ព័ត៌មានជាតិ
ក្រសួងការងារ ពង្រីកមជ្ឈមណ្ឌលវាយតម្លៃសមត្ថភាព កើនឡើង ១៣ កន្លែង ដើម្បីសម្រួលដល់អ្នកជំនាញមកធ្វើតេស្ត
ក្រសួងការងារ និងបណ្ដុះបណ្ដាលវិជ្ជាជីវៈ បានពង្រីកមជ្ឈមណ្ឌលវាយតម្លៃសមត្ថភាពកើនឡើងដល់ ១៣ កន្លែងហើយ នៅទូទាំងប្រទេស ដើម្បីជួយសម្រួលដល់អ្នកមានជំនាញបច្ចេកទេសកំពុងបម្រើការងារនៅតាមរោងចក្រសហគ្រាស ឬ យានដ្ឋាននានា ដែលមិនបានឆ្លងកាត់សាលាបណ្ដុះបណ្ដាល មកដាក់ពាក្យធ្វើតេស្ត ដើម្បីទទួលបានសញ្ញាបត្រក្លាយជាអ្នកជំនាញពិតប្រាកដសម្រាប់បំពេញការងារ។
លោក កត្តា អ៊ន រដ្ឋលេខាធិការ និងជាអ្នកនាំពាក្យក្រសួងការងារ និងបណ្ដុះបណ្ដាលវិជ្ជាជីវៈ បានមានប្រសាសន៍នៅថ្ងៃទី ១៨ កញ្ញា នេះថា មជ្ឈមណ្ឌលវាយតម្លៃសមត្ថភាពនេះបានបង្កើតឡើងនៅខែមីនា ឆ្នាំ ២០២៤ ថ្មីៗ នេះ សម្រាប់ធ្វើតេស្តដល់អ្នកដែលមានជំនាញកំពុងធ្វើការនៅតាមក្រុមហ៊ុនរោងចក្រសហគ្រាស ឬយានដ្ឋាននានា ដែលមិនបានឆ្លងកាត់ការបណ្តុះបណ្តាលនៅតាមសាលា តែពួកគាត់មានបទពិសោធជាច្រើនឆ្នាំលើជំនាញវិជ្ជាជីវៈ។
លោកបានបន្តថា សញ្ញាបត្រនេះមានតម្លៃស្មើនឹងសញ្ញាបត្រដែលសាលាបណ្តុះបណ្តាលនីមួយៗ ដែរ ហើយបេក្ខជនអាចយកទៅប្រើប្រាស់សម្រាប់បំពេញការងារផ្សេងៗ ទៅតាមតម្រូវការ។
លោក កត្តា អ៊ន បានបន្ថែមថា រហូតមកដល់ពេលនេះ ក្រសួងការងារ បានពង្រីកមជ្ឈមណ្ឌលនេះបានចំនួន ១៣ កន្លែង ក្នុងនោះរួមមានមជ្ឈមណ្ឌលវាយតម្លៃសមត្ថភាពព្រះកុសុមៈ មជ្ឈមណ្ឌលវាយតម្លៃសមត្ថភាពអង្គរ មជ្ឈមណ្ឌលវាយតម្លៃសមត្ថភាពតាកែវ មជ្ឈមណ្ឌលវាយតម្លៃសមត្ថភាពបាត់ដំបង មជ្ឈមណ្ឌលវាយតម្លៃសមត្ថភាពក្រចេះ មជ្ឈមណ្ឌលវាយតម្លៃសមត្ថភាពកំពត មជ្ឈមណ្ឌលវាយតម្លៃសមត្ថភាពសៀមរាប មជ្ឈមណ្ឌលវាយតម្លៃសមត្ថភាពស្វាយរៀង មជ្ឈមណ្ឌលវាយតម្លៃសមត្ថភាពនៅវិទ្យាស្ថានបច្ចេកទេសឧស្សាហកម្ម និងមជ្ឈមណ្ឌលវាយតម្លៃសមត្ថភាព វិទ្យាស្ថានជាតិពហុបច្ចេកទេសកម្ពុជា (NPIC) ជាដើម ដោយមានអ្នកចុះឈ្មោះធ្វើតេស្តចំនួន ៣ ០៤១ នាក់។
លោក កត្តា អ៊ន បានបញ្ជាក់ថា ការវាយតម្លៃសមត្ថភាពសម្រាប់អ្នកមានជំនាញមិនធ្លាប់ឆ្លងកាត់សាលានេះ ពិតជាមានសារសំខាន់ណាស់ ព្រោះថាពួកគាត់មិនត្រឹមតែមានការទទួលស្គាល់ត្រឹមត្រូវដោយក្រសួងប៉ុណ្ណោះទេ គាត់អាចរៀនជំនាញនេះបន្ថែមទៀត ដើម្បីទទួលបានកម្រិតបណ្តុះបណ្តាលខ្ពស់ជាងមុន ទទួលបានប្រាក់ខែខ្ពស់ជាងមុនផងដែរ។
លោក កត្តា អ៊ន បានលើកទឹកចិត្តដល់អ្នកមានជំនាញបច្ចេកទេសកំពុងប្រើការងារនៅតាមរោងចក្រសហគ្រាស ឬ យានដ្ឋាននានា ដែលមិនបានឆ្លងកាត់សាលាបណ្តុះបណ្តាល អញ្ជើញមកដាក់ពាក្យធ្វើតេស្តដោយឥតគិតថ្លៃនៅមជ្ឈមណ្ឌលវាយតម្លៃសមត្ថភាព ដើម្បីទទួលបានសញ្ញាបត្រក្លាយជាអ្នកជំនាញពិតប្រាកដសម្រាប់បំពេញការងារ៕
អត្ថបទ ៖ សំអឿន
តារាថៃច្រើននាក់ រត់ប្រាស់អាយុចេញពីខុនដូ បន្ទាប់ពីគ្រោះរញ្ជួយដីវាយប្រហារអគារខ្ពស់ៗ
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ
កសិករចិញ្ចឹមគោបាយជិត ៣០០ក្បាល ផ្ដាំកសិករផ្សេងឱ្យងាកមកចិញ្ចឹមគោប្រភេទនេះ ព្រោះងាយស្រួលចិញ្ចឹម
១៧ ខេត្តក្នុងចំណោម ២៥ រាជធានីខេត្ត បញ្ចប់ចុះតាមដានការអនុវត្តយានយន្តកែច្នៃខុសលក្ខណៈបច្ចេកទេស
អ៊ីស្រាអែលសម្លាប់មនុស្សជិត ៩០០នាក់ ចាប់តាំងពីលែងអនុវត្តបទឈប់បាញ់នៅតំបន់ហ្គាហ្សា
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
ការខូចខាតបឋម ព្រោះគ្រោះរញ្ជួយដីដ៏ខ្លាំងក្លាដែលវាយប្រហារអាស៊ីអាគ្នេយ៍
នាយករដ្ឋមន្ត្រីថៃ ដាក់ចេញបទបញ្ជាបន្ទាន់ដើម្បីគ្រប់គ្រង់គ្រោះរញ្ជួយដី
របាយការណ៍ចុងក្រោយបំផុតអំពីការបំផ្លិចបំផ្លាញ និងរងគ្រោះ ព្រោះការរញ្ជួយដីនៅអាស៊ីអាគ្នេយ៍
-
ព័ត៌មានអន្ដរជាតិ២១ ម៉ោង agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៤ ថ្ងៃ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
សន្តិសុខសង្គម២ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ១ ថ្ងៃ agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៥ ថ្ងៃ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
ព័ត៌មានអន្ដរជាតិ៣ ថ្ងៃ agoតើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?
-
សន្តិសុខសង្គម១៩ ម៉ោង agoការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ