកម្ពុជា ប្រចាំសាកលវិទ្យាល័យជាតិមានជ័យ។

ពិធីនេះ មានការអញ្ជើញចូលរួមពីសំណាក់ លោក អ៊ុ រាត្រី អភិបាលខេត្តបន្ទាយមានជ័យ, លោក ស សុខា អនុប្រធានសហភាពសហព័ន្ធយុវជនកម្ពុជា និងជាប្រធានក្រុមប្រឹក្សាយុវជនគ្រិះដ្ឋានឧត្តមសិក្សា នៃស.ស.យ.ក, លោក សុខ ឃន ប្រធានគណៈគ្រប់គ្រងសាកលវិទ្យាល័យជាតិមានជ័យ និងសមាជិក សមាជិកា ស.ស.យ.ក ជាច្រើនរូប។

បន្ទាប់ពីបានជួបសំណេះសំណាលជាមួយថ្នាក់ដឹកនាំ និងគណៈគ្រប់គ្រង នៃសាកលវិទ្យាល័យជាតិមានជ័យ លោក ហ៊ុន ម៉ានី បានបន្តជួបជាមួយសមាជិក សមាជិកា ស.ស.យ.ក ដែលទើបតែបញ្ចូលថ្មី ក្នុងក្របខណ្ឌសាកលវិទ្យាល័យជាតិមានជ័យ ហើយលោកបានរំលេចឡើងនូវចំណេះដឹងបន្ថែមដល់យុវជន ក៏ដូចជា សមាជិក សមាជិកា ស.ស.យ.ក ប្រចាំសាកលវិទ្យាល័យជាតិមានជ័យ បានយល់កាន់តែច្បាស់ពីគុណតម្លៃ នៃការចូលរួមជាមួយ ស.ស.យ.ក។

លោក ហ៊ុន ម៉ានី បានអះអាងថា ការចូលជាសមាជិក ស.ស.យ.ក នឹងទួលបានផលប្រយោជន៍៣ យ៉ាងសំខាន់ៗនោះ គឺទី១៖ បណ្ដុះឆន្ទៈ កម្លាំងកាយចិត្តក្នុងការងារសង្គម, ទី២៖ ការបណ្ដុះបណ្ដាលសមត្ថភាពផ្ទាល់ខ្លួន និងទី៣៖ ការធ្វើជាគំរូដល់សង្គម។

ជាមួយគ្នានោះ លោកក៏បានចែករំលែកពីបទពិសោធន៍ផ្ទាល់ខ្លួនកន្លងមក ដែលលោកបានជួបប្រទះ ដើម្បីផ្ដល់ជាធាតុចូលនៃចំណេះដឹងបន្ថែមសម្រាប់យុវជន ហើយលើសពីនោះថែមទៀតលោកបានបញ្ជាក់ទៀតថា ស.ស.យ.ក នៅតែជាវេទិកាសម្រាប់បណ្ដុះបណ្ដាលសមត្ថភាពរបស់យុវជនជានិច្ច។

គួរបញ្ជាក់ដែរថា ពិធីជួបសំណេះសំណាលនារសៀលនេះពិតជាបង្ហាញឲ្យឃើញពីស្មារតី នៃការចូលរួមរបស់សមាជិក សមាជិកា ស.ស.យ.ក គ្រប់លំដាប់ថ្នាក់ដែលតែងតែយកចិត្តទុកដាក់ជាមួយកាតព្វកិច្ចសង្គម ជាពិសេសបណ្ដុះស្មារតីយុវជនឲ្យត្រងត្រាប់ និងក្ដាប់យកឱកាសពីការចែករំលែកនានារបស់ថ្នាក់ដឹកនាំសំខាន់ៗផងដែរ៕







-
ព័ត៌មានអន្ដរជាតិ៤ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម៥ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ១ សប្តាហ៍ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ៤ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៧ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
សន្តិសុខសង្គម១១ ម៉ោង ago
នគរបាលឡោមព័ទ្ធខុនដូមួយកន្លែងទាំងយប់ ឃាត់ជនបរទេសប្រុសស្រីជាង ១០០នាក់
-
ព័ត៌មានអន្ដរជាតិ១ សប្តាហ៍ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម៤ ថ្ងៃ ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ