Min Peachya ទម្លាយមុខគូស្នេហ៍លើកដំបូង ក្រោមរូបភាពមិនច្បាស់

តារា​សម្ដែង Min Peachya បាន​បង្ហាញ​រូបភាព​ជាមួយ​គូស្នេហ៍​​លើក​ដំបូង ក្រោមរូបភាពមិនច្បាស់ ឃើញតែខាងក្រោយខ្នងបុរសម្នាក់ឈរប្រគល់បាច់ផ្កា​ដោយស្នាមញញឹមនៃសុភមង្គលរវាងពួកគេ រួម​នឹង​ការ​សរសេរ​ Caption យ៉ាងខ្លី​​ថា “រូបភាព​ច្បាស់​ទេ?”។

​ក្នុងរូបភាពមួយសន្លឹក​នោះ​អាច​បញ្ជាក់​បាន​ថា ​បុរស​ដែល​ប្រគល់​ផ្កាឲ្យនាងគឺជាគូស្នេហ៍ពិតប្រាកដដែល Min Peachya ធ្លាប់​និយាយ​ថា​ នឹង​បង្ហាញ​មុខ​គូ​នៅ​ថ្ងៃ​ក្ដី​ស្រលាញ់។ ប៉ុន្តែក្នុងភាពមិនច្បាស់លាស់នោះទេ រហូតធ្វើឲអ្នកគាំទ្រហាក់បង្កើតមន្ទិលនិងនាំគ្នាទស្សន៍ទាយ​ថា​ជាម្នាក់នោះឬម្នាក់នេះជាដើម។

យ៉ាងណាមិញ​​មហាជន​ជា​ច្រើន​បាន​ចូល​មក​បញ្ចេញ​មតិ​អបអរសាទរ​ដល់​នាង ត្បិតថាមិនបានឃើញមុខគូស្នេហ៍ Min Peachya ច្បាស់ តែក៏នៅតែមានមនុស្សជាច្រើន​បាន​បញ្ចេញ​មតិ​ដូចគ្នា​ថា ខ្នង​ដូច​តារា​សម្ដែង​វ័យ​ក្មេង Win Metawin ដៃគូ​របស់ ​Min ដែល​ធ្លាប់​​បាន​រួម​ការងារ​ជាមួយ​គ្នា​កាលពី​ឆ្នាំ​មុន។

ទោះយ៉ាងណាទស្សនិកជនមានតែរង់ចាំមើលថា តើពេលណាតារាសម្ដែង Min Peachya ព្រមបើកមុខបង្ហាញមុខម្ចាស់បេះដូងឲ្យឃើញជាសាធារណៈប៉ុណ្ណោះ! ថ្វីបើមិនបង្ហាញឲ្យឃើញច្បាស់ តែគ្រប់គ្នាក៏បានចូលរួមត្រេកអរដែលនាងត្រលប់មកមានស្នេហាម្ដងទៀត ហើយលែងទុកបេះដូងឲ្យទំនេរ៕

ប្រែសម្រួល៖ សាង ស្រីល័ក្ខ

ចុចអាន៖ឈុតសំពត់ខ្លីរបស់ Aum សាមញ្ញសោះ តែមានគេសរសើរថាស្អាតខ្លាំង

ចុចអាន៖សូម្បីតែស្រមោលតួឯកស្រីរឿង “ជីវិតនាងឡាំយ៉ង” ក៏មានគេសរសើរថាស្អាតខ្លាំងដែរ