ពេលនេះ ហុងកុង កំពុងផ្ទុះជំងឺប៉េស្តជ្រូកអាហ្វ្រិក

អង្គការសុខភាពសត្វពិភពលោក (Woah) បានឲ្យដឹងថា ទីក្រុងហុងកុងកំពុងមានការផ្ទុះឡើងនៃជំងឺប៉េស្តជ្រូកអាហ្រ្វិកនៅក្នុងកសិដ្ឋានក្បែរព្រំដែនរបស់ខ្លួនជាមួយប្រទេសចិនដីគោកកាលពីថ្ងៃចន្ទ ទី ១៣ ខែកុម្ភៈ ។

Woah បន្តថា គំរូដែលយកចេញពីកសិដ្ឋានចិញ្ចឹមជ្រូកក្នុងស្រុកបានធ្វើតេស្តវិជ្ជមានចំពោះវីរុស ហើយជ្រូកចំនួន ៤៥ ក្បាលស្លាប់ដោយសារតែការផ្ទុះឡើងនៃជំងឺប៉េស្ដ ។ រីឯកសិដ្ឋានចិញ្ចឹមជ្រូកចំនួន ៥ កន្លែងទៀតស្ថិតនៅចម្ងាយ ៣ គីឡូម៉ែត្រពីកសិដ្ឋានកំពុងធ្វើការត្រួតពិនិត្យ ប៉ុន្តែមិនទាន់រកឃើញភាពមិនប្រក្រតីណាមួយឡើយ ។

ទោះបីជាយ៉ាងណាក៏ដោយជ្រូកនៅក្នុងកសិដ្ឋានទាំងអស់ត្រូវឃុំទុក និងស្រាវជ្រាវរហូតដល់ប្រាកដថាគ្មានមេរោគទើបអាចជួញដូរវិញធម្មតា ។

គួរបញ្ជាក់ដែរថាជំងឺប៉េស្តជ្រូកអាហ្រ្វិកមិនឆ្លងដល់មនុស្សទេ ហើយក៏មិនមានគ្រោះថ្នាក់ដល់សុខភាពសាធារណៈដែរ ៕

ប្រែសម្រួល ៖ វារី

ប្រភព ៖ Reuters

ចុចអាន ៖ ពេលនេះ ជំងឺប៉េស្តជ្រូកអាហ្វ្រិក កំពុងរាលដាលពេញប្រទេស ថៃ