នាវាចម្បាំងរុស្ស៊ី ធ្វើតេស្តសមត្ថភាពវាយប្រហារ នៅមហាសមុទ្រអាត្លង់ទិក

ក្រសួងការពារជាតិរុស្ស៊ីបាននិយាយនៅថ្ងៃពុធទី២៥ខែមករានេះថា នាវាចម្បាំង Admiral Gorshkov បានធ្វើការសាកល្បងសមត្ថភាពវាយប្រហាររបស់ខ្លួន នៅមហាសមុទ្រអាត្លង់ទិកភាគខាងលិច។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងសេចក្តីថ្លែងការណ៍មួយ ក្រសួងនិយាយថា នាវាចម្បាំងនេះ បានសាកល្បងមីស៊ីលល្បឿនលឿនជាងសំឡេងប្រភេទ Zircon ដោយប្រើប្រាស់តាមរយៈប្រព័ន្ធកំព្យូទ័រ។

មីស៊ីល Zircon មានរយៈចម្ងាយ៩០០គីឡូម៉ែត្រ ហើយអាចធ្វើដំណើរក្នុងល្បឿនលឿនជាងសំឡេងច្រើនដង ដែលធ្វើឲ្យវាពិបាកក្នុងការស្ទាក់ចាប់។

គួរបញ្ជាក់ថា ភាព​តានតឹង​រវាង​លោកខាងលិច និង​រុស្ស៊ី​ បាន​ឈានដល់​ចំណុច​ខ្ពស់បំផុត​ក្នុង​រយៈពេល​ជាច្រើន​ឆ្នាំចុងក្រោយ ដោយសារ​តែជម្លោះ​នៅ​អ៊ុយក្រែន។

ជាច្រើនលើកច្រើនសាមកហើយ មន្ត្រីរុស្ស៊ីបានអះអាងថា ទីក្រុងមូស្គូ អាចនឹងប្រើប្រាស់ឃ្លាំងអាវុធនុយក្លេអ៊ែររបស់ខ្លួន ដែលជាឃ្លាំងអាវុធនុយក្លេអ៊ែរធំបំផុតរបស់ពិភពលោក ប្រសិនបើប្រទេសនេះ មានអារម្មណ៍ថារងការគំរាមកំហែងពីលោកខាងលិច ទាក់ទិនជម្លោះអ៊ុយក្រែន៕

ប្រែសម្រួល៖ Vann Vann

ប្រភព៖ Reuters

ចុចអាន៖ នាវាចម្បាំងរុស្សី បំពាក់មីស៊ីលល្បឿនលឿនជាងសំឡេង ធ្វើសមយុទ្ធសង្រ្គាម ពេលឆ្ពោះដំណើរទៅ អង់គ្លេស