ព័ត៌មានជាតិ
អាជ្ញាធរខេត្តសៀមរាប ដាក់ពាក្យប្ដឹងផែង វណ្ណៈ ៤ បទល្មើស
លោកមេធាវី អ៊ុន ចាន់ថុល ជាមេធាវីតំណាងដោយអាណត្តិរបស់សាលាខេត្តសៀមរាប បានដាក់ពាក្យប្ដឹងលោក ផែង វណ្ណៈ ចំនួន៤ បទល្មើស រួមមាន ពីបទញុះញង់ឲ្យមានការរើសអើងតាមបញ្ញត្តិ មាត្រា៤៩៦, បទអំពើញុះញង់ ប្រព្រឹត្តតាមផ្លូវសារពត៌មានបញ្ញត្តិ មាត្រា៤៩៧, បទប្រមាថចំពោះអ្នករាជការសាធារណៈ បញ្ញត្តិ មាត្រា ៥០២, បទប្រមាថចំពោះព្រះសង្ឃ ដូនជី និងតាជី បញ្ញត្តិ មាត្រា៥១៦ តាមក្រមព្រហ្មទណ្ឌ នៃព្រះរាជាណាចក្រកម្ពុជា ដែលបាន ប្រព្រឹត្តិកាលពីអំឡុងថ្ងៃទី១៤, ១៥ និង១៦ ខែមីនា ឆ្នាំ២០២១។
លោក លី សំរិទ្ធ អភិបាលរងខេត្តសៀមរាប បានថ្លែងប្រាប់កម្ពុជាថ្មី នៅព្រឹកថ្ងៃទី២៣ ខែមីនា នេះថា ខាងសាលាខេត្តពិតជាបានប្ដឹងឈ្មោះ ផែង វណ្ណៈ មែន ដោយឲ្យមេធាវីជាអ្នករៀបចំពាក្យបណ្ដឹងនេះ ហើយការប្ដឹងនេះច្រើនករណីណាស់ តាមអ្វីដែលគាត់បាននិយាយផ្ទាល់មាត់នៅលើប្រព័ន្ធព័ត៌មានរបស់គាត់ ហើយក៏បានដាក់ទៅព្រះរាជអាជ្ញារួចហើយដែរ។
ពាក់ព័ន្ធនឹងបញ្ហានេះ លោក ឈិត សុខុន រដ្ឋមន្ត្រីក្រសួងធម្មការ និងសាសនា ក៏បានស្នើឲ្យព្រះរាជអាជ្ញាអមសាលាដំបូងខេត្តកណ្តាល ចាត់វិធានការផ្លូវច្បាប់ចំពោះបុគ្គលឈ្មោះ ផែង វណ្ណៈ នេះដែរ ពីបទប្រមាថចំពោះព្រះសង្ឃតាមមាត្រា៥១៦ និងបទញុះ ញង់អោយមានការរើសអើង តាមមាត្រា ៤៩៦ និងបទគំរាមកំហែងថា នឹងសម្លាប់ តាមមាត្រា២៣៣ នៃក្រមព្រហ្មទណ្ឌ។
លោក ផែង វណ្ណៈ កាលពីថ្ងៃទី១៨ ខែមីនា ឆ្នាំ២០២១ កន្លងទៅបានធ្វើលិខិតសុំទោសជាសាធារណៈ ចំពោះអ្វីដែលខ្លួនគាត់បានធ្វើ និងបានទៅដល់វត្តរាជបូរណ៍ ខេត្តសៀមរាប ដើម្បីសុំខមាទោស ពីព្រះចៅអធិការវត្តរួចហើយ ចំណែកព្រះតេជគុណ ពិន សែម ក៏បានទទួលយកការសុំទោសនេះផងដែរ៕
អត្ថបទ៖កោះកែវ
សម្ដេចធិបតី៖ បច្ចេកវិទ្យា ត្រូវធានាថា បម្រើឱ្យមនុស្ស មិនមែនមនុស្សរត់តាមបម្រើបច្ចេកវិទ្យាទេ
ស្នងការខេត្តបន្ទាយមានជ័យ បើកវគ្គបណ្តុះបណ្តាលគ្រូបង្គោល ដើម្បីថែរក្សាសន្តិសុខ សណ្តាប់ធ្នាប់ ឱ្យមានប្រសិទ្ធភាពខ្ពស់
ភាគហ៊ុនរបស់ Fenerbahce កើនឡើង ក្រោយតែងតាំង Mourinho ជាគ្រូបង្វឹក
សុរិយាដីខេត្តសៀមរាប សម្រុកចុះដីធ្លីជាប្រព័ន្ធជូនពលរដ្ឋមួយថ្ងៃបានជាង ២ ពាន់ក្បាលដី
ទូតអូស្ត្រាលីនៅអាមេរិកថា ពិភពលោកនឹងប្ដូរមុខមាត់ទាំងស្រុង បើសង្គ្រាមនៅ តៃវ៉ាន់ ផ្ទុះឡើង
ថ្ងៃស្អែក រដ្ឋបាលរាជធានី នឹងកែសម្រួលប្រព័ន្ធចរាចរនៅតំបន់ជុំវិញចំណុចរង្វង់មូលកួចកាណុង
ក្រុមហ៊ុនអភិវឌ្ឍព្រលានតេជោតាខ្មៅ បានត្រៀមបម្រុងដី សាងសង់ផ្លូវរថភ្លើងមករាជធានីភ្នំពេញ
ព្រលានយន្តហោះអន្តរជាតិតេជោសាងសង់បាន ៧៥% ចំណាយថវិកាអស់ជាង ១ ១០០ លានដុល្លារ
មង្គលការកូនប្រធានក្រុមហ៊ុនសំលៀកបំពាក់កីឡាល្បីនៅ ចិន រងការរិះគន់ថាខ្ជះខ្ជាយលុយកាក់
សម្ដេចតេជោ ស្នើរុស្ស៊ីបង្កើតជើងហោះហើរត្រង់ និងដោះស្រាយបំណុលដែលកម្ពុជាជំពាក់
-
ព័ត៌មានជាតិ១ ថ្ងៃ agoមន្ត្រីជំនាញមកពីគ្រប់ស្ថាប័ន ចុះពិនិត្យមើលគល់ស្ពានព្រះមុនីវង្សថ្មីមានស្នាមជ្រុះបេតុង
-
ព័ត៌មានអន្ដរជាតិ៥ ថ្ងៃ agoត្រៀមខ្លួន! ឆ្នាំក្រោយ ព្យុះព្រះអាទិត្យ នឹងវាយប្រហារភពផែនដី កាចសាហាវជាងឆ្នាំនេះទៀត
-
ព័ត៌មានជាតិ៦ ថ្ងៃ agoលោក សុខ ធា ត្រូវបានប្រកាសចូលកាន់តំណែងជានាយប៉ុស្តិ៍នគរបាលច្រកទ្វារអាកាសយានដ្ឋានអន្តរជាតិភ្នំពេញ
-
សន្តិសុខសង្គម៤ ថ្ងៃ agoអគ្គិភ័យឆេះហាងលក់កាហ្វេ និងឆេះរាលដល់បន្ទប់ជួល និងអគារមួយខ្នងទៀតនៅសៀមរាប
-
សេចក្ដីជូនដំណឹង១ សប្តាហ៍ agoក្រុមហ៊ុន ហនុមាន ប៊ែវើរីជីស បោះជំហានឆ្ពោះទៅកាន់វិសាលភាពអន្តរជាតិជាមួយម្ចាស់ជើងឯកប្រដាល់ពិភពលោក ម៉ានី ប៉ាគីអាវ!
-
កីឡា៥ ថ្ងៃ agoអបអរសាទរ! វិសាខា ឈ្នះជើងឯក WSVI ក្រោយបំបាក់ម្ចាស់ផ្ទះ Win Streak ៣-១
-
កីឡា១ សប្តាហ៍ agoស្ថាបនិក KSF ផ្តល់តម្លៃ ឈឿង ល្វៃ ខ្ពស់បំផុតសម្រាប់កំណត់ត្រាជូនជាតិ
-
ព័ត៌មានជាតិ៤ ថ្ងៃ agoក្រុមហ៊ុនជប៉ុន MIRARTH Green Tech នឹងសម្ពោធរោងចក្រកែច្នៃគ្រាប់ស្វាយចន្ទីនៅខេត្តកំពង់ធំ នាថ្ងៃស្អែក