កីឡា
អ្នកចាំទី កយ សាលីម សង្ឃឹមរកបានសមិទ្ធផលជូនបឹងកេតរដូវកាលក្រោយ
អ្នកចាំទី កយ សាលីម សង្ឃឹមស្វែងរកបានលទ្ធផលល្អដល់ក្លិបបឹងកេតនៅរដូវកាលក្រោយ បន្ទាប់ពីបង្ហាញខ្លួនបានច្រើននៅក្នុងរដូវកាលនេះ។
បឹងកេតបានប្រើប្រាស់កីឡាករ ថា ចន្ទរិទ្ធី ជាអ្នកចាំទីជម្រើសជាតិទី១ក្នុងរដូវកាលនេះ ប៉ុន្តែអ្នកចាំទីដៃទី២ កយ សាលីម ក៏ទទួលបានឱកាសបង្ហាញខ្លួនលើទីលានញឹកញាប់ដែរ។ សម្រាប់ការបង្ហាញខ្លួនរបស់គេក៏ធ្វើបានល្អ។ ជាក់ស្តែងសម្រាប់ការប្រកួតចុងក្រោយ ជុំទី៣នៃលីគកំពូលកម្ពុជា សាលីម បានជួយឲ្យបឹងកេតស្មើគ្នាជាមួយព្រះខ័នរាជស្វាយរៀង ៣-៣ កាលពីថ្ងៃទី២០ ខែមេសា ឆ្នាំ២០២៤ ដែលធ្វើឲ្យរូបគេត្រូវបានជ្រើសរើសជាកីឡាករល្អប្រចាំការប្រកួត។
កយ សាលីម បាននិយាយថា ៖«ខ្ញុំពិតជាមានអារម្មណ៍រំភើបដែលត្រូវបានជ្រើសរើសជាកីឡាករល្អប្រចាំការប្រកួត តែសោកស្តាយដែរដែលយើងរបូតគ្រាប់បាល់លឿនពេកនៅដើមវគ្គទី២។ ទោះបីជាយ៉ាងណា ក្រុមរបស់យើងបានប្រមូលអារម្មណ៍ និងព្យាយាមលេងឡើងវិញរហូតអាចបានស្មើ»។
«សម្រាប់ខ្ញុំរដូវកាលនេះ ខ្ញុំបង្ហាញខ្លួនបានច្រើន ប៉ុន្តែខ្ញុំអត់ទាន់អាចជួយអ្វីដល់ក្លិបបានច្រើនទេ។ សង្ឃឹមថា ឆ្នាំក្រោយ ខ្ញុំនឹងអាចរកលទ្ធផលជូនក្លិបបាន»។ អ្នកចាំទី កយ សាលីម បានបញ្ជាក់។
ពាក់ព័ន្ធនឹងទម្រង់លេងបច្ចុប្បន្នរបស់បឹងកេតដែលត្រូវបានអ្នកគាំទ្រមើលឃើញល្អប្រសើរច្រើនក្រោមការដឹកនាំរបស់លោកគ្រូ ហុង ផេង បើប្រៀបធៀបនឹងលោកគ្រូជនជាតិសិង្ហបុរី Clement Teo អ្នកចាំទី កយ សាលីម បានឲ្យដឹងថា មួយរយៈពេលចុងក្រោយនេះ ក្រុមទាំងមូលលេងយល់ចិត្តគ្នាបានច្រើន ដោយសារកីឡាករបរទេសបានជួយតំបន់ការពារច្រើន។
សាលីម បន្ថែមថា ៖«ពីមុន ពួកយើងក៏លេងយល់ចិត្តដែរ តែយើងលេងខ្សែការពារខ្មែរមិនសូវល្អដូចដែលមានកីឡាករបរទេសចូលរួមក្នុងតំបន់ការពារទេ»។
បន្ទាប់ពីចប់ជុំទី៣ បឹងកេត ស្ថិតនៅចំណាត់ថ្នាក់លេខ៤ (៤១ពិន្ទុ) វិសាខា លេខ៣ (៤៤ពិន្ទុ) ភ្នំពេញក្រោន លេខ២ (៦៤ពិន្ទុ) និងព្រះខ័នរាជស្វាយរៀង លេខ១ (៦៩ពិន្ទុ)។
ការប្រកួតជុំទី៤ (Top 4)
- ព្រះខ័នរាជស្វាយរៀង vs បឹងកេត (ថ្ងៃទី៤ ខែឧសភា)
- ភ្នំពេញក្រោន vs វិសាខា (ថ្ងៃទី៤ ខែឧសភា)
អត្ថបទ៖ វីរបុត្រ
-
សេចក្ដីជូនដំណឹង៥ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ៣ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច៥ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
កីឡា៦ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
សន្តិសុខសង្គម៤ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម
-
ព័ត៌មានជាតិ១ សប្តាហ៍ agoផ្លូវទៅតំបន់អេកូទេសចរណ៍អារ៉ែង ឈានទៅចាក់ក្រាលកៅស៊ូស្ទើរបញ្ចប់ ១០០%
-
ព័ត៌មានអន្ដរជាតិ៥ ថ្ងៃ agoពូទីន គេចមិនឆ្លើយរឿងកាន់អំណាចដល់ឆ្នាំ២០៣៦ ហើយប្រាប់ថា «មានតែព្រះទេទើបដឹង»
-
សន្តិសុខសង្គម១ សប្តាហ៍ agoបង្ហាញមុខក្រុមជនដៃដល់សម្លាប់នារីភេទទី៣ និងអ្នកបើកតាក់ស៊ី រួចបញ្ជូនទៅកាន់តុលាការ