កីឡា
មិនធម្មតា ក្រុមបាល់ទះនគរបាលព្រះសីហនុ ឈ្នះវិសាខា គ្រងជើងឯក ស សុខា
ក្រុមបាល់ទះស្នងការដ្ឋាននគរបាលខេត្តព្រះសីហនុ បានក្លាយជាម្ចាស់ពានរង្វាន់ ស សុខា ឆ្នាំ២០២៣ បន្ទាប់ពីបានយកឈ្នះក្រុមបាល់ទះវិសាខា ដោយលទ្ធផល ៣-២ នៅវគ្គផ្តាច់ព្រ័ត្រកាលពីល្ងាចថ្ងៃអាទិត្យ ទី៦ ខែសីហា នៅវិមានពហុកីឡដ្ឋានជាតិអូឡាំពិក។
រយៈពេលប៉ុន្មានឆ្នាំចុងក្រោយ សមាគមបាល់ទះវិសាខាបានក្លាយជាក្រុមខ្លាំងឈានមុខគេនៅក្នុងប្រទេសកម្ពុជា ពីព្រោះសំបូរកីឡាករជាប់ជម្រើសជាតិកម្ពុជា និងស្ទើរតែគ្មានក្រុមណាអាចយកឈ្នះក្រុមនេះបានឡើយ។
ទោះបីជាយ៉ាងណា នៅពេលនេះ ក្រុមបាល់ទះរបស់ខេត្តព្រះសីហនុអាចយកឈ្នះក្រុមវិសាខានៅវគ្គផ្តាច់ព្រ័ត្រដោយលទ្ធផលដ៏ជក់ចិត្ត។ នៅសិតទី១ ក្រុមវិសាខាឈ្នះដោយពិន្ទុដាច់ឆ្ងាយ ២៥-១៦ ប៉ុន្តែសិតទី២ ក្រុមនគរបាល់ព្រះសីហនុឈ្នះវិញដោយពិន្ទុ ១៩-២៥ ហើយសិតទី៣ វិសាខាឈ្នះដោយពិន្ទុ ២៥-២២ ខណៈសិតទី៤ ក្រុមខេត្តព្រះសីហនុឈ្នះវិញ ២៣-២៥។ សិតកាត់សេចក្តីចុងក្រោយ ក្រុមខេត្តព្រះសីហនុធ្វើបានយ៉ាងល្អដោយបានឈ្នះដោយពិន្ទុ ១១-១៥។
តាមពិតទៅក្រុមបាល់ទះនគរបាលខេត្តព្រះសីហនុធ្លាប់ខ្លាំងកាលពីប្រហែលជា៥ឆ្នាំមុនក្នុងសម័យកាលដែលមានការប្រកួតជើងឯក Leo Cup ថ្នាក់ជាតិ ប៉ុន្តែប៉ុន្មានឆ្នាំចុងក្រោយនេះមិនសូវលេចធ្លោខ្លាំងទេ។
សម្រាប់ការគ្រងជើងឯក ស សុខា ឆ្នាំ២០២៣នេះ ក្រុមបាល់ទះស្នងការដ្ឋាននគរបាលខេត្តព្រះសីហនុទទួលបានប្រាក់រង្វាន់២០លានរៀល និងទទួលបាន៤០លានរៀលពីលោក គួច ចំរើន អភិបាលខេត្តព្រះសីហនុ៕
អត្ថបទ៖ វីរបុត្រ
-
ព័ត៌មានអន្ដរជាតិ៧ ថ្ងៃ agoធ្លាក់យន្តហោះឯកជនមួយនៅអាមេរិក បណ្តាលឱ្យមនុស្សក្នុងយន្តហោះ ស្លាប់ទាំងអស់
-
ព័ត៌មានជាតិ៤ ថ្ងៃ agoថ្ងៃទី១៦មិថុនា រដ្ឋបាលភ្នំពេញរកមិនឃើញបទល្មើស ONLINE SCAMS និងទំនិញនាំចូលពីប្រទេសថៃខុសច្បាប់ទេ
-
សន្តិសុខសង្គម៦ ថ្ងៃ agoត្រួតពិនិត្យទីតាំងខុនដូ ១ កន្លែង រកឃើញជនជាតិវៀតណាម ៦ នាក់ ពាក់ព័ន្ធ Online Scams នៅខណ្ឌ ៧ មករា
-
ព័ត៌មានអន្ដរជាតិ៣ ថ្ងៃ agoអង់គ្លេសនឹងបញ្ជូនដ្រូន ១៥០ ០០០គ្រឿង និងប្រព័ន្ធរ៉ាដាជាង ៣៥០ ទៅអ៊ុយក្រែន ដោយយកលុយរុស្ស៊ីដែលបង្កកបង់ថ្លៃ
-
ព័ត៌មានអន្ដរជាតិ៦ ថ្ងៃ agoយន្តហោះទម្លាក់គ្រាប់បែកនុយក្លេអ៊ែរ អាមេរិក B-52 ធ្លាក់នៅ កាលីហ្វ័រញ៉ា ស្លាប់សមាជិកអាកាសយានិក ៨នាក់
-
ព័ត៌មានជាតិ១ សប្តាហ៍ agoអាជ្ញាធរខណ្ឌទួលគោក បន្តចុះត្រួតពិនិត្យទីតាំងលក់គ្រឿងទេស ត្រី សាច់បង្កក៤ទីតាំងបន្ថែមទៀត
-
ព័ត៌មានជាតិ៥ ថ្ងៃ agoក្រុមហ៊ុន Visa បានធ្វើបច្ចុប្បន្នភាពផែនទីសុវត្ថិភាពលើប្រព័ន្ធទូទាត់ប្រាក់ ដើម្បីបន្តកសាងទំនុកចិត្ត និងពង្រឹងភាពធន់ នៃប្រព័ន្ធទូទាត់តាមរយៈឌីជីថលនៅកម្ពុជា
-
ព័ត៌មានអន្ដរជាតិ៥ ថ្ងៃ agoទីបំផុត ថៃ ព្រមទៅ UN ដោយជ្រើសរើសអ្នកជំនាញ ២រូប ដើម្បីតតាំងជាមួយកម្ពុជា ក្រោមយន្តការ UNCLOS