កីឡា

សូម្បី ចាន់ រតនា ក៏សរសើរ យ៉ាស៊ីន មហាម៉ាត់ មិនដាច់ពីមាត់ដែរពិសេសជ្រំជើងសេះដើរចូល

បានផុស

៤ ខែ មុន

នៅ

ថ្ងៃអង្គារ ១ មេសា ២០២៥

ដោយ

កីឡាករចាស់វស្សា ចាន់ រតនា សរសើរមិនដាច់ពីមាត់អំពីសមត្ថភាពល្អរបស់ មហាម៉ាត់ និង យ៉ាស៊ីន ការហ្វឹកហាត់ បច្ចេកទេសវាយ ពិសេសការជ្រំជើងសេះដើរចូលវាយដោយមិនសូវខ្វល់ស្ទង់ស្ទាបដៃគូអ្វីច្រើននោះឡើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ចាន់ រតនា (រូបភាពហ្វេសបុកផេក ថោន)

លើកឡើងក្នុងកិច្ចសម្ភាស ចាន់ រតនា ថាលោកពេញចិត្តជាខ្លាំងចំពោះសមត្ថភាពកីឡាករអាហ្វហ្គានីស្ថានទាំងពីររូបរួមមាន មហាម៉ាត់ និង យ៉ាស៊ីន។ តាមដែលលោកធ្លាប់ហ្វឹកហាត់ជាមួយកន្លងទៅកីឡាករពីររូបនេះពិតជាប្រឹងប្រែងហ្វឹកហាត់ខ្លាំងមែន ពោលមិនលេងសើចច្រើនក្នុងពេលហាត់ផ្ដោតតែលើការហាត់មួយគត់ និងគោរពពេលវេលា។

ចំពោះក្បាច់ស្នៀតវិញកូនសិស្សលោក សេន ប៊ុនថេន ទាំងពីរអាចប្រើបានទាំងអស់ និងខួរក្បាលលឿនទៀតផងផ្លាស់ប្ដូរភ្លាមៗ។ កាន់តែពេញចិត្តចំពោះ រតនា មួយទៀតនោះគឺចិត្តក្លាហានគោះជួងជ្រំជើងសេះដើរចូលវាយដោយមិនសូវគិតគូរ ឬស្ទាបស្ទង់ច្រើននោះឡើយ។

មហាម៉ាត់ (រូបភាពហ្វេបុកផេក Hang Meas Kunkhmer)

ចាន់ រតនា លើកឡើងថា ប្រសិនបើកីឡាករកម្ពុជាព្យាយាមហ្វឹកហាត់ ផ្ដោតលើការហ្វឹកហាត់ តាំងចិត្ត ដូចទៅហ្នឹងកីឡាករ មហាម៉ាត់ យ៉ាស៊ីន នៅថ្ងៃខាងមុខច្បាស់ជាសំបូរកីឡាករល្អៗបែបនេះច្រើនជាមិនខាន។

យ៉ាស៊ីន (រូបភាពហ្វេសបុក សេន ប៊ុនថេន)

បញ្ជាក់ដែរថា យ៉ាស៊ីន និង មហាម៉ាត់ ជាកូនសិស្សលោក សេន ប៊ុនថេន ហាត់នៅក្លឹបសេនប៊ុនថេនគុនខ្មែរ។ អ្នកទាំងពីរនាក់នេះកំពុងអុកឡុកខ្លាំងក្នុងវិស័យគុនខ្មែរ និងយកឈ្នះជើងខ្លាំងកម្ពុជាជាច្រើនរូបមកហើយ។ ថ្មីៗនេះ មហាម៉ាត់ ទើបឈ្នះពានរង្វាន់ និងខ្សែក្រវាត់១គ្រឿងជាមួយ ពេជ្រ សឹង្ហៈ។ ចំណែក យ៉ាស៊ីន ទើបឈ្នះម៉ារ៉ាតុងទទួលបានខ្សែក្រវាត់ ១គ្រឿងផងដែរក្រោយឈ្នះពិន្ទុ សែន រ៉ាដេត វគ្គផ្ដាច់ព្រ័ត្រនៅសង្វៀនថោន៕

អត្ថបទដោយ៖ នួន ស៊ីណ

Related Topics:កីឡាប្រដាល់គុនខ្មែរ