សេដ្ឋកិច្ច
តម្រូវការគ្រឿងសំណង់ វៀតណាម ធ្លាក់ចុះខ្លាំង ក្រោយទីផ្សារអចលនទ្រព្យកំពុងជាប់គាំង
តម្រូវការគ្រឿងសំណង់នៅក្នុងប្រទេសវៀតណាម រួមមាន ដែក ស៊ីម៉ងត៍ និងផ្ទាំងកញ្ចក់ បានធ្លាក់ចុះយ៉ាងខ្លាំងក្នុងរយៈពេល ៥ ខែដំបូងនៃឆ្នាំនេះ ខណៈហេតុផលវិញនោះអ្នកជំនាញបកស្រាយថា គឺមកពីទីផ្សារអចលនទ្រព្យស្ងប់ស្ងាត់ និងកកស្ទះការលក់ចេញតាំងពីចុងឆ្នាំ ២០២២ មកម្ល៉េះ ហើយក៏បន្តអូសបន្លាយរហូតមកដល់បច្ចុប្បន្ននេះ ។
![](https://www.kampucheathmey.com/wp-content/uploads/2023/06/4356_cement.jpg)
យោងតាមសមាគមស៊ីម៉ងត៍វៀតណាមបានឲ្យដឹងថា ការប្រើប្រាស់ស៊ីម៉ងត៍ក្នុងស្រុក និងនាំចេញក្នុងឆ្នាំ ២០២២ ទទួលបានរហូតដល់ ១០០ លានតោន ប៉ុន្តែធ្លាក់ចុះ ៨.៤ លានតោន បើធៀបនឹងឆ្នាំ ២០២១ ។
ចំណែកសម្រាប់រយៈពេល ៥ ខែដំបូងនៃឆ្នាំ ២០២៣ ការប្រើប្រាស់ស៊ីម៉ងត៍បានបន្តធ្លាក់ចុះដល់បរិមាណប្រហែល ៣៧.៤ លានតោន ខណៈដែលថ្លៃផលិតស៊ីម៉ងត៍ កើនឡើងជាមួយនឹងតម្លៃថាមពល ។
![](https://www.kampucheathmey.com/wp-content/uploads/2023/06/Indoor-Storage-1210x680.blog_image_desktop-1.jpg)
ដោយឡែក ការផលិតដែកថែបក្នុងរយៈពេល ៤ ខែឈានដល់ជិត ៦ លានតោន ប៉ុន្តែធ្លាក់ចុះ ២២ ភាគរយ បើធៀបនឹងរយៈពេលដូចគ្នាកាលពីឆ្នាំមុន ។ ការប្រើប្រាស់ដែកថែបក្នុងរយៈពេល ៤ ខែនេះ មានប្រហែល ៦.១ លានតោន ធ្លាក់ចុះ ១៨ ភាគរយ ខណៈដែលការនាំចេញមានត្រឹមតែ ៥១៨.០០០ តោនប៉ុណ្ណោះ ធ្លាក់ចុះ ៧៨ ភាគរយ ធៀបនឹងរយៈពេលដូចគ្នាកាលពីឆ្នាំមុន ។
ស្របពេលជាមួយគ្នានេះ ទោះការផលិតដែកសំណង់ក្នុងរយៈពេល ៤ ខែដំបូងនៃឆ្នាំនេះ ឈានដល់ ៣.៤៤ លានតោនក៏ដោយ ប៉ុន្តែវាធ្លាក់ចុះ ២៦.៤ ភាគរយ ខណៈការប្រើប្រាស់ឈានដល់ ៣.៣៦ លានតោន ធ្លាក់ចុះ ២៦ ភាគរយ បើធៀបនឹងរយៈពេលដូចគ្នាកាលពីឆ្នាំមុន ។
![](https://www.kampucheathmey.com/wp-content/uploads/2023/06/2189_n_Automation_Article_Cover-1024x523.jpg)
ចំណែកសមាគមន៍កញ្ចក់វៀតណាមក៏បានបង្ហាញដែរថា ប្រាក់ចំណូលនៃឧស្សាហកម្មកញ្ចក់សំណង់ក្នុងរយៈពេល ៦ ខែដំបូងនៃឆ្នាំ ២០២៣ នេះបានថយចុះពី ៧០ ទៅ ៨០ ភាគរយ ។ ទន្ទឹមនេះ ការប្រើប្រាស់កញ្ចក់សំណង់ក្នុងរយៈពេល ៥ ខែដើមឆ្នាំនេះ មានត្រឹមតែ ៥៤ ទៅ ៨២ លានម៉ែត្រការ៉េប៉ុណ្ណោះ ។
គួរបញ្ជាក់ថា ចាប់តាំងពីចុងឆ្នាំ ២០២២ មក វិស័យអចលនទ្រព្យវៀតណាម គឺមានបញ្ហាជាប់គាំងទីផ្សារយ៉ាងខ្លាំង ដែលបង្ខំឲ្យក្រុមហ៊ុនអចលនទ្រព្យជាច្រើនប្រកាសក្ស័យធន ៕
ប្រែសម្រួល៖ នាង រតនៈ
ប្រភព៖ Tuoi Tre
-
ជីវិតកម្សាន្ដ១ សប្តាហ៍ ago
ពិធីករម្នាក់ រងការរិះគន់យ៉ាងចាស់ដៃទង្វើខ្វះសីលធម៌ អង្គុយគងអន្ទាក់ខ្លាពេលសម្ភាសន៍អ្នកនិពន្ធ សុខ ចាន់ផល
-
ជីវិតកម្សាន្ដ៣ ថ្ងៃ ago
ពូ ណុយ និង យ៉ែម ស្រីពេជ្រ ត្រៀមចូលរោងការដើមខែក្រោយ
-
ព័ត៌មានជាតិ៧ ថ្ងៃ ago
មន្ត្រីគាំទ្រគម្រោងព្រែកជីកហ្វូណនម្នាក់ ចោទសួរ The Cambodia Daily ហេតុអ្វីផ្សាយព័ត៌មានប្រឆាំងប្រយោជន៍ជាតិ?
-
ព័ត៌មានអន្ដរជាតិ៣ ថ្ងៃ ago
មូលហេតុ ៣ ដែលអធិរាជ ឈានឡុង នៃរាជវង្ស Qing បញ្ជាឲ្យកាត់ក្បាលគ្រូទាយល្បីម្នាក់
-
ព័ត៌មានជាតិ១ ថ្ងៃ ago
Breaking News! ព្រែកជីកហ្វូណនតេជោ នឹងបើកការដ្ឋានសាងសង់ផ្លូវការនៅ ខែសីហា
-
សេចក្ដីជូនដំណឹង១៧ ម៉ោង ago
ក្រុមហ៊ុន ហនុមាន ប៊ែវើរីជីស បោះជំហានឆ្ពោះទៅកាន់វិសាលភាពអន្តរជាតិជាមួយម្ចាស់ជើងឯកប្រដាល់ពិភពលោក ម៉ានី ប៉ាគីអាវ!
-
ព័ត៌មានអន្ដរជាតិ១ សប្តាហ៍ ago
៥០ ឆ្នាំមកនេះ បុរាណវិទូ ចិន នៅតែឈឺចាប់ ក្រោយកំណាយឃើញទ័ពដីឥដ្ឋអធិរាជ ឈិនស៊ី
-
ព័ត៌មានជាតិ១ សប្តាហ៍ ago
សត្វព្រៃដែលបាត់វត្តមានចាប់ពី ៣០ ឆ្នាំ ទើបប្រកាសថាផុតពូជពីដែនព្រៃធម្មជាតិ