ព័ត៌មានអន្ដរជាតិ
ក្រុមហ៊ុនអាមេរិក ប្រកាសដាក់លក់ថ្នាំចាក់ព្យាបាលជំងឺអេដស៍ក្នុងតម្លៃថោក នៅ១២០ប្រទេស
ក្រុមហ៊ុនឱសថអាមេរិក Gilead បានប្រកាសដាក់លក់ថ្នាំចាក់ព្យាបាលជំងឺអេដស៍ Lenacapavir ក្នុងតម្លៃថោកនៅប្រទេសក្រីក្រចំនួន១២០ ក្នុងទ្វីបអាហ្វ្រិក តំបន់អាស៊ីអាគ្នេយ៍និងការ៉ាប៊ីន ប៉ុន្តែក្រុមហ៊ុនមិនទាន់សម្រេចឡើយថាតើនឹងត្រូវដាក់លក់នៅពេលណានិងតម្លៃប៉ុន្មានឲ្យប្រាកដ ទោះកាលពីមុនធ្លាប់មានអ្នកជំនាញគណនាថា បើផ្អែកលើតម្លៃគ្រឿងផ្សំ និងសង្វាក់ផលិតកម្ម ថ្នាំនេះអាចដាក់លក់ក្នុងតម្លៃត្រឹមតែ ៤០ដុល្លារប៉ុណ្ណោះ សម្រាប់ការប្រើប្រាស់រយៈពេល១ឆ្នាំក៏ដោយ។ នេះបើតាមការចុះផ្សាយរបស់គេហទំព័រ Baltimore Sun នៅថ្ងៃព្រហស្បតិ៍ទី៥ខែធ្នូឆ្នាំ២០២៤។
ថ្នាំ មួយឆ្នាំចាក់ពីរដងនេះ បានបង្ហាញប្រសិទ្ធភាព១០០% ប្រឆាំងជំងឺអេសដ៍លើស្រ្តី ហើយទិន្នន័យថ្មីដែលបញ្ចេញកាលពីថ្ងៃពុធទី៤ខែធ្នូឆ្នាំ២០២៤បង្ហាញថា ថ្នាំនេះក៏មានប្រសិទ្ធភាពខ្លាំងផងដែរលើបុរស។
ការដែលក្រុមហ៊ុនសម្រេចជ្រើសរើសតំបន់ទាំង៣ជាទីផ្សាដាក់លក់ថ្នាំក្នុងតម្លៃសមរម្យ គឺព្រោះតែទីនោះមានអត្រាឆ្លងជំងឺអេដស៍ខ្ពស់ និងសម្បូរប្រទេសក្រីក្រពិបាកទិញថ្នាំថ្លៃៗ។
តាមពិតទៅថ្នាំ Lenacapavir ត្រូវបានដាក់លក់រួចទៅហើយនៅសហរដ្ឋអាមេរិក អឺរ៉ុប និងកាណាដា ក្រោមឈ្មោះ Sunlenca ដោយមួយឆ្នាំចាក់ពីរម្ជុលត្រូវចំណាយថវិកាអស់ ៤២ ២៥០ដុល្លារ។
យ៉ាងណា ពាក់ព័ន្ធតម្លៃដ៏ខ្ពស់កប់ពពកនេះ ក៏មានការរិះគន់ផងដែរ ហើយបើយោងតាមការសិក្សាថ្មីមួយ ដែលលើកឡើងក្នុងសន្និសីទអេដស៍អន្តរជាតិនៅទីក្រុងម៉ូនិច នៃប្រទេសអាល្លឺម៉ង់ កាលពីថ្ងៃទី២៣ ខែកក្កដា ឆ្នាំ២០២៤, តាមពិតតម្លៃវ៉ាក់សាំងបង្ការជំងឺអេដស៍ អាចដាក់លក់ថោកជាងមុនដល់ជាង ១ពាន់ដងឯណោះ តែត្រូវក្រុមហ៊ុនផលិតដាក់លក់នៅក្នុងតម្លៃថ្លៃ ដែលធ្វើឲ្យមនុស្សភាគច្រើនពុំមានលទ្ធភាពទទួលយកវ៉ាក់សាំងប្រភេទនេះទៅប្រើប្រាស់។
សូមបញ្ជាក់ថា នៅក្នុងរបាយការណ៍នៅទិវាជំងឺអេដស៍ពិភពលោកកាលពីថ្ងៃអាទិត្យ កម្មវិធីអង្គការសហប្រជាជាតិស្តីពីមេរោគអេដស៍ UNAIDS បាននិយាយថា ចំនួនមនុស្សស្លាប់ដោយសារជំងឺអេដស៍កាលពីឆ្នាំមុន គឺមានប្រមាណ ៦៣០ ០០០នាក់ ដែលជាកម្រិតទាបបំផុតចាប់តាំងពីការឡើងដល់កំពូលក្នុងឆ្នាំ២០០៤៕
អត្ថបទ៖ សុខ សុវណ្ណ
ចុចអាន៖ វ៉ាក់សាំងជំងឺអេដស៍តម្លៃជាង៤ម៉ឺនដុល្លារ តាមពិតអាចលក់ថោកជាងមុនដល់ ១ពាន់ដងឯណោះ
-
ព័ត៌មានអន្ដរជាតិ១ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេចក្ដីជូនដំណឹង៣ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
សេដ្ឋកិច្ច៣ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
ព័ត៌មានអន្ដរជាតិ៧ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
កីឡា៤ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេដ្ឋកិច្ច៦ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ