ឆេះអគារកាសុីណូមួយនៅមុខផ្សារទឹកពុះក្រុងប៉ោយប៉ែត

នាវេលាម៉ោងជាង១០យប់ថ្ងៃទី២ ខែមីនា ឆ្នាំ២០២៣ អគ្គិភ័យបានឆាបឆេះអគារកាសុីណូមួយកន្លែងដែលនៅជាប់ខាងជើងកាសុីណូផារ៉ាមិចមុខផ្សារលក់ចំណីអាហារទឹកពុះ ក្នុងតំបន់កាសុីណូផ្កាយ៥ជិតអូរព្រំដែនក្នុងក្រុងប៉ោយប៉ែតខេត្តបន្ទាយមានជ័យ។

ខណៈដែលភ្លើងកំពុងឆាបឆេះនោះក៏មានការភ្ញាក់ផ្អើលពីអ្នកទៅកំសាន្តលេង និងដើរទិញចំណីអាហារនៅផ្សារទឹកពុះបានចោមរោមមើល និងពិសេសអ្នកនៅក្នុងអគារកាសុីណូដែលត្រូវភ្លើងឆាបឆេះបានរត់ចេញពីក្នុងអាគារប្រសេកប្រសាច។ ជាមួយគ្នានោះអ្នកនៅក្នុងអគារកាសុីណូផារ៉ាមិចម្ខាងផ្លូវពីអគារដែលកំពុងឆេះក៏បានរត់ចេញពីក្នុងអគារដែរ។
ភ្លាមៗក្រោយកើតហេតុរថយន្តពន្លតអគ្គិភ័យរបស់កាសុីណូ និងរបស់នគរបាលក្រុងប៉ោយប៉ែតបានទៅដល់ និងកំពុងអន្តរគមន៍បាញ់ពន្លត់។

អគារកាសុីណូដែលបានឆេះជាអគារកាសុីណូ និងសណ្ឋាគារដាយមិនសុីធី (DIAMOND CYTY)។ ដោយមានការអន្តរាគមន៍បាញ់ពន្លតទាន់ពេលនៅវេលាម៉ោង១០និង៤៥នាទីយប់ថ្ងៃដដែលស្ថានភាពភ្លើងឆេះត្រូវគ្រប់គ្រងបាននឹងរលត់ទាំងស្រុង។

ចំពោះហេតុការនេះនៅមិនទាន់ដឹងមូលហេតុនៅឡើយទេ ហើយការខូចខាត់ និងរងគ្រោះក៏មិនទាន់ដឹងដែរ៕

អត្ថបទ៖ អពៅ