Connect with us

ព័ត៌មានអន្ដរជាតិ

កាសែត New York Times ៖ CIA អាមេរិក លូកដៃជួយ អ៊ីស្រាអែល ផ្ដល់​ព័ត៌មានសម្ងាត់ពីមេធំក្រុមហាម៉ាស

បានផុស

នៅ

ទីភ្នាក់ងារចារកម្មសហរដ្ឋអាមេរិក (CIA) កំពុងដុតដៃដុតជើងជួយរដ្ឋាភិបាលអ៊ីស្រាអែលក្នុងការបង្កើតក្រុមការងារពិសេសមួយដើម្បីប្រមូល និងផ្ដល់ព័ត៌មានសម្ងាត់ពីមន្ត្រីកំពូលៗរបស់ក្រុមប្រដាប់អាវុធប៉ាឡេស្ទីនហាម៉ាសក្នុងគោលបំណងកំណត់កន្លែងលាក់ខ្លួន ក៏ដូចជាគោលដៅឈានទៅដល់ការចាប់ខ្លួនបក្ខពួករបស់ក្រុមមួយនេះជាដើម ។

លោក Jake Sullivan

ប្រភពពីមន្ត្រីអាមេរិកដែលសុំនិយាយមិនបញ្ចេញឈ្មោះបានប្រាប់កាសែត New York Times ថា ទីប្រឹក្សាសន្តិសុខជាតិអាមេរិក លោក Jake Sullivan បានបញ្ជាឲ្យបង្កើតក្រុមការងារពិសេសផ្តោតគោលដៅទាំងមូលទៅលើមន្ត្រីជាន់ខ្ពស់ក្រុមហាម៉ាស ពោលក្នុងរយៈពេលតែប៉ុន្មានថ្ងៃប៉ុណ្ណោះ បន្ទាប់ពីព្រឹត្តិការណ៍វាយឆ្មក់ ៧ តុលា មកលើទឹកដីអ៊ីស្រាអែល ។

កាសែត New York Times បានធ្វើសេចក្ដីរាយការណ៍ទៀតថា កន្លងមកសហរដ្ឋអាមេរិកបានពឹងផ្អែកទាំងស្រុងលើទីក្រុង West Jerusalem សម្រាប់ការផ្ដល់ព័ត៌មានពាក់ព័ន្ធអំពីក្រុមហាម៉ាស ប៉ុន្តែរដ្ឋាភិបាលទីក្រុងវ៉ាស៊ីនតោនបែរជាមានការភ្ញាក់ផ្អើលទៅវិញ នៅពេលដែលដឹងថា រដ្ឋាភិបាលរបស់លោកនាយករដ្ឋមន្ត្រី Benjamin Netanyahu មានឯកសារ “Jericho Wall” ដែលជាផែនការវាយប្រហារលើក្រុមហាម៉ាសកាលពីជាង ១ ឆ្នាំមុនមកម្ល៉េះ ដោយគ្រាន់តែអ៊ីស្រាអែលមិនបានប្រាប់ឲ្យអាមេរិកដឹងនោះឡើយ ។

លោក Yahya Sinwar

ស្របពេលជាមួយគ្នានេះ សារព័ត៌មាន Al Jazeera ក៏បានចុះផ្សាយដែរថា ការបង្កើតក្រុមការងារពិសេសនេះគឺផ្ដោតសំខាន់ទៅលើប្រធានក្រុមហាម៉ាសលោក Yahya Sinwar ជាពិសេសគឺដើម្បីទទួលបានព័ត៌មានពីកន្លែងលាក់ខ្លួននៅផ្នែកជ្រៅបំផុតនៃបណ្តាញផ្លូវរូងក្រោមដីក្នុងទីក្រុង Khan Younis” ។

ទោះយ៉ាងណា ព័ត៌មានឈានទៅដល់ការចាប់ខ្លួន ក៏ដូចជាសម្លាប់លោក Yahya Sinwar អាចនឹងបង្កភាពស្មុគស្មាញខ្លាំង ដោយសារតែទីភ្នាក់ងារនេះជឿជាក់ថា មេធំក្រុមប្រដាប់អាវុធប៉ាឡេស្ទីនហាម៉ាសរូបនេះ និងបក្ខពួកគឺយកឈ្លើយសឹកមកធ្វើជាខែលការពារខ្លួន ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទន្ទឹមនោះ កាលពីចុងឆ្នាំ ២០២៣ កន្លងទៅ អ៊ីស្រាអែលបានអះអាងសម្លាប់សមាជិកក្រុមហាម៉ាសប្រមាណពី ២០,០០០ ទៅ ២៥,០០០ នាក់ដែលគេជឿថាកំពុងរស់នៅក្នុងតំបន់ហ្គាហ្សា ខណៈលោក Netanyahu ចាត់ទុកការវាយប្រហារនេះ គឺជាជ័យជម្នះផ្នែកទំនាក់ទំនងសាធារណៈដ៏សំខាន់មួយសម្រាប់រដ្ឋាភិបាលរបស់លោក ។

គួរបញ្ជាក់ថា អ៊ីស្រាអែលបានបើកការវាយប្រហារយ៉ាងមិនប្រណីដៃទាំងតាមផ្លូវអាកាស និងដីគោកលើតំបន់ហ្គាហ្សាស្ទ្រីប ដោយបានសម្លាប់ជនជាតិប៉ាឡេស្ទីនជិត ២៤,០០០ នាក់ ដែលភាគច្រើនជាកុមារ និងស្ត្រី ហើយជាង ៦០,៣០០ នាក់ផ្សេងទៀតរងរបួស ដើម្បីជាការសងសឹកចំពោះការវាយឆ្មក់របស់ក្រុមហាម៉ាសក្នុងព្រឹត្តិការណ៍ ៧ តុលា ។ ចំណែកខាងអ៊ីស្រាអែលវិញមានមនុស្សជិត ១,២០០ បានបាត់បង់ជិវិត ខណៈចំណាប់ខ្មាំងជាង ១៣០ នាក់នៅតែស្ថិតក្នុងកណ្ដាប់ដៃក្រុមហាម៉ាសដដែល ៕

ដោយ ៖ សុខ ជីវ័ន្ត

ចុចអាន ៖ លោក Netanyahu ថា គ្មាននរណាម្នាក់អាចបញ្ឈប់ភ្លើងសង្គ្រាមរបស់ អ៊ីស្រាអែល នៅតំបន់ហ្គាហ្សាឡើយ

Helistar Cambodia - Helicopter Charter Services
Sokimex Investment Group
ព័ត៌មានជាតិ៤៦ នាទីutes មុន

ជម្លោះព្រំដែន៖ អ្នកនាំពាក្យ ថា សារព័ត៌មានថៃ ផ្សាយលឿន តែមិនប្រាកដការពិតទេ

ព័ត៌មានអន្ដរជាតិ២ ម៉ោង មុន

ថៃ​បង្កហេតុនិ​ងផ្ទុះ​អាវុធ​មុន ប៉ុន្តែរំអែរំអួយ​ធ្វើ​ដូច​​​ជនរងគ្រោះ​នៅ​មុខ​អន្តរជាតិ​

ព័ត៌មានអន្ដរជាតិ២ ម៉ោង មុន

​​​​តើ​ស្តេច​ថៃ វ៉ាជីរ៉ាឡុងកន រាមាទី​១០ ​​ប្រមូលផ្តុំអំណាច​យោធា​ដោយ​របៀបណា?​

ព័ត៌មានអន្ដរជាតិ៣ ម៉ោង មុន

ថាក់ស៊ីន ត្រូវពលរដ្ធថៃប្រមាថ ដល់ថ្នាក់បិទបញ្ចេញមតិ ក្រោយថា កម្ពុជាបាញ់មុន

កីឡា៣ ម៉ោង មុន

លោក​ ផាត​ សូដា៖​ តស៊ូ​ដោះបំណុល​ជំពាក់​ពេល​ធ្វើ​ក្លឹប​មាន​ពេល​ខ្លះ​គេ​មក​ទា​លុយ​ ឬ​ស្ដីឲ្យ​ដល់​ក្លឹប​

ព័ត៌មានអន្ដរជាតិ៨ ម៉ោង មុន

អត់ខ្មាស់ពិភពលោក បាញ់មកកម្ពុជាមុន តែ ផែថងតាន ថា ខាងខ្លួន​ខំអត់ធ្មត់​ និងចាស់ទុំជាងគេទៅវិញ

ព័ត៌មានអន្ដរជាតិ៥ ម៉ោង មុន

សារព័ត៌មានថៃសម្រុកផ្សាយពីភាពរងគ្រោះរបស់ខ្លួន ខណៈកងទ័ពថៃ​ជាអ្នកបង្កហេតុ​

ព័ត៌មានអន្ដរជាតិ៣ ម៉ោង មុន

ថាក់ស៊ីន ត្រូវពលរដ្ធថៃប្រមាថ ដល់ថ្នាក់បិទបញ្ចេញមតិ ក្រោយថា កម្ពុជាបាញ់មុន

ព័ត៌មានអន្ដរជាតិ៤ ម៉ោង មុន

​​សារ​ព័ត៌មានល្បីៗ​ផ្សាយ​ថា ថៃ​​​បើក​ការ​បាញ់​ប្រហារ​កម្ពុជា និង​ឆ្លងចូលទឹកដីកម្ពុជា​​

ព័ត៌មានអន្ដរជាតិ២ ម៉ោង មុន

​​​​តើ​ស្តេច​ថៃ វ៉ាជីរ៉ាឡុងកន រាមាទី​១០ ​​ប្រមូលផ្តុំអំណាច​យោធា​ដោយ​របៀបណា?​

Sokha Hotels

ព័ត៌មានពេញនិយម