កីឡា

ពូឈីវ បើជាទោះរវល់មុខរបររកស៊ីទាំង ១០សាខាយ៉ាងណាក្ដីនៅតែឆ្លៀតមកគាំទ្របាល់ទាត់កម្ពុជាដែរ

បានផុស

៤ សប្តាហ៍ មុន

នៅ

ថ្ងៃពុធ ១០ មិថុនា ២០២៦

ដោយ

អ្នកគាំទ្របាល់ទាត់យ៉ាងស្ម័គ្រស្មោះ ពូឈីវ ថាបើទោះជារវល់ចំពោះមុខរបររកស៊ីទាំង ១០សាខាយ៉ាងណាក្ដី ប៉ុន្តែរូបលោកនៅតែឆ្លៀតមកគាំទ្រក្រុមជម្រើសជាតិ និងលើកទឹកចិត្តជាការបង្ហាញពីទំហំទឹកចិត្តស្រឡាញ់ចំពោះកីឡាមួយនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ពូឈីវ មកគាំទ្រកម្ពុជាប៉ះហុងកុង

ពូឈីវ បានឲ្យដឹងថា បច្ចុប្បន្ននេះលោកមានហាងលក់ចំណីអាហាររហូតដល់ទៅ ១០សាខាឯណោះ និងមានភាពមមាញឹកច្រើនផងដែរ។ បើទោះជារវល់ជាមួយមុខរបររកស៊ីដូចបានលើកឡើងនេះក្ដីក៏រូបលោកនៅតែឆ្លៀតមកគាំទ្រក្រុមបាល់ទាត់ជម្រើសជាតិកម្ពុជាផងដែរកាលពីម្សិលមិញនេះ។

ពូឈីវ មកគាំទ្រកម្ពុជាប៉ះហុងកុង

អ្នកគាំទ្រស្ម័គ្រស្មោះរូបនេះបន្ថែមទៀតថា គិតមកដល់ពេលនេះលោកនៅជាមួយបាល់ទាត់ និងលើកទឹកចិត្តក្រុមបាល់ទាត់កម្ពុជាបានរយៈពេល ១០ឆ្នាំមកហើយ។ ការមកគាំទ្រនេះគឺជាក្ដីស្រឡាញ់ និងចង់ជំរុញលើកទឹកចិត្តកីឡាករផង និងលើកស្ទួយវិស័យបាល់ទាត់ឲ្យមានភាពរីកចម្រើនតទៅមុខទៀត។ លោកចង់ឲ្យវិស័យបាល់ទាត់កាន់តែរីកចម្រើនកាន់តែមានសមត្ថភាពខ្លាំងជាបន្តបន្ទាប់ឈានពីមួយកម្រិតទៅមួយកម្រិត និងសំណូមពរប្រជាជនកម្ពុជាចូលរួមគាំទ្រវិស័យបាល់ទាត់កម្ពុជាឲ្យបានកាន់តែច្រើនថែមទៀត។

ពូឈីវ មកគាំទ្រកម្ពុជាប៉ះហុងកុង

បញ្ជាក់ដែរថា ពូឈីវ ក្នុងជំនួបមិត្តភាពអន្តរជាតិរវាង កម្ពុជា ប៉ះ ហុងកុង កាលពីយប់ថ្ងៃទី៩ ខែមិថុនា ឆ្នាំ២០២៦ នេះលោកក៏បានមកចូលរួមលើកទឹកចិត្តក្រុមបាល់ទាត់ជម្រើសជាតិកម្ពុជានៅពហុកីឡដ្ឋានជាតិផងដែរ។ ពូឈីវ ត្រូវបានមហាជនស្គាល់ថាជាអ្នកគាំទ្របាល់ទាត់យ៉ាងស្ម័គ្រស្មោះរយៈពេល ១០ឆ្នាំមកហើយ និងតែងតែបង្ហាញមុខគ្រប់កម្មវិធីប្រកួតបាល់ទាត់ និងការងារសប្បុរសធម៌៕