ព័ត៌មានអន្ដរជាតិ
លោក គឺម ជុងអ៊ុន ថា ឧបទ្វីបកូរ៉េប្រឈមសង្គ្រាមនុយក្លេអ៊ែរ
ទីភ្នាក់ងារព័ត៌មានកណ្តាលកូរ៉េ (KCNA) បានដកស្រង់សម្តីមេដឹកនាំកូរ៉េខាងជើង លោក គីម ជុងអ៊ុន ថា ស្ថានការណ៍ដ៏ស្មុគស្មាញនៅលើឧបទ្វីបកូរ៉េអាចនាំឱ្យមាន «សង្គ្រាមនុយក្លេអ៊ែរដ៏បំផ្លិចបំផ្លាញបំផុត»។
លោក គីម ជុងអ៊ុន បាននិយាយនៅក្នុងពិធីបើកការតាំងពិពណ៌ការពារជាតិមួយនៅទីក្រុងព្យុងយ៉ាងថា៖«មិនធ្លាប់មានពីមុនមកនោះទេ មានភាគីជម្លោះនៅឧបទ្វីបកូរ៉េ ប្រឈមមុខដាក់គ្នាដ៏គ្រោះថ្នាក់ និងខ្លាំងបែបនេះទេ នៅពេលដែលស្ថានការណ៍អាចប្រែទៅជាសង្រ្គាមនុយក្លេអ៊ែរដ៏បំផ្លិចបំផ្លាញបំផុតនៅពេលណាមួយ»។
ភាពតានតឹងនៅឧបទ្វីបកូរ៉េកើនឡើងខ្លាំងនៅពេលដែល លោក គឺម ជុងអ៊ុន បញ្ជូនកងទ័ពរបស់ខ្លួនទៅចូលរួមប្រយុទ្ធជួយកងទ័ពរុស្ស៊ីក្នុងសង្គ្រាមនៅអ៊ុយក្រែន ខណៈកូរ៉េខាងត្បូងក៏បង្ហាញផែនការជួយផ្គត់ផ្គង់គ្រឿងសព្វាវុធដល់អ៊ុយក្រែនតាមរយៈសម្ព័ន្ធមិត្តលោកសេរី។
លោកបានបន្ថែមថា ការចរចាជាមួយសហរដ្ឋអាមេរិកគ្រាន់តែបញ្ជាក់ថា កូរ៉េខាងជើងមើលឃើញថា គោលនយោបាយអរិភាពរបស់ទីក្រុងវ៉ាស៊ីនតោននៅតែមិនផ្លាស់ប្តូរ។
តាមការចុះផ្សាយនោះ លោក គឹម ជុងអ៊ុន បានកត់សម្គាល់ថា សហរដ្ឋអាមេរិកកំពុងបង្កើនសម្ពាធ និងកម្រិតនៃការបង្កហេតុដោយការដាក់ពង្រាយនូវ«សម្ភារៈយោធាដ៏សម្បើម» និងកងកម្លាំងសម្ព័ន្ធមិត្តរបស់ខ្លួន ពង្រីកប្រព័ន្ធសម្ព័ន្ធមិត្តយោធារបស់ខ្លួនជាមួយនឹងការប្រើប្រាស់អាវុធនុយក្លេអ៊ែររួមគ្នា ដើម្បីរក្សា និងពង្រឹងការគ្រប់គ្រងរបស់ខ្លួនលើបណ្តាប្រទេសរណប និងដើម្បីរារាំងអំណាចដែលកំពុងកើនឡើងរបស់កូរ៉េខាងជើង ដែលកំពុងក្លាយជា «បញ្ហាប្រឈមដ៏លើសលប់ចំពោះគោលនយោបាយអនុត្តរភាពរបស់ពួកគេ»។
ប្រធានាធិបតីជិតផុតអាណត្តិរបស់សហរដ្ឋអាមេរិក លោក ចូ បៃដិន ដែលតែងគាំទ្រអ៊ុយក្រែន កាលពីថ្ងៃទិត្យ បានអនុញ្ញាតឲ្យអ៊ុយក្រែនប្រើប្រាស់មីស៊ីលចម្ងាយឆ្ងាយ ATACMS សម្រាប់ការវាយប្រហារចូលដីរុស្ស៊ី ជាពិសេសគោលដៅរបស់យោធាកូរ៉េខាងជើងដែលបញ្ជូនទៅជួយយោធារុស្ស៊ី។
រុស្ស៊ីបានចោទប្រកាន់អ៊ុយក្រែនថា ការវាយប្រហាររបស់ខ្លួនបានកើតឡើងជាការឆ្លើយតបទៅនឹងអ៊ុយក្រែនដែលដាក់គោលដៅលើរុស្ស៊ីក្នុងសប្តាហ៍នេះជាមួយនឹងកាំជ្រួចរយៈចម្ងាយឆ្ងាយដែលផលិតនៅសហរដ្ឋអាមេរិក អង់គ្លេស និងបារាំង៕
ដោយ រ៉ាន់ រើយ
-
សេចក្ដីជូនដំណឹង១ សប្តាហ៍ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ៦ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
កីឡា២ ថ្ងៃ agoល្ងាចនេះ U19 កម្ពុជា ប៉ះ ថៃ វគ្គពាក់កណ្តាលផ្តាច់ព្រ័ត្រ ខណៈជួបគ្នាចុងក្រោយ ថៃ ខកចិត្តម្តងហើយ
-
ព័ត៌មានអន្ដរជាតិ១៦ ម៉ោង agoឥណ្ឌា តវ៉ាយ៉ាងខ្លាំង ចំពោះអាមេរិកដែលវាយប្រហារនាវាដឹកប្រេងបណ្តាលនាវិកឥណ្ឌា ៣នាក់ស្លាប់
-
សេដ្ឋកិច្ច១ សប្តាហ៍ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoកម្ពុជា ថោ្កលទោសយោធាថៃយ៉ាងខ្លាំងក្លាដែលដុតបំផ្លាញជណ្តើរឡើងប្រាសាទខ្នារ ទីតាំងបេតិកភណ្ឌវប្បធម៌
-
ព័ត៌មានអន្ដរជាតិ១ សប្តាហ៍ agoពូទីន គេចមិនឆ្លើយរឿងកាន់អំណាចដល់ឆ្នាំ២០៣៦ ហើយប្រាប់ថា «មានតែព្រះទេទើបដឹង»
-
សន្តិសុខសង្គម៧ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម