Connect with us

ព័ត៌មានអន្ដរជាតិ

នាវាចម្បាំងរុស្សី បំពាក់មីស៊ីលល្បឿនលឿនជាងសំឡេង ធ្វើសមយុទ្ធសង្រ្គាម ពេលឆ្ពោះដំណើរទៅ អង់គ្លេស

បានផុស

នៅ

នាវាចម្បាំងរុស្សីដែលបំពាក់ដោយមីស៊ីលល្បឿនលឿនជាងសំឡេង Zircon បានធ្វើសមយុទ្ធសង្រ្គាម នៅពេលធ្វើដំណើរឆ្ពោះទៅកាន់ចក្រភពអង់គ្លេស។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

វីដេអូ បង្ហាញពីនាវាចម្បាំង Admiral Gorshkov វាយបក ចំពោះការវាយប្រហារពីអាកាសរបស់សត្រូវក្នុងសមុទ្រន័រវេសដែលមានទឹករលកធំៗ ពោលគឺក្នុងរយៈពេលប្រាំមួយថ្ងៃ បន្ទាប់ពីរុស្ស៊ី ដាក់ឲ្យនាវានេះចូលបំពេញបេសកកម្មដើម្បីប្រជែងជាមួយលោកខាងលិច។

នាវានេះ ត្រូវបានបំពាក់ដោយមីស៊ីល Zircon ដែលមានសមត្ថភាពនុយក្លេអ៊ែរ Mach 9 ធ្វើដំណើរក្នុងល្បឿន ១១២៦៥ គីឡូម៉ែត្រក្នុងមួយម៉ោង ដូចមីស៊ីល Kalibr ដែរ។

ការអត្ថាធិប្បាយក្នុងទូរទស្សន៍ Zvezda TV បានឲ្យដឹងថា “គោលបំណងនៃសមយុទ្ធនេះ គឺដើម្បីសាកល្បងប្រតិបត្តិការនៃសៀគ្វីការពារដែនអាកាស ប្រព័ន្ធភ្លើងអាកាសនិងអេឡិចត្រូនិច ប្រព័ន្ធភ្លើងប្រឆាំងយន្តហោះ ប្រព័ន្ធសង្គ្រាមអេឡិចត្រូនិចយុទ្ធសាស្ត្រ និងប្រព័ន្ធគ្រប់គ្រងសៀគ្វីការពារអាកាស”។

ទូរទស្សន៍នេះផ្សាយថា ភារកិច្ចត្រូវបានសម្រេចដោយជោគជ័យ។ នាវាចម្បាំងបានត្រៀមខ្លួនរួចជាស្រេចដើម្បីទប់ទល់ការវាយប្រហារពីអាកាសក្នុងរយៈកម្ពស់ខ្ពស់ និងទិសដៅផ្សេងៗ។

នាវា Gorshkov ដែលកំពុងដាក់ពង្រាយជាលើកដំបូង បានចេញដំណើរពីទីក្រុង Severomorsk កាលពីសប្តាហ៍មុន ហើយគ្រោងនឹងឆ្លងកាត់ប្រទេសអង់គ្លេស មុនព្រឹត្តិការណ៍ហ្គេមសង្រ្គាមនៅសមុទ្រមេឌីទែរ៉ាណេ ប៉ុន្តែទីក្រុងមូស្គូ មិនទាន់បង្ហាញពីពេលវេលា ឬផ្លូវពិតប្រាកដសម្រាប់នាវាចម្បាំងនោះទេ។

វិមានក្រឹមឡាំងអះអាងថា បន្ទាប់ពីចេញដំណើរលើការដាក់ពង្រាយលើកដំបូងរបស់ខ្លួនកាលពីសប្តាហ៍មុន នាវានេះបានបាញ់សាកល្បងភ្លាមៗនូវមីស៊ីល Zircon ទំនើបដែលមានសមត្ថភាពនុយក្លេអ៊ែរ ចូលទៅក្នុងសមុទ្រ Barents ដោយវាយប្រហារគោលដៅចម្ងាយ ៩៩៧គីឡូម៉ែត្រក្នុងសមុទ្រ ស៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ Daily Mail

ចុចអាន៖ រុស្ស៊ី ដាក់នាវាចម្បាំងទី១ បំពាក់ដោយមីស៊ីលល្បឿនលឿនជាងសំឡេង ចូលក្នុងប្រតិបត្តិការប្រយុទ្ធ ហើយ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

កីឡា៦ ថ្ងៃ មុន

ឈ្នះខ្សែក្រវាត់ថ្ងៃជាមួយ​ ឈឿង ល្វៃ កីឡាករ Erdene ក៏មានរថយន្តទទួល

ព័ត៌មានជាតិ៥ ថ្ងៃ មុន

ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅ​តែរឹងទទឹងមិនព្រមវាយកម្ទេចរបងចេញ

សន្តិសុខសង្គម៧ ថ្ងៃ មុន

ដកហូតមុខតំណែង មេបញ្ជាការរងស្រុកស្វាយជ្រុំ​៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ

ព័ត៌មានជាតិ៥ ថ្ងៃ មុន

ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល

ព័ត៌មានអន្ដរជាតិ៤ ថ្ងៃ មុន

អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ

Sokha Hotels

ព័ត៌មានពេញនិយម