ព័ត៌មានជាតិ
សម្ដេចតេជោ អរគុណថ្នាក់ដឹកនាំក្រសួងវប្បធម៌ ដែលរៀបចំការសម្ដែងសិល្បៈក្នុងទម្រង់ដ៏ធំមួយ សម្រាប់ស៊ីហ្គេម
សម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជា បានថ្លែងអំណរគុណដល់ថ្នាក់ដឹកនាំក្រសួងវប្បធម៌ និងវិចិត្រសិល្បៈ ជាពិសេសលោកស្រី ភឿង សកុណា ដែលបានចូលរួមរៀបចំការសម្ដែងសិល្បៈក្នុងទម្រង់ដ៏ធំមួយ សម្រាប់ព្រឹត្តិការណ៍ស៊ីហ្គេមលើកទី ៣២។
ការថ្លែងរបស់សម្ដេចតេជោ ហ៊ុន សែន ខាងលើនេះ បានធ្វើឡើងក្នុងពិធីសម្ពោធទីតាំងថ្មី នៃសាកលវិទ្យាល័យភូមិន្ទវិចិត្រសិល្បៈ ដែលស្ថិតក្នុងសង្កាត់ព្រែកលៀប ខណ្ឌជ្រោយចង្វា រាជធានីភ្នំពេញ និង ពិធីប្រគល់សញ្ញាបត្រជូនដល់និស្សិត នៃសាកលវិទ្យាល័យភូមិន្ទវិចិត្រសិល្បៈ នៅព្រឹកថ្ងៃទី ២៤ ខែឧសភា ឆ្នាំ ២០២៣។
សម្ដេចតេជោ ហ៊ុន សែន បានថ្លែងថា នៅសល់តែ ១០ថ្ងៃទៀតប៉ុណ្ណោះ ប្រទេសកម្ពុជា នឹងបន្តរៀបចំ ការប្រកួតកីឡាអាស៊ានប៉ារ៉ាហ្គេមលើកទី ១២ បន្ទាប់ពីបានបញ្ចប់ការរៀបចំការប្រកួតកីឡាស៊ីហ្គេមលើកទី ៣២ កាលពីពេលថ្មីៗនេះ។
នៅក្នុងឱកាសនេះ សម្ដេចតេជោ ហ៊ុន សែន បានថ្លែងអំណរគុណដល់លោករដ្ឋមន្ត្រីក្រសួងវប្បធម៌ និងវិចិត្រសិល្បៈ និងថ្នាក់ដឹកនាំក្រសួង ដែលបានចូលរួមរៀបចំការសម្ដែងសិល្បៈក្នុងទម្រង់ដ៏ធំមួយ សម្រាប់ពិធីបើក និងពិធីបិទព្រឹត្តិការណ៍ស៊ីហ្គេម នៅពហុកីឡដ្ឋានជាតិមរតកតេជោ។
សម្ដេចតេជោ ហ៊ុន សែន ថ្លែងបន្តថា «អរគុណចំពោះសិល្បករ-សិល្បការនីទាំងអស់ ដែលបានហ្វឹកហាត់រាប់ខែ ហើយខ្ញុំពិតជារកអាកន្លែងទាស់ហ្នឹងអត់ឃើញ ព្រោះវាស៊ីសង្វាក់គ្នាខ្លាំងណាស់ រវាងចលនារបស់មនុស្ស និងចលនាបច្ចេកវិទ្យាព័ត៌មាន ដែលហៅថា ឌីជីថល គឺវាផ្សារភ្ជាប់គ្នា»៕
-
ជីវិតកម្សាន្ដ១ សប្តាហ៍ ago
ពិធីករម្នាក់ រងការរិះគន់យ៉ាងចាស់ដៃទង្វើខ្វះសីលធម៌ អង្គុយគងអន្ទាក់ខ្លាពេលសម្ភាសន៍អ្នកនិពន្ធ សុខ ចាន់ផល
-
ជីវិតកម្សាន្ដ២ ថ្ងៃ ago
ពូ ណុយ និង យ៉ែម ស្រីពេជ្រ ត្រៀមចូលរោងការដើមខែក្រោយ
-
ព័ត៌មានជាតិ៦ ថ្ងៃ ago
មន្ត្រីគាំទ្រគម្រោងព្រែកជីកហ្វូណនម្នាក់ ចោទសួរ The Cambodia Daily ហេតុអ្វីផ្សាយព័ត៌មានប្រឆាំងប្រយោជន៍ជាតិ?
-
ព័ត៌មានអន្ដរជាតិ២ ថ្ងៃ ago
មូលហេតុ ៣ ដែលអធិរាជ ឈានឡុង នៃរាជវង្ស Qing បញ្ជាឲ្យកាត់ក្បាលគ្រូទាយល្បីម្នាក់
-
ព័ត៌មានជាតិ១៤ ម៉ោង ago
Breaking News! ព្រែកជីកហ្វូណនតេជោ នឹងបើកការដ្ឋានសាងសង់ផ្លូវការនៅ ខែសីហា
-
ព័ត៌មានអន្ដរជាតិ១ សប្តាហ៍ ago
៥០ ឆ្នាំមកនេះ បុរាណវិទូ ចិន នៅតែឈឺចាប់ ក្រោយកំណាយឃើញទ័ពដីឥដ្ឋអធិរាជ ឈិនស៊ី
-
ជីវិតកម្សាន្ដ១ សប្តាហ៍ ago
តារារ៉េប Ricky ScoTt ទម្លាយរឿងនារីម្នាក់ត្រូវ Rappersល្បីឈ្មោះ២រូបបៀតបៀនផ្លូវភេទ
-
ព័ត៌មានជាតិ៦ ថ្ងៃ ago
សត្វព្រៃដែលបាត់វត្តមានចាប់ពី ៣០ ឆ្នាំ ទើបប្រកាសថាផុតពូជពីដែនព្រៃធម្មជាតិ