ព័ត៌មានជាតិ
តម្លៃដំឡូងមីឆ្នាំនេះបានខ្ពស់ តែទិន្នផលធ្លាក់ចុះដោយសារភ្លៀងធ្លាក់ច្រើន
កសិករដាំដំឡូងមីនៅខេត្តឧត្តរមានជ័យបានឲ្យដឹងថា តម្លៃដំឡូងមីនៅឆ្នាំនេះបានល្អប្រសើរគួរសម ប៉ុន្តែបរិមាណទិន្នផលរាងធ្លាក់ចុះបន្ដិចដោយសារតែមានភ្លៀងធ្លាក់ច្រើន។
លោក ឈៀង សុខវណ្ណី កសិករដាំដំឡូងមីនៅខេត្តឧត្តរមានជ័យបានប្រាប់កម្ពុជាថ្មីនៅថ្ងៃអង្គារ៍ ទី ២២ ខែវិច្ឆិកា ឆ្នាំ ២០២២នេះថា ទីផ្សារដំឡូងមីបច្ចុប្បន្នមានភាពល្អប្រសើរច្រើនគួរសម ខណៈរូបលោកទើបតែចាប់ផ្ដើមប្រមូលផលបណ្ដើៗហើយលក់បានតម្លៃ ៣០០ រៀល ក្នុងមួយគីឡូ (សម្រាប់ដំឡូងមីស្រស់) និងតម្លៃ ៨៣០ រៀល ទៅ ៨៥០ រៀល ក្នុង១គីឡូ សម្រាប់ដំឡូងមីក្រៀម។
លោកថា នៅឆ្នាំនេះបរិមាណដំឡូងមីធ្លាក់ចុះបន្ដិចដោយសារមានភ្លៀងធ្លាក់ច្រើនធ្វើឲ្យមើមមិនសូវរីក។ បរិមាណជាមធ្យមដែលទទួលបានប្រមាណ ៣៥ តោន ក្នុង១ហិកតា (ធ្វើតាមបច្ចេកទេស)។
លោក សូត្រ ស៊ីសុខឃាង ប្រធានមន្ទីរ កសិកម្ម រុក្ខប្រមាញ់ និងនេសាទ ខេត្តឧត្តរមានជ័យប្រាប់ថា ប្រជាពលរដ្ឋសប្បាយចិត្តក្នុងការប្រមូលផលដំឡូងមី ខណៈតម្លៃបានល្អប្រសើរ ហើយផ្ទៃដីដាំដំឡូងមីនៅខេត្តឧត្តរមានជ័យកើនដល់ជាង ៧ ម៉ឺនហិកតា។
ទិន្ន័យពីក្រសួងកសិកម្ម រុក្ខា ប្រមាញ់ និងនេសាទបង្ហាញនៅក្នុងរយៈពេល ១០ ឆ្នាំ ២០២២ ផលិតផលដំឡូងមីប្រមាណជាង ២,៨ លានតោន ត្រូវបានកម្ពុជានាំចេញទៅលក់នៅទីផ្សារអន្តរជាតិក្នុងនោះមានប្រទេសថៃ និងវៀតណាមជាទីផ្សារធំសម្រាប់កម្ពុជា៕
អត្ថបទ៖ ឡេង ដេត
-
ជីវិតកម្សាន្ដ១ ថ្ងៃ ago
អាយដល G-Devith ក៏ឈ្នះរង្វាន់ដែរ ឈ្នះ ១លានរៀល ពី វឌ្ឍនៈ ឡាហ្គឺរ៉េដ
-
ជីវិតកម្សាន្ដ៤ ថ្ងៃ ago
ពេជ្រ ចរណៃ រក្សាបានរាង និងសម្រស់ស្អាត មិនចាញ់តារាបរទេស
-
ព័ត៌មានជាតិ៧ ថ្ងៃ ago
គេហទំព័រ Weather៖ សប្តាហ៍នេះ កម្ពុជា នឹងក្តៅខ្លាំង ឈានដល់កម្រិតគ្រោះថ្នាក់ ៤០អង្សាសេ
-
ព័ត៌មានជាតិ១ ថ្ងៃ ago
ស្គាល់អត្តសញ្ញាណយោធិន១៥រូប ចំណោមអ្នកស្លាប់២០រូប ក្នុងហេតុការណ៍ផ្ទុះឃ្លាំងគ្រាប់នៅកំពង់ស្ពឺ
-
ព័ត៌មានជាតិ៦ ថ្ងៃ ago
កម្ពុជានឹងធ្លាក់ភ្លៀង ៤០% នាដើមរដូវវស្សាឆ្នាំនេះ ខណៈក្រសួងប្រកាសឱ្យប្រុងប្រយ័ត្នបាតុភូត ផ្គរ រន្ទះ និងខ្យល់កន្ត្រាក់
-
ព័ត៌មានជាតិ១ ថ្ងៃ ago
សម្ដេចធិបតី ឧបត្ថម្ភជូនគ្រួសារយោធិនដែលស្លាប់មួយគ្រួសារ៨០លានរៀល ឯអ្នករងរបួស២០លានរៀល
-
ព័ត៌មានជាតិ៦ ថ្ងៃ ago
តុលាការ បញ្ជាឱ្យចាប់ខ្លួនជនត្រូវចោទ ចោម ខ្វាន់ ពីបទរំលោភលើទំនុកចិត្តអ្នកដទៃ
-
សេចក្ដីជូនដំណឹង៥ ថ្ងៃ ago
អ្នកឧកញ៉ា ឡេង ណាវ៉ាត្រា បញ្ជាក់ច្បាស់ៗការដោះដូរ ផ្ទះយកដី គឺសម្រាប់តែអតិថិជនស្ម័គ្រចិត្ត ដែលពួកគាត់មានតម្រូវការចាំបាច់ចំណែកគម្រោង បុរី នៅតែប្រកាន់គោលជំហរបញ្ចប់ការដោះស្រាយជូនអតិថិជនទាំងស្រុងដដែល