អឺរ៉ុប បញ្ជូនយានអវកាស ទៅរកមនុស្សក្រៅភព

ប្រសិនបើជីវិតមនុស្សភពក្រៅមាននៅក្នុងប្រព័ន្ធព្រះអាទិត្យរបស់យើងមែននោះ ក្រុមអ្នកវិទ្យាសាស្ត្រជឿថា ពួកគេទំនងជាអាចរកឃើញវានៅលើភពអង្គារ ឬព្រះចន្ទទឹកកកនៃភពសៅរ៍ ឬភពព្រហស្បតិ៍។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នោះហើយជាមូលហេតុដែល យានអវកាសថ្មីមួយ នឹងត្រូវហោះចេញពីផែនដីនៅសប្តាហ៍នេះ និងធ្វើដំណើរដ៏លំបាករយៈពេលប្រាំបីឆ្នាំ ឆ្ពោះទៅកាន់ភពដ៏ធំបំផុត នៅក្នុងប្រព័ន្ធព្រះអាទិត្យរបស់យើង។

នៅពេលវាទៅដល់ យានអវកាស Juice នឹងធ្វើការហោះហើរជិតភពព្រហស្បតិ៍ និងព្រះចន្ទធំៗចំនួនបីដែលមានមហាសមុទ្រដូចជា Callisto, Ganymede និង Europa។

នៅពេលវាខិតកាន់តែកៀកទៅនឹងភពទាំងនេះជាងពេលមុនៗនោះ យានអវកាសទម្ងន់ប្រាំមួយតោនមួយនេះ នឹងប្រើប្រាស់ឧបករណ៍ទំនើបៗដើម្បីរុករកឧស្ម័នយក្ស និងពិនិត្យមើលថាតើ នៅជុំវិញនោះជាកន្លែងមានជីវិតរស់នៅឬក៏អត់។

គួរបញ្ជាក់ថា យានអវកាស Juice នឹងហោះចេញពីស្ថានីយអវកាសរបស់អឺរ៉ុបក្នុងដែនដី French Guiana នៅម៉ោង១៣:១៥ ថ្ងៃព្រហស្បតិ៍ទី១៣ខែមេសា។

បន្ទាប់មក វានឹងធ្វើដំណើរចម្ងាយ៦.៦ពាន់លានគីឡូម៉ែត្រទៅកាន់ប្រព័ន្ធ Jovian ក្នុងរយៈពេលប្រាំបីឆ្នាំកន្លះ ដោយទៅដល់ភពព្រហស្បតិ៍ក្នុងខែកក្កដាឆ្នាំ២០៣១។

គួរបញ្ជាក់ថា សាធារណជន អាចមើលការបាញ់បង្ហោះនេះតាមរយៈទូរទស្សន៍ផ្កាយរណប ESA Web TV ឬឆានែល YouTube របស់ទីភ្នាក់ងារអវកាស៕

ប្រែសម្រួល៖ Vann Vann

ប្រភព៖ Daily Mail

ចុចអាន៖ យានអវកាសអង្គការ ណាសា ហោះបំបុកអាចម៍ផ្កាយ ទទួលជោគជ័យ