សុខភាព

កុំប្រហែស! ក្លិនមាត់អាចបញ្ជាក់ពីជំងឺផ្សេងៗទាំងនេះ ក្រៅពីបញ្ហាក្នុងប្រអប់មាត់

បានផុស

៣ years មុន

នៅ

ថ្ងៃព្រហស្បតិ៍ ១២ មករា ២០២៣

ដោយ

គ្មានអ្នកណាចង់ឲ្យមាត់របស់ខ្លួនមានបញ្ហាក្លិនមាត់នោះទេ ព្រោះវាជាកត្តាមួយដែលរំខានដល់យើង និងដល់អ្នកដទៃនៅពេលយើងនិយាយគ្នា។ បញ្ហាក្លិនមាត់ភាគច្រើន បណ្ដាលមកបញ្ហាដែលមានក្នុងមាត់ធ្មេញ ប៉ុន្តែវាក៏អាចកើតមានដោយសារតែជំងឺដែលមាននៅក្នុងខ្លួនយើងផងដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បើតាមមន្ទីរពេទ្យ កាល់ម៉ែត បានឲ្យដឹងថា ៨៥% នៃបញ្ហានេះ មានប្រភពមកពីក្នុងមាត់ និងមានកត្តាជំងឺផ្សេងៗក្រៅពីប្រអប់មាត់ដូចជា៖

តំបន់ច្រមុះ និងបំពង់ក៖ មានការលាកច្រមុះ និងការរលាកបំពង់ក
ប្រព័ន្ធដង្ហើម៖ ការរលាកទងសួត មានដុំសាច់ក្នុងសួត
ប្រព័ន្ធរំលាយអាហារក្រពះពោះវៀន៖ មានការភើមកជូរ និងមានការច្រាលទឹកអាស៊ីដ
ប្រព័ន្ធមេតាប៉ូលីស៖ ជំងឺតម្រងនោមមិនដំណើរការ ជំងឺទឹកនោមផ្អែម ជំងឺថ្លើមដំណាក់កាលខូច និងជំងឺប្រព័ន្ធប្រសាទវិកលវិទ្យា ឬអ្នកជំងឺមានអារម្មណ៍ដិតដាមជាប់ក្លិន។

មន្ទីរពេទ្យ កាល់ម៉ែត បន្តថា បញ្ហាក្លិនមានជារឿងដែលយើងជួបប្រទះរាល់ថ្ងៃ ហើយវាសំខាន់ក្នុងការប្រាស្រ័យទាក់ទងគ្នា ដូចនេះដើម្បីគ្រប់គ្រងបញ្ហាក្លិនមាត់បាន យើងអាចធ្វើតាមការណែនាំប៉ុន្មាននេះមាន៖

– ចៀសវាងចំណីអាហារដែលមានក្លិន
– ចៀសវាងការជក់បារី និងផឹកស្រា
– រក្សាសំណើមក្នុងមាត់ ញ៉ាំទឹកឲ្យបានគ្រប់គ្រាន់
– ដុសសម្អាតធ្មេញ និងអណ្ដាតមុនពេលចូលគេង
– ថែទាំសុខភាពមាត់ធ្មេញឲ្យបានល្អជាប្រចាំ
– ព្យាបាលមូលហេតុពិតប្រាកដ។

យកល្អ យើងត្រូវទៅជួបទន្តពេទ្យឲ្យបាន ១-២ដង/ឆ្នាំ ដើម្បីពិនិត្យធ្វើរោគវិនិច្ឆ័យ និងព្យាបាលតាមបច្ចេកទេសត្រឹមត្រូវ ហើយមិនគួរប្រើប្រាស់ផលិតផលបំបាត់ក្លិនមាត់ដោយខ្លួនឯង ដែលអាចបង្កហានិភ័យដល់សុខភាព៕

អត្ថបទផ្ដល់ដោយ៖Hello Krupet

ចុចអាន៖៧ វិធី ការពារគ្រួសតម្រងនោម