កីឡា

អន បូរីហ្សា គ្រាន់តែប្រឡងចប់មកគាំទ្របាល់ទាត់ជម្រើសជាតិភ្លាម និងសន្យាបន្តមកលើកក្រោយៗទៀត

បានផុស

៦ ម៉ោង មុន

នៅ

ថ្ងៃព្រហស្បតិ៍ ១១ មិថុនា ២០២៦

ដោយ

កញ្ញា អន បូរីហ្សា ថាក្នុងការប្រកួតមិត្តភាពរវាងកម្ពុជា ប៉ះ ប៊ូតង់ លើកមុនរូបគេមិនបានចូលរួមទេដោយសារតែជាប់ប្រឡង ខណៈលើកទី២ ប៉ះ ហុងកុង ដែលទើបបញ្ចប់នេះគឺមិនអាចឃាត់ចិត្តខ្លួនបានឡើងត្រូវតែមកគាំទ្រ និងកាន់តែពេញចិត្តមិនខកបំណងដោយជម្រើសជាតិកម្ពុជាធ្វើបានល្អទៀតផង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កញ្ញា អន បូរីហ្សា

យុវតីថ្នាក់ទី៩ អន បូរីហ្សា បានឲ្យដឹងថា រូបគេចាប់គាំទ្រវិស័យបាល់ទាត់នៅកម្ពុជាតាំងពីអំឡុងឆ្នាំ២០២០ មកម្ល៉េះ។ ក្នុងជំនួបមិត្តភាពអន្តរជាតិ ២លើកកន្លងទៅនេះរូបគេមិនបានមកទស្សនាគាំទ្រជំនួបជាមួយក្រុមជម្រើសជាតិ ប៊ូតង់ នោះទេដោយសារតែរវល់ប្រឡង។

អ្នកគាំទ្រខាងលើបន្ថែមទៀតថា នៅជំនួបជាមួយ ហុងកុង នេះរូបគេទំនេរក៏ឆ្លៀតមកចូលរួមលើកទឹកចិត្តដល់ក្រុមកម្ពុជាតែម្ដង។ ការមកចូលរួមគាំទ្រនៅថ្ងៃទី៩ មិថុនា ឆ្នាំ២០២៦ នេះគឺមិនធ្វើឲ្យខ្លួនខកបំណងនោះឡើយ ពោលមានកម្លាំងឡើងវិញតែម្ដងបន្ទាប់ពីឃើញលទ្ធផលប្រកួតបើទោះជានឿយហត់ពីការសិក្សាយ៉ាងណាក្ដី។

ក្រុមជម្រើសជាតិកម្ពុជា

កញ្ញា អន បូរីហ្សា ថានឹងបន្តមកគាំទ្រក្រុមបាល់ទាត់ជម្រើសជាតិរហូត ព្រោះការគាំទ្រពីមហាជនគឺបានផ្ដល់កម្លាំងចិត្តដល់កីឡាករ និងបានធ្វើឲ្យវិស័យកីឡាមួយនេះកាន់តែរីកចម្រើនទៅមុនជាបន្តបន្ទាប់ទៀតពិសេសការប្រកួតលើឆាកអន្តរជាតិ។

កញ្ញា អន បូរីហ្សា

បញ្ជាក់ដែរថា រយៈពេលថ្មីៗនេះក្រុមបាល់ទាត់ជម្រើសជាតិកម្ពុជាបានធ្វើការប្រកួតមិត្តភាពអន្តរជាតិចំនួន ២ប្រកួតគឺឈ្នះទាំង ២ប្រកួតគឺលើកទី១ យកឈ្នះលើក្រុមជម្រើសជាតិប៊ូតង់ ដោយលទ្ធផល ៤-០ និងលើកទី២ កាលពីថ្ងៃទី៩ ខែមិថុនា ឆ្នាំ២០២៦ នេះយកឈ្នះលើ ហុងកុង ដោយលទ្ធផល ២-០ ក្រោមក្រសែភ្នែកអ្នកគាំទ្រជាង ២ម៉ឺននាក់៕

អត្ថបទដោយ៖ នួន ស៊ីណា

សេចក្ដីជូនដំណឹង៦ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា