កីឡា

លោក សាន សុក្រិត វត្តមានរបស់ វឿន វាសនា នឹងធ្វើឲ្យវិសាខារឹតតែខ្លាំង ប៉ុន្តែត្រូវកែប្រែចំណុចខ្វះខាតខ្លះ

បានផុស

៥ នាទី មុន

នៅ

ថ្ងៃអង្គារ ១៦ មិថុនា ២០២៦

ដោយ

គ្រូបង្វឹកបាល់ទះដែលជាជើងចាស់មួយរូបគឺលោក សាន សុក្រិត ថាវត្តមានកីឡាករឆ្នើម វឿន វាសនា មកជួយក្រុមវិសាខានៅជុំទី២ តេជោលីគនឹងធ្វើឲ្យក្រុមមួយនេះរឹតតែខ្លាំង ប៉ុន្តែត្រូវកែប្រែចំណុចមួយខ្វះខាតចំនួនផងដែរដូចជាការអ្នកប៉ះសេ និងការលេងឯកជនតែម្នាក់ឯងជាដើម។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កីឡាករចំណូលថ្មីរបស់វិសាខា

លោក សាន សុក្រិត យល់ឃើញថា ការវិលត្រឡប់មកវិញរបស់ វឿន វាសនា ទាន់នៅជុំទី២ តេជោលីគនេះគឺល្អខ្លាំង និងអាចជួយក្រុមវិសាខាបានច្រើនតែម្ដង។ កីឡាករក្នុងក្រុមភាគច្រើនគឺរូបគេបានស្គាល់ និងធ្លាប់ហ្វឹកហាត់ និងបានប្រកួតជាមួយគ្នាអស់ជាច្រើនឆ្នាំមកហើយ។ ប៉ុន្តែអ្វីដែលរូបគេមិនទាន់ដឹង ឬយល់ចិត្តគ្នានោះគឺអ្នកប៉ះសេជនជាតិហ្វីលីពីន Retamar ប៉ុណ្ណោះ។

កីឡាករ វឿន វាសនា

គ្រូបង្វឹករូបនេះជឿជាក់លើសមត្ថភាព វឿន វាសនា នៅពេលនេះគ្រាន់តែត្រូវការការសហការគ្នាឲ្យបានល្អតែប៉ុណ្ណោះ ចំណែកសមត្ថភាព បច្ចេកទេសមានអស់ហើយ។ យ៉ាងណាបើមាន វាសនា មកជួយក្ដី ប៉ុន្តែវិសាខាក៏ត្រូវពង្រឹងចំពោះលីប្រូទាំងចាស់ និងក្មេង នាពេលបច្ចុប្បន្ននេះឲ្យមានសមត្ថភាពកាន់តែប្រសើរជាងនេះផងដែរពិសេសការចាប់សេវា។ មួយវិញទៀតកីឡាករហ្វីលីពីន Retamar ក៏លោកមើលឃើញថាលេងមិនទាន់យល់ចិត្តគ្នាក្នុងក្រុមប៉ុន្មានដែរ។ Retamar គួរស្វែងយល់ពីការប្រកួតឲ្យបានច្រើនជាងនេះជុំវិញក្លឹបទាំង ៥ផ្សេងៗដែលនឹងត្រូវប៉ះគ្នាជាថ្មីនៅជុំទី២។ ចំណុចសំខាន់មួយទៀតនោះធ្វើយ៉ាងណាឲ្យកីឡាករលេងស្មារតីជាក្រុមកុំព្យាយាមលេងបែបឯកជនម្នាក់ឲ្យសោះគឺក្រុមទាំងមូលល្អហើយ។

កីឡាករ វឿន វាសនា

បញ្ជាក់ដែរថា សមាគមបាល់ទះវិសាខានៅវគ្គវិលជុំសន្សំពិន្ទុជុំទី២ ដែលនឹងចាប់ផ្ដើមពីថ្ងៃទី១៩ ខែមិថុនា ខាងមុខនេះប្រកាសនាំយកកីឡាករថ្មីចំនួន ៣រូបរួមមាន វឿន វាសនា ជនជាតិខ្មែរ កីឡាករ KEVIN KOBRINE ជនជាតិអាមេរិក និង RENAN MICHELUCCI MORALEZ ជនជាតិប្រេស៊ីល។ ក្រុមខ្លាំងមួយនេះក៏មិនបានបញ្ជាក់ដែរថាបានចម្រុះចេញកីឡាករបរទេសណាខ្លះដែរដែលមានស្រាប់នៅជុំទី១ នោះទេ។ ជិតមកដល់ថ្ងៃប្រកួតតេជោលីគជុំទី២ នេះមានតែក្លឹបបាល់ទះធំៗចំនួន ៣ប៉ុណ្ណោះដែលប្រកាសនាំយកកីឡាករបរទេសមកជួយក្រុមគឺវិសាខា បញ្ជាការដ្ឋានអង្គរក្ស និងស្នងការខេត្តស្វាយរៀង៕