សេដ្ឋកិច្ច
ការដំឡើងអត្រាការប្រាក់ដុល្លារ ធ្វើឱ្យវិនិយោគគិនធំៗ ផ្អាកសកម្មភាពកម្ចីប្រាក់វិនិយោគ
បញ្ហាអតិផរណាកើនខ្ពស់ដល់ ៨.៥ ភាគរយ នៅអាមេរិក កាលពីខែឧសភាកន្លងទៅ បានធ្វើឱ្យធនាគារកណ្តាលអាមេរិក បង្កើនអត្រាការប្រាក់ដុល្លាររបស់ខ្លួនរហូតដល់ ៣.២៥ភាគរយដែលជាអត្រាខ្ពស់បំផុត។
ជាមួយគ្នានោះ អ្នកវិនិយោគ និងអ្នកជំនាញសេដ្ឋកិច្ចបរទេសជាច្រើន យល់ឃើញថា អត្រាការប្រាក់ដុល្លារអាមេរិក នឹងបន្តកើនឡើងដល់ ៤.៤០ភាគរយ នៅដំណាច់ខែធ្នូ និង ៤.៦០ នៅឆ្នាំ ២០២៣ ហើយនឹងអាចធ្លាក់ចុះវិញនៅឆ្នាំ ២០២៤។
ការដំឡើងអត្រាការប្រាក់នេះ បានធ្វើឱ្យរូបិយបណ្ណប្រទេសជាច្រើនធ្លាក់ថ្លៃ និងផ្តល់ផលប៉ះពាល់ដល់សេដ្ឋកិច្ចប្រទេសផងដែរ។
ប្រធានផ្នែកប្រឹក្សាយោបល់ហិរញ្ញវត្ថុ នៃក្រុមហ៊ុន Golden FX Link Capital លោក ឡុង សំណាង បានលើកឡើងថា ការដំឡើងអត្រាការប្រាក់ដុល្លារកាន់តែខ្ពស់ ធ្វើឱ្យវិនិយោគគិនធំៗមួយចំនួនផ្អាកសកម្មភាព កម្ចីប្រាក់ សម្រាប់ធ្វើការវិនិយោគ ឬពង្រីកអាជីវកម្មផ្សេងៗរបស់ខ្លួនជាបណ្តោះអាសន្ន។ លោកបន្ថែមថា វិនិយោគគិន មិនអាចខ្ចីប្រាក់ជាមួយអត្រាការប្រាក់ខ្ពស់ ដើម្បីយកមកវិនិយោគបានឡើយ។
គិតមកដល់ពេលនេះ គឺមិនទាន់មានសញ្ញាណាមួយដែលបង្ហាញថា អត្រាការប្រាក់ដុល្លារនៅអាមេរិក ធ្លាក់ចុះវិញនោះទេ គឺមានតែសញ្ញាណពីការកើនឡើងបន្តទៀត។ តែទោះយ៉ាងណា លោក ឡុង សំណាង លើកឡើងថា ការកើនឡើងនេះ មិនធ្វើឱ្យប៉ះពាល់ដល់សេដ្ឋកិច្ចធ្ងន់ធ្ងរនោះទេ។ ប៉ុន្តែលោកបារម្ភថា វិនិយោគិន ដែលបន្តទិញដុល្លារនៅក្នុងកាលៈទេសៈអត្រាការប្រាក់ខ្ពស់នេះ អាចប្រឈមនឹងខាតបង់នៅពេលក្រោយ៕
អត្ថបទ៖ នាង រតនៈ
-
ជីវិតកម្សាន្ដ៣ ថ្ងៃ ago
ពេជ្រ ចរណៃ រក្សាបានរាង និងសម្រស់ស្អាត មិនចាញ់តារាបរទេស
-
ព័ត៌មានជាតិ៦ ថ្ងៃ ago
គេហទំព័រ Weather៖ សប្តាហ៍នេះ កម្ពុជា នឹងក្តៅខ្លាំង ឈានដល់កម្រិតគ្រោះថ្នាក់ ៤០អង្សាសេ
-
ព័ត៌មានជាតិ៥ ម៉ោង ago
ស្គាល់អត្តសញ្ញាណយោធិន១៥រូប ចំណោមអ្នកស្លាប់២០រូប ក្នុងហេតុការណ៍ផ្ទុះឃ្លាំងគ្រាប់នៅកំពង់ស្ពឺ
-
ព័ត៌មានជាតិ៥ ថ្ងៃ ago
កម្ពុជានឹងធ្លាក់ភ្លៀង ៤០% នាដើមរដូវវស្សាឆ្នាំនេះ ខណៈក្រសួងប្រកាសឱ្យប្រុងប្រយ័ត្នបាតុភូត ផ្គរ រន្ទះ និងខ្យល់កន្ត្រាក់
-
ព័ត៌មានជាតិ៥ ថ្ងៃ ago
តុលាការ បញ្ជាឱ្យចាប់ខ្លួនជនត្រូវចោទ ចោម ខ្វាន់ ពីបទរំលោភលើទំនុកចិត្តអ្នកដទៃ
-
ព័ត៌មានជាតិ៦ ម៉ោង ago
សម្ដេចធិបតី ឧបត្ថម្ភជូនគ្រួសារយោធិនដែលស្លាប់មួយគ្រួសារ៨០លានរៀល ឯអ្នករងរបួស២០លានរៀល
-
សេចក្ដីជូនដំណឹង៤ ថ្ងៃ ago
អ្នកឧកញ៉ា ឡេង ណាវ៉ាត្រា បញ្ជាក់ច្បាស់ៗការដោះដូរ ផ្ទះយកដី គឺសម្រាប់តែអតិថិជនស្ម័គ្រចិត្ត ដែលពួកគាត់មានតម្រូវការចាំបាច់ចំណែកគម្រោង បុរី នៅតែប្រកាន់គោលជំហរបញ្ចប់ការដោះស្រាយជូនអតិថិជនទាំងស្រុងដដែល
-
សេចក្ដីជូនដំណឹង៦ ថ្ងៃ ago
ចូលឆ្នាំខ្មែរបានសប្បាយជួបជុំហើយ បានទាំងរង្វាន់ពីគ្រុឌឈ្នះផ្អើលពេញភូមិ