ចាប់ខ្លួនក្មេងប្រុសពីរនាក់ រួមគំនិតឆក់ខ្សែកមាសពីហាងគ្រឿងអលង្ការនៅ សិង្ហបុរី

ម្ចាស់ហាងមាសភ្លេចខ្លួនមួយភ្លែតក្មេងប្រុសអាយុ ១៤ ឆ្នាំម្នាក់ធ្វើសកម្មភាពឆក់ខ្សែកមាសពីរខ្សែបានសម្រេច ហេតុការណ៍កើតនៅក្នុង Chinatown ប្រទេសសិង្ហបុរី ថ្ងៃទី២៣ ខែមេសា ឆ្នាំ ២០២៣ នេះ ។

មុនកើតហេតុក្មេងប្រុសនោះពាក់ម៉ាស់ដើរចូលហាងគ្រឿងអលង្ការ Chung Hwa នៅវេលាម៉ោង ៥ កន្លះល្ងាច ហើយសូមលោក Teng Wei Siong ដែលជាអ្នកលក់មើលខ្សែកមួយគូ ។

លោក Teng វ័យ ៤៥ ឆ្នាំរៀបរាប់ថា ខ្លួនបានបង្ហាញខ្សែកពីរខ្សែទៅក្មេងប្រុសនោះ ប៉ុន្តែគាត់ទាមទារមើលអាធ្ងន់ជាងនេះទៀតទើបលោក Teng យកអាថ្មីតម្លៃ ២៣,០០០ ដុល្លារឲ្យ ។ ខណៈម្ចាស់ហាងកំពុងដាក់ខ្សែដំបូងទុកវិញ ក្មេងប្រុសបង្កហេតុក៏ឆក់ខ្សែកគូទីពីររត់ចេញពីហាងតែម្ដង ។

សំណាងល្អលោក Mr Teng Wei Xin អាយុ ៣៩ ឆ្នាំប្អូនប្រុសលោក Teng Wei Siong បានដេញចាប់ក្មេងប្រុសដោយជោគជ័យរួចទូរស័ព្ទហៅប៉ូលិសមកដោះស្រាយតាមផ្លូវច្បាប់។ ចំណែកក្មេងប្រុសម្នាក់ទៀតមានអាយុ ១៧ ឆ្នាំជាអ្នកបញ្ចុះបញ្ចូលនិងប្រាប់ពីរបៀបលួចក៏ត្រូវបានចាប់ខ្លួនដោយជោគជ័យដូចគ្នានៅផ្លូវ Fernvale សង្កាត់ Sengkang កាលពីថ្ងៃចន្ទ ៕

ប្រភព ៖ thestraitstimes

ចុចអាន ៖ លោកយាយសិង្ហបុរីម្នាក់ ទម្លាយល្បិចជនខិលខូច ធ្លាប់ឆបោកប្រាក់ខ្លួនអស់រាប់ម៉ឺនដុល្លារ