កីឡា

វិស័យបាល់ទះបច្ចុប្បន្ននេះមានការគាំទ្រជាទូទៅហើយមិនប្រកាន់តែមនុស្សចាស់ ឬមនុស្សប្រុសនោះទេ

បានផុស

៣ នាទី មុន

នៅ

ថ្ងៃអង្គារ ១៦ មិថុនា ២០២៦

ដោយ

កីឡាការិនី អ៊ុំ ស្រីនាថ ថាវិស័យកីឡាបាល់ទះនៅកម្ពុជាឥលូវនេះមានការគាំទ្រច្រើន និងមានការប្រកួតប្រជែងខ្ពស់ ស្របពេលអ្នកគាំទ្រផងដែរមិនប្រកាន់វ័យ ឬមនុស្សប្រុស-ស្រី នោះឡើយ និងសំបូរយុវជនហ្វឹកហាត់ទៀតផង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កីឡាការិនី អ៊ុំ ស្រីនាថ(កណ្ដាលគេ)

អ៊ុំ ស្រីនាថ ដែលជាអ្នកលេងបាល់ទះមួយរូបបានឲ្យដឹងថា នាពេលបច្ចុប្បន្ននេះវិស័យកីឡាបាល់ទះមានការគាំទ្រច្រើនមែនទែន និងមានការប្រកួតប្រជែងខ្ពស់ផងដែរ។ សហព័ន្ធក៏មានរៀបចំការប្រកួត ឬកម្មវិធីធំ-តូច ច្រើនដែលវាខុសពីជំនាន់មុន។

កីឡាការិនីរបស់សកលវិទ្យាល័យអាស៊ីអ៊ឺរ៉ុបបន្ថែមទៀតថា រូបគេមិនគិតថាវិស័យកីឡាបាល់ទះនេះសម្រាប់តែវ័យណាមួយ ឬប្រុសៗនោះទេ។ នរណាក៏អាចលេង និងគាំទ្របាល់ទះបានដូចគ្នា។ ដូច្នេះហើយនាពេលបច្ចុប្បន្ននេះមានយុវជនហ្វឹកហាត់ និងលេងច្រើនតាមសាលាឯកជនរួមទាំងចូលរួមការប្រកួតបែបសុខភាពទៀតផង។

កីឡាការិនី អ៊ុំ ស្រីនាថ

បញ្ជាក់ដែរថា វិស័យកីឡាបាល់ទះរយៈពេល ៤-៥ឆ្នាំចុងក្រោយនេះមានការគាំទ្រច្រើនមែនទែនពីសំណាក់ប្រជាជនកម្ពុជាមិនថាចាស់ ឬក្មេងនោះឡើយ។ សន្ទុះនៃការគាំទ្រនេះមានខ្លាំងនោះបន្ទាប់ពីក្រុមជម្រើសជាតិកម្ពុជាបានឈ្នះមេដាយសំរឹទ្ធ ១គ្រឿងនៅស៊ីហ្គេម លើកទី៣១ ឯប្រទេសវៀតណាម អំឡុងឆ្នាំ២០២២។ ឥលូវនេះរាល់កម្មវិធីប្រកួតបាល់ទះម្ដងៗគឺមានយុវជនមកទស្សនា និងគាំទ្រច្រើនផងដែរ។ លើសពីនេះការហ្វឹកហាត់ក៏មានចំនួនច្រើនផងដែរ៕