ព័ត៌មានអន្ដរជាតិ

រដ្ឋាភិបាលវៀតណាម ព្រមានពីការផ្ទុះបែកជំងឺប៉េស្តជ្រូកអាហ្វ្រិកទ្រង់ទ្រាយធំ

បានផុស

២ years មុន

នៅ

ថ្ងៃអង្គារ ១៦ កក្កដា ២០២៤

ដោយ

រដ្ឋាភិបាលវៀតណាម បានព្រមានថ្មីៗនេះថា ជំងឺប៉េស្តជ្រូកអាហ្រ្វិកកំពុងរីករាលដាលនៅក្នុងប្រទេស ដោយអាចធ្វើឱ្យប៉ះពាល់ដល់ការផ្គត់ផ្គង់ចំណីអាហាររបស់ខ្លួន ហើយបន្ថែមសម្ពាធលើអតិផរណា។ នេះបើតាមការចុះផ្សាយរបស់ទីភ្នាក់ងារសារព័ត៌មានរ៉យទ័រកាលពីថ្ងៃចន្ទ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ឯកសាររបស់រដ្ឋាភិបាលវៀតណាម ដែលចុះថ្ងៃទី ១៤ ខែកក្កដា បានលើកឡើងថា៖ «ហានិភ័យនៃការរីករាលដាលនៃជំងឺកាន់តែទូលំទូលាយស្ថិតនៅក្នុងកម្រិតខ្ពស់ខ្លាំង ហើយវាអាចប៉ះពាល់ដល់ការផ្គត់ផ្គង់អាហារ ថ្លៃសម្រាប់អ្នកប្រើប្រាស់ និងបរិស្ថាន»។

ឯកសារដដែល បានគូសបញ្ជាក់ថា វៀតណាមបានសម្លាប់ជ្រូកឆ្លងចំនួន ៤២ ៤០០ ក្បាល រាប់តាំងពីដើមឆ្នាំមក ដោយកើនឡើងជិត ៥ ដង បើធៀបនឹងរយៈពេលដូចគ្នាកាលពីឆ្នាំមុន។ មកទល់ពេលនេះ រដ្ឋាភិបាលបានរាយការណ៍ពីការផ្ទុះជំងឺប៉េស្តជ្រូកអាហ្វ្រិកចំនួន ៦៦០ ករណីទូទាំងប្រទេស បើធៀបនឹងចំនួន ២០៨ ករណីក្នុងរយៈពេលដូចគ្នាកាលពីឆ្នាំមុន។

ជាការឆ្លើយតប រដ្ឋាភិបាលវៀតណាមបានបញ្ជាឱ្យខេត្តនីមួយៗដាក់ពង្រាយវិធានការទប់ស្កាត់ការរីករាលដាល រួមទាំងការផ្តល់អាទិភាពដល់មូលនិធិសម្រាប់ចាក់វ៉ាក់សាំងជ្រូកប្រឆាំងនឹងជំងឺ។

គួរគូសបញ្ជាក់ថា អស់រយៈពេលជាច្រើនឆ្នាំមកនេះ ជំងឺប៉េស្តជ្រូកអាហ្វ្រិកបានរំខានដល់ទីផ្សារសាច់ជ្រូកពិភពលោក ដែលមានតម្លៃ ២៥០ ប៊ីលានដុល្លារ។ ក្នុងការផ្ទុះបែកនៃជំងឺនេះដ៏អាក្រក់បំផុតនៅឆ្នាំ ២០១៨ និង ២០១៩ ជ្រូកចិញ្ចឹមក្នុងស្រុកចិនប្រហែលពាក់កណ្ដាលបានងាប់ ដែលបង្កការខាតបង់ប្រមាណ ១០០ ប៊ីលានដុល្លារ។

សម្រាប់វៀតណាម ការកើនឡើងនៃតម្លៃសាច់ជ្រូកដោយសារជំងឺប៉េស្តជ្រូកអាហ្រ្វិកក្នុងតំបន់មួយចំនួនគឺជាមូលហេតុដែលធ្វើឱ្យសន្ទស្សន៍តម្លៃទំនិញរបស់ប្រទេសកើនឡើងក្នុងខែមិថុនា។ នេះបើយោងតាមការិយាល័យស្ថិតិទូទៅ៕

Related Topics:ជំងឺប៉េស្តជ្រូកអាហ្រ្វិក

ព័ត៌មានអន្ដរជាតិ១ ថ្ងៃ ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេចក្ដីជូនដំណឹង៣ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា