ព័ត៌មានអន្ដរជាតិ
សេដ្ឋកិច្ចសិង្ហបុរី កើនឡើង ២,៩ ភាគរយ នៅត្រីមាសទី២ ដោយស្មើនឹងការរំពឹងទុក
ទិន្នន័យរបស់រដ្ឋាភិបាលសិង្ហបុរី បានបង្ហាញកាលពីថ្ងៃអង្គារថា សេដ្ឋកិច្ចរបស់ប្រទេសបានកើនឡើង ២,៩ ភាគរយ ក្នុងត្រីមាសទី២ ចន្លោះពីខែមេសា-មិថុនា បើធៀបនឹងរយៈពេលដូចគ្នាកាលពីឆ្នាំមុន ដោយស្មើនឹងការរំពឹងទុកជាមុន។ នេះបើតាមការចុះផ្សាយរបស់ទីភ្នាក់ងារសារព័ត៌មានរ៉យទ័រ។
ក្រសួងពាណិជ្ជកម្មសិង្ហបុរី បានឱ្យដឹងផងដែរថា ខ្លួនបានកែសម្រួលអត្រាការព្យាករកំណើនផលិតផលក្នុងស្រុកសរុប (GDP) ដែលប្រើសម្រាប់វាស់កំណើនសេដ្ឋកិច្ច សម្រាប់ឆ្នាំ ២០២៤ ចន្លោះពី ២-៣ ភាគរយ ពី ១-៣ ភាគរយ ក្នុងការព្យាករកាលពីលើកមុន។
កំណើននៅក្នុងត្រីមាសទី២ ត្រូវបានជំរុញជាចម្បងដោយពាណិជ្ជកម្មលក់ដុំ ហិរញ្ញវត្ថុ និងធានារ៉ាប់រង និងវិស័យព័ត៌មាន និងទំនាក់ទំនង។ យ៉ាងណាមិញ វិស័យផលិតកម្មបានធ្លាក់ចុះ ១ ក្នុងត្រីមាសដដែល ដោយសារតែការធ្លាក់ចុះក្នុងផលិតកម្មជីវវេជ្ជសាស្ត្រ។
ទោះយ៉ាងណាក៏ដោយ ក្រសួងពាណិជ្ជកម្មបាននិយាយថា៖ «ទស្សនវិស័យតម្រូវការខាងក្រៅរបស់សិង្ហបុរី រំពឹងថានឹងមានភាពធន់ពេញមួយឆ្នាំទោះបីជាហានិភ័យនៅតែមានដោយសារតែកំណើននៃភាពតានតឹងពីជម្លោះភូមិសាស្ត្រនយោបាយ និងពាណិជ្ជកម្ម ឬទោះបីលក្ខខណ្ឌហិរញ្ញវត្ថុសកលមានភាពតឹងរ៉ឹងយូរជាងការរំពឹងទុក ក៏ដោយ។
ផ្ទុយទៅនឹងហានិភ័យនៃការធ្លាក់ចុះ ក្រសួងដដែលបាននិយាយផងដែរថា៖ «វិស័យផលិតកម្មរបស់ប្រទេសសិង្ហបុរី រំពឹងថានឹងមានការងើបឡើងវិញបន្តិចម្តងៗនៅក្នុងឆមាសទី២នៃឆ្នាំនេះ»។
កាលពីខែមុន អាជ្ញាធររូបិយវត្ថុសិង្ហបុរី (MAS) ដែលជាធនាគារកណ្តាលរបស់ប្រទេស បាននិយាយថា ខ្លួនរំពឹងថាសេដ្ឋកិច្ចនឹងមានភាពរឹងមាំក្នុងរយៈពេលប៉ុន្មានខែចុងក្រោយនៃឆ្នាំ ២០២៤ ជិតអត្រាដែលបានព្យាករ ២-៣ ភាគរយ។
គួររំឭកថា កាលពីឆ្នាំ ២០២៣ GDP របស់សិង្ហបុរី បានកើនឡើងតែ ១,១ ភាគរយ ប៉ុណ្ណោះ ដោយទាបជាងអត្រា ៣,៨ ភាគរយ ក្នុងឆ្នាំ ២០២២៕
-
សេចក្ដីជូនដំណឹង៧ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ៥ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
កីឡា១ ថ្ងៃ agoល្ងាចនេះ U19 កម្ពុជា ប៉ះ ថៃ វគ្គពាក់កណ្តាលផ្តាច់ព្រ័ត្រ ខណៈជួបគ្នាចុងក្រោយ ថៃ ខកចិត្តម្តងហើយ
-
ព័ត៌មានអន្ដរជាតិ៥ ម៉ោង agoឥណ្ឌា តវ៉ាយ៉ាងខ្លាំង ចំពោះអាមេរិកដែលវាយប្រហារនាវាដឹកប្រេងបណ្តាលនាវិកឥណ្ឌា ៣នាក់ស្លាប់
-
សេដ្ឋកិច្ច១ សប្តាហ៍ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
សន្តិសុខសង្គម៦ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម
-
ព័ត៌មានអន្ដរជាតិ១ សប្តាហ៍ agoពូទីន គេចមិនឆ្លើយរឿងកាន់អំណាចដល់ឆ្នាំ២០៣៦ ហើយប្រាប់ថា «មានតែព្រះទេទើបដឹង»
-
ព័ត៌មានអន្ដរជាតិ១ ថ្ងៃ agoអាមេរិក បើកការវាយប្រហារទ្រង់ទ្រាយធំជាថ្មី លើអ៊ីរ៉ង់ ខណៈទីក្រុងតេហេរ៉ង់ សងសឹកវិញ ហើយបិទច្រក Hormuz ទៀត