លោក ជិន ម៉ាលីន ត្រូវបានតែងតាំងជាអ្នកនាំពាក្យក្រសួងយុត្តិធម៌ដដែល ក្នុងអាណត្តថ្មីនេះ

លោក កើត រិទ្ធ ឧបនាយករដ្ឋមន្ត្រី រដ្ឋមន្ត្រីក្រសួងយុត្តិធម៌ បានចេញសេក្តីសម្រេចស្តីពីការចាត់តាំងអ្នកនាំពាក្យក្រសួងយុត្តិធម៌ ក្នុងអាណត្តិថ្មីនេះ កាលពីថ្ងៃទី០៥ ខែកញ្ញា ឆ្នាំ២០២៣។ នៅក្នុងសេចក្តីសម្រេចនោះ គឺលោក ជិន ម៉ាលីន ត្រូវបានតែងតាំងជារដ្ឋលេខាធិការ និងជាអ្នកនាំពាក្យក្រសួងយុត្តិធម៌ដដែល នៅក្នុងអាណត្តិថ្មីនេះ។

អ្នកនាំពាក្យក្រសួងយុត្តិធម៌ គឺមានភារកិច្ច ដឹកនាំ គ្រប់គ្រង និងធ្វើនិយ័តកម្មលើការផ្សព្វផ្សាយរាល់ព័ត៌មានផ្លូវការរបស់ក្រសួងយុត្តិធម៌ ទាក់ទង និងឆ្លើយឆ្លងជាផ្លូវការជាមួយសាធារណជន បណ្តាញសារព័ត៌មានជាតិ និងអន្តរជាតិ។ អ្នកនាំពាក្យក្រសួងយុត្តិធម៌ ក៏នឹងសហការជាមួយអង្គភាពនានាចំណុះក្រសួងយុត្តិធម៌ ដើម្បីប្រមូល តាមដាន អង្កេត និងវិភាគរាល់ព័ត៌មាន និងឯកសារពាក់ព័ន្ធសម្រាប់ធ្វើការឆ្លើយបំភ្លឺជូនសាធារណជន និងបណ្តាញសារព័ត៌មានជាតិ និងអន្តរជាតិ។ មិនតែប៉ុណ្ណោះ អ្នកនាំពាក្យក្រសួងយុត្តិធម៌ ក៏មានភារកិច្ចរៀបចំសន្និសិទសាព័ត៌មាននានា និងបំពេញភារកិច្ចផ្សេងទៀតតាមការប្រគល់ជូនរបស់ឧបនាយករដ្ឋមន្ត្រី រដ្ឋមន្ត្រីក្រសួងយុត្តិធម៌៕