ជីវិតកម្សាន្ដ

លើកទីមួយ Taew និងរៀមច្បង Nune ប៉ះគ្នា ក្នុងកម្មវិធី

បានផុស

៣ years មុន

នៅ

ថ្ងៃសុក្រ ៣ មីនា ២០២៣

ដោយ

ជាឱកាសមួយដ៏កម្របំផុតដែលទស្សនិកជនឃើញរូបភាពរបស់រៀមច្បងមុខស្រទន់ Nune Woranuch និងតារាស្រីប្រចាំប៉ុស្តិ៍លេខ៣ taew natapohn ខណៈអ្នកទាំងពីរបានជួបនិងថតរូបជាមួយគ្នាយ៉ាងស្និទ្ធស្នាល ក្នុងកម្មវិធីបង្ហាញគ្រឿងអលង្ការដ៏ប្រណីត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមរយៈរូបភាពប៉ុន្មានសន្លឹកពីតារាស្រីៗទាំងពីរដួងជួបជុំគ្នាក្នុងកម្មវិធីតែមួយ ជាពេលវេលាដ៏កម្របំផុតនិងជាទស្សនីយភាពពិសេសសម្រាប់អ្នកគាំទ្រគ្រប់គ្នា។ តួឯកស្រីក្នុងរឿង “ជីវិតនាងឡាំយ៉ង” Nun Woranut ស្លៀករ៉ូបអត់ដៃពណ៌ខ្មៅ ស្របពេល Taew Nathaporn ជាតារាជំនាន់ក្រោយស្លៀករ៉ូបពណ៌ស រួមជាមួយគ្រឿងអលង្ការដ៏ប្រណីតលើដងខ្លួនយ៉ាងវិសេសដូចគ្នា។

ជាការពិតណាស់ នៅពេលដែលតារាស្រីទាំងពីរ Taew-Nun បង្ហោះរូបក្នុង Instagram ផ្ទាល់ខ្លួននៅកម្មវិធីដែលពួកគេចូលរួម មហាជនជាច្រើនបានពោលសរសើរពីសម្រស់របស់អ្នកទាំងពីរថា ស្រស់ស្អាតនិងស្រទន់ ព្រមទាំងថាគូនេះមានមុខមាត់ស្រដៀងនឹងគ្នាទៅវិញ។ លើសពីនេះ អ្នកគាំទ្រក៏បានបញ្ចេញមតិស្របគ្នាថាចង់ឲ្យ Taew និង Nun ចូលរួមសម្ដែងរឿងជាមួយគ្នា ព្រោះមើលទៅអ្នកទាំងពីរអាចជាដៃគូដ៏ល្អនិងកម្ររបស់ទស្សនិកជនផងដែរ៕