កីឡា
សំបុត្រ VIP ទស្សនាការប្រកួតរវាង Messi និង Ronaldo តម្លៃខ្ពស់កប់ក្ដោង
នៅថ្ងៃនេះ កំពូលតារាបាល់ទាត់ Messi និង Ronaldo មានឱកាសប៉ះគ្នាក្នុងការប្រកួតមិត្តភាពរវាង PSG និង Saudi All-Star ដែលធ្វើឡើងនៅកីឡដ្ឋាន King Fahd ក្នុងទីក្រុង Riyadh ប្រទេសអារ៉ាប៊ីសាអូឌីត។
ការជួបគ្នាលើកនេះ អ្នកគាំទ្រចាត់ទុកជាការជួបលើកដំបូង គិតចាប់តាំងពីខែធ្នូ ឆ្នាំ២០២០មក ដែល Cristiano Ronaldo និង Lionel Messi មានឱកាសបានជួបគ្នានៅអារ៉ាប៊ីសាអូឌីត។ ក្នុងការប្រកួតនៅថ្ងៃទី១៩ ខែមករា ឆ្នាំ២០២៣នេះ Ronaldo នឹងលេងជាប្រធានក្រុម Saudi All-Star របស់ក្លិបចម្រុះ ហើយ Messi ត្រឡប់មកលេងនៅ PSG វិញក្រោយចប់ World Cup 2022 ក្នុងនាមជាជើងឯក។
បន្ទាប់ពីអ្នករៀបចំកម្មវិធីបើកលក់សំបុត្រតាមអ៊ីនធឺណិតភ្លាម មានការបញ្ជាទិញច្រើនជាង ២លានសំបុត្រពីអ្នកគាំទ្រជុំវិញពិភពលោក។ ក្នុងចំណោមសំបុត្រទាំងអស់មានសំបុត្រ VIP តែមួយសន្លឹកប៉ុណ្ណោះ សម្រាប់អ្នកគាំទ្រដែលដេញថ្លៃតម្លៃខ្ពស់ជាងគេ។ តាមប្រភពពី Bestie បានទម្លាយថា តម្លៃសំបុត្រ VIP ដើម្បីទស្សនាការប្រកួតរវាង Messi និង Ronaldo ត្រូវបានដាក់លក់ដេញថ្លៃក្នុងតម្លៃរហូតដល់ ២.៦៦លានដុល្លារអាមេរិកឯណោះ។
ដោយឡែកម្ចាស់កាន់សំបុត្រនេះនឹងទទួលបានសិទ្ធិជាច្រើនដូចជា ការជួបផ្ទាល់ជាមួយតារាបាល់ទាត់ដូចជា Ronaldo, Messi, Neymar និង Mbappe ដើម្បីថតរូបជាមួយអាយដលរបស់ខ្លួន។ លើសពីនេះ អ្នកគាំទ្រដែលមានសំបុត្រ VIP នឹងអាចអង្គុយទស្សនាការប្រកួតនៅជាប់ប្រធានគ្រប់គ្រងការកម្សាន្តរបស់ប្រទេសអារ៉ាប៊ីសាអូឌីត លោក Al-Sheikh, ទទួលទានអាហារថ្ងៃត្រង់, ចូលទៅកាន់បន្ទប់ស្លៀកពាក់របស់ក្រុមទាំងពីរ និងថតរូបជាមួយក្រុមដែលឈ្នះផងដែរ។
ប្រភពដដែលបានឱ្យដឹងទៀតថា ពេលនេះសំបុត្រ VIP តម្លៃ ២.៦៦លានដុល្លារ ត្រូវបានអ្នកជំនួញអចលនៈទ្រព្យនៅមជ្ឈិមបូព៌ា លោក Ahmed Al-Ghamdi ជាអ្នកដេញថ្លៃឈ្នះ៕
ប្រែសម្រួល៖ សន្យា
ចុចអាន៖ អារ៉ាប៊ីសាអូឌីត សុខចិត្តបិទឧទ្យានរយៈពេល២ម៉ោង ដើម្បីឲ្យ Ronaldo និងគ្រួសារលេងកម្សាន្ត
-
សេចក្ដីជូនដំណឹង៦ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ៥ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
កីឡា២២ ម៉ោង agoល្ងាចនេះ U19 កម្ពុជា ប៉ះ ថៃ វគ្គពាក់កណ្តាលផ្តាច់ព្រ័ត្រ ខណៈជួបគ្នាចុងក្រោយ ថៃ ខកចិត្តម្តងហើយ
-
សេដ្ឋកិច្ច៧ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
កីឡា១ សប្តាហ៍ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
សន្តិសុខសង្គម៦ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម
-
ព័ត៌មានអន្ដរជាតិ៧ ថ្ងៃ agoពូទីន គេចមិនឆ្លើយរឿងកាន់អំណាចដល់ឆ្នាំ២០៣៦ ហើយប្រាប់ថា «មានតែព្រះទេទើបដឹង»
-
ព័ត៌មានជាតិ១ សប្តាហ៍ agoសម្តេចធិបតី៖ ទម្លាប់ខ្ញុំវាយតម្លៃការងារផ្អែកលើលទ្ធផលជាក់ស្តែង មិនមើលតែរបាយការណ៍ល្អៗពីថ្នាក់ក្រោមនោះទេ