ព័ត៌មានអន្ដរជាតិ
ស្រុក២នៅថៃ កំពុងផ្ទុះជំងឺប៉េស្តជ្រូកអាហ្រ្វិក
ប្រធានការិយាល័យបសុសត្វខេត្ត Prachuap Khiri Khan លោក Yutthira Banthukul បាននិយាយថា ជំងឺប៉េស្តជ្រូកអាហ្រ្វិក (ASF) ត្រូវបានរកឃើញនៅកសិដ្ឋានចិញ្ចឹមជ្រូក ៣កន្លែងក្នុងស្រុកចំនួន២របស់ខេត្តនេះ ដោយជ្រូកចំនួន១១៧ក្បាល ត្រូវបានសម្លាប់ដើម្បីការពារកុំឲ្យឆ្លងជំងឺរីករាលដាល។
កសិដ្ឋានទាំង៣នេះគឺស្ថិតនៅក្នុងភូមិ Moo 4 នៃស្រុក Muang, ភូមិ Moo 5 ក្នុងស្រុក Muang និងភូមិ Moo 13 ក្នុងស្រុក Thap Sakae។
លោក Yutthira បានថ្លែងថា កសិដ្ឋានទាំង៣នេះគឺគ្រាន់តែចិញ្ចឹមជ្រូកទ្រង់ទ្រាយតូចប៉ុណ្ណោះ។ ជ្រូកសរុប១១៧ក្បាលត្រូវបានសម្លាប់ និងកប់ ដើម្បីការពារការរីករាលដាលនៃមេរោគ ដោយឡែកសំណងត្រូវបានផ្តល់ជូនអ្នកចិញ្ចឹមក្នុងអត្រា ៧៥% នៃតម្លៃទីផ្សារ។
តំបន់ទាំងបីនេះ ត្រូវបានប្រកាសថារងការវាយប្រហារដោយជំងឺប៉េស្តជ្រូកអាហ្រ្វិក ហើយការដឹកជញ្ជូនជ្រូក ត្រូវបានហាមឃាត់ក្នុងរង្វង់ប្រាំគីឡូម៉ែត្រនៃកសិដ្ឋានរៀងៗខ្លួន។
ស្របពេលជាមួយគ្នានោះដែរ ពេទ្យសត្វកំពុងត្រួតពិនិត្យសត្វជ្រូកក្នុងរង្វង់មួយគីឡូម៉ែត្រនៃកសិដ្ឋាន ដោយប្រមូលសំណាកសម្រាប់ធ្វើតេស្តមន្ទីរពិសោធន៍។
ប្រសិនបើមេរោគត្រូវបានគេរកឃើញនៅក្នុងកសិដ្ឋានណាដែលមានជ្រូកតិចជាង៥០ក្បាល នោះជ្រូកទាំងអស់នឹងត្រូវសម្លាប់។ សម្រាប់កសិដ្ឋានធំៗ មានតែជ្រូកនៅក្នុងទ្រុងដែលរងការវាយប្រហារដោយមេរោគប៉ុណ្ណោះ ដែលនឹងត្រូវសម្លាប់។
គួរបញ្ជាក់ថា មានកសិដ្ឋានចិញ្ចឹមជ្រូកប្រហែល ១,០០០កន្លែងនៅក្នុងខេត្ត Prachuap Khiri Khan ដោយមានជ្រូកប្រហែល ៨ម៉ឺនក្បាល៕
ប្រែសម្រួល៖ Vann Vann
ប្រភព៖ Bangkok Post
ចុចអាន៖ ដុតកម្ទេចចោលសត្វជ្រូក ៥០ ក្បាលមាន ជំងឺប៉េស្តអាហ្វ្រិក នាំចូលមកពីប្រទេសថៃ
-
ព័ត៌មានជាតិ១ សប្តាហ៍ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៣ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ១ សប្តាហ៍ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៣ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ២ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៥ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)