សន្តិសុខសង្គម
សមាជិកក្រុមប្រឹក្សាខេត្តរតនគិរីម្នាក់ បានស្លាប់ បន្ទាប់ពីម៉ូតូបុក
លោក សុខ វុឌ្ឍី សមាជិកក្រុមប្រឹក្សាខេត្តរតនគិរី បានជួបគ្រោះថ្នាក់ចរាចរណ៍ ខណៈចតរថយន្តនៅក្បែររបងសាលារៀនបឋមសិក្សាឡាបានសៀក ហើយដើរឆ្លងទទឹងផ្លូវទៅហាងលក់សាច់អាំង”យីហោ”ឈ្មោះស្រីហេង ត្រូវម៉ូតូបុកយ៉ាងពេញទំហឹង បណ្តាលឲ្យផ្លោងជាច្រើនម៉ែត្រ បោកក្បាលនឹងផ្លូវថ្នល់ ហូរឈាមពេញផ្លូវ រងរបួសធ្ងន់ ត្រូវបានដឹកបញ្ជូនតាមរថយន្តសង្គ្រោះបន្ទាន់ទៅមន្ទីរពេទ្យបង្អែកខេត្ត ប៉ុន្តែជាអកុសល លោកក៏បានស្លាប់បាត់បង់ជីវិតទៅហើយ។
ហេតុការណ៍នេះបានកើតឡើងកាលពីវេលាម៉ោង ១៨ និង ៤០ នាទីយប់ ថ្ងៃទី ៦ ខែតុលា ឆ្នាំ ២០២២ ត្រង់ចំណុចមុខសាលាបឋមសិក្សាឡាបានសៀក ស្ថិតនៅភូមិអូកន្ទឹល សង្កាត់បឹងកន្សែង ក្រុងបានលុង។
លោក អ៊ុង សុភាព ស្នងការរងទទួលផែនសណ្ដាប់ធ្នាប់បានឲ្យកម្ពុជាថ្មីដឹងថា ករណីនេះកើតឡើងរវាងម៉ូតូបុកអ្នកដើរថ្មើរជើងឆ្លងកាត់ទទឹងផ្លូវពីកើតទៅលិចយ៉ាងពេញទំហឹង បណ្តាលឲ្យជនរងគ្រោះបោកក្បាលនឹងផ្លូវថ្នល់ ហូរឈាមស្រោចពេញផ្លូវ។ ចំពោះម៉ូតូបង្កម៉ាកវេវ(អត់ខោអាវ ខ្វះលក្ខណៈបច្ចេកទេស) ពណ៌ខ្មៅ គ្មានស្លាកលេខ បើកបរដោយយុវជនម្នាក់ឈ្មោះ ស៊ីម ឡាយ អាយុ ១៦ ឆ្នាំ ជនជាតិខ្មែរ រស់នៅភូមិថ្មដា សង្កាត់បឹងកន្សែង ក្រុងបានលុង ខេត្តរតនគីរី រងរបួសធ្ងន់ បែកក្បាល ឈាមហូរតាមមាត់ច្រមុះ រលាត់ជើង និងខ្លួន។
លោកបន្តថា ជនរងគ្រោះឈ្មោះ សុខ វុឌ្ឍី ភេទប្រុស អាយុ ៦៦ ឆ្នាំ ជនជាតិខ្មែរ មុខរបរសមាជិកក្រុមប្រឹក្សាខេត្ត រស់នៅភូមិទេសអន្លុង សង្កាត់បឹងកន្សែង ក្រុងបានលុង ខេត្តរតនគីរី ស្លាប់ក្រោយដឹកបញ្ជូនមកកាន់មន្ទីរពេទ្យបង្អែកខេត្ត។ បន្ថែមនោះ ខណៈម៉ូតូ ១ គ្រឿងនេះ ជិះលឿនគ្មានភ្លើងបំភ្លឺផ្លូវ បុកមនុស្សកំពុងដើរឆ្លងកាត់ផ្លូវ បណ្តាលឲ្យរងរបួសធ្ងន់ ហើយបានស្លាប់នៅមន្ទីរពេទ្យដោយអាការធ្ងន់ធ្ងរពេក។
សពត្រូវបានដឹកបញ្ជូនទៅក្រុងភ្នំពេញ តាមរថយន្តសាមុយរបស់មន្ទីរពេទ្យបង្អែកខេត្ត មានរថយន្តប៉ូលិស និងកងកម្លាំងនគរបាលរួមដំណើរទៅជាមួយ ដើម្បីប្រគល់ទៅឲ្យសាច់ញាតិធ្វើបុណ្យតាមប្រពៃណីនៅគេហដ្ឋាន នៃសព។
បច្ចុប្បន្ន វត្ថុតាងម៉ូតូ បានយកមករក្សាទុកនៅការិយាល័យចរាចរណ៍ផ្លូវគោក ដើម្បីបំពេញសំណុំរឿងទៅតាមនីតិវិធី៕
អត្ថបទ ៖ វុទ្ធឦសាន
-
សេចក្ដីជូនដំណឹង៦ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ៤ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច៦ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
កីឡា៧ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
សន្តិសុខសង្គម៥ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម
-
ព័ត៌មានអន្ដរជាតិ៦ ថ្ងៃ agoពូទីន គេចមិនឆ្លើយរឿងកាន់អំណាចដល់ឆ្នាំ២០៣៦ ហើយប្រាប់ថា «មានតែព្រះទេទើបដឹង»
-
ព័ត៌មានជាតិ៧ ថ្ងៃ agoសម្តេចធិបតី៖ ទម្លាប់ខ្ញុំវាយតម្លៃការងារផ្អែកលើលទ្ធផលជាក់ស្តែង មិនមើលតែរបាយការណ៍ល្អៗពីថ្នាក់ក្រោមនោះទេ
-
ព័ត៌មានជាតិ១ សប្តាហ៍ agoផ្លូវទៅតំបន់អេកូទេសចរណ៍អារ៉ែង ឈានទៅចាក់ក្រាលកៅស៊ូស្ទើរបញ្ចប់ ១០០%