កីឡា

មកដឹងប្រវត្តិជួបគ្នា មុនកម្ពុជាប៉ះម៉ាឡេស៊ី មិត្តភាពអន្តរជាតិថ្ងៃស្អែក

បានផុស

៤ years មុន

នៅ

ថ្ងៃព្រហស្បតិ៍ ៨ ធ្នូ ២០២២

ដោយ

ក្រុមបាល់ទាត់ជម្រើសជាតិកម្ពុជាបានធ្វើដំណើរទៅដល់ប្រទេសម៉ាឡេស៊ីកាលពីយប់មិញដើម្បីប្រកួតមិត្តភាពអន្តរជាតិជាមួយម្ចាស់ផ្ទះម៉ាឡេស៊ី នាថ្ងៃស្អែកទី៩ ខែធ្នូ ឆ្នាំ២០២២នេះនៅកីឡដ្ឋានក្នុងទីក្រុងកូឡាឡាំពួរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នេះជាការប្រកួតមិត្តភាពកម្តៅសាច់ដុំដើម្បីត្រៀមខ្លួនសម្រាប់ការប្រកួតពានរង្វាន់ AFF Cup ដែលជាពានធំលំដាប់ទី១ប្រចាំតំបន់អាស៊ាន។ កម្ពុជាស្ថិតនៅពូល A ជាមួយក្រុមខ្លាំង ថៃ ហ្វីលីពីន ឥណ្ឌូនេស៊ី និងព្រុយណេ ខណៈ ម៉ាឡេស៊ី ស្ថិតនៅពូល B ជាមួយ ក្រុមខ្លាំង វៀតណាម សិង្ហបុរី មីយ៉ាន់ម៉ា និងឡាវ។ ការប្រកួតនឹងចាប់ផ្តើមនៅថ្ងៃទី២០ ខែធ្នូនេះដោយ កម្ពុជា បើកទ្វារពហុកីឡដ្ឋានជាតិមរតកតេជោទទួលហ្វីលីពីន ខណៈម៉ាឡេស៊ីធ្វើដំណើរទៅជួបម្ចាស់ផ្ទះមីយ៉ាន់ម៉ា ថ្ងៃទី២១ ខែធ្នូ។

បើនិយាយពីប្រវត្តិជួបគ្នាកន្លងមករវាងម្ចាស់ផ្ទះម៉ាឡេស៊ី និង កម្ពុជា ទាំងក្នុងពានរង្វាន់ផ្លូវការ និងមិត្តភាពអន្តរជាតិគឺ១៤ដងក្នុងប្រវត្តិសាស្ត្របើគិតចាប់តាំងពីឆ្នាំ១៩៥៦មក។ ក្រុមទាំងពីរធ្លាប់ជួបគ្នាមិត្តភាពអន្តរជាតិ៦ដង គឺកម្ពុជាមិនធ្លាប់មានប្រវត្តិឈ្នះម៉ាឡេស៊ីសោះ។ ចំពោះការប្រកួតក្នុងពានរង្វាន់ផ្លូវការវិញ៨ដង (សម្រាប់តែឈុតធំ) គឺកម្ពុជាឈ្នះ២ដង ម៉ាឡេស៊ីឈ្នះ៥ដង និងស្មើ១ដង។