កន្លែងស្នាក់នៅ ម្ហូបអាហារ នៅខេត្តរតនគិរី គឺរក្សាតម្លៃសមរម្យអំឡុងពេលពេលចូលឆ្នាំខ្មែរ

ពិធីបុណ្យចូលឆ្នាំខ្មែរកាន់តែខិតចូលមកដល់ ខេត្តរតនគិរីក៏បានរៀបចំលម្អតាមដងផ្លូវសាធារណៈ ដោយភ្លើងចម្រុះពណ៌ដើម្បីអបអរពិធីបុណ្យចូលឆ្នាំខ្មែរខាងមុខ ក្នុងនោះ អាជីវករដែលប្រកបរបរនៅទីនោះ លើកឡើងដូចគ្នាថា ចំពោះកន្លែងស្នាក់នៅ និងម្ហូបអាហារនៅខេត្តរតនគិរីគឺមានតម្លៃសមរម្យ មិនឡើងថ្លៃនោះទេ។

ម្ចាស់ផ្ទះសំណាក់ហ៊ូវ៉ៃ មានទីតាំងនៅជាប់សាលាខេត្តរតនគិរី បានប្រាប់ថា កន្លែងរបស់លោក មានបន្ទប់គ្រែ១ និងគ្រែ២។ សម្រាប់បន្ទប់ម៉ាស៊ីនត្រជាក់ គ្រែ១ មានតម្លៃ ២០ដុល្លារ ចំណែកបន្ទប់ធម្មតាមានកង្ហា តម្លៃ ១២.៥០ដុល្លារ ចំពោះតម្លៃនៅថ្ងៃធម្មតាវិញ ម៉ាស៊ីនត្រជាក់តម្លៃ ១០ដុល្លារ និងបន្ទប់កង្ហារតម្លៃ ៦.២៥ដុល្លារ ។

ចំណែក អ្នកគ្រប់គ្រងភោជនីយដ្ឋាន និងបារ Green Carrot បានប្រាប់ថា សម្រាប់តម្លៃនៅអំឡុងបុណ្យ ឆ្នាំខ្មែរខាងមុខនេះមិនបានឡើងថ្លៃនោះទេ ពោល គឺតម្លៃចាប់ពី ១០ដុល្លារ ទៅ១៨ដុល្លារ ព្រមទាំងផ្តល់ជូនអាហារពេលព្រឹក សម្រាប់២នាក់ទៀត ដោយមិនគិតថ្លៃនោះទេ ។ នៅភោជនីយដ្ឋានរបស់លោកក៏ ប្រភេទម្ហូបអាហារក៏មិនមានការឡើងតម្លៃដែរ ។

ខេត្តរតនគិរីជាតំបន់អភិវឌ្ឍន៍ថ្មី ជាគោលដៅទេសចរណ៍ភ្ញៀវជាតិនិងអន្តរជាតិ មកលេងកម្សាន្ត នៅក្នុងពិធីបុណ្យចូលចូលឆ្នាំខ្មែរ ខាងមុននេះ ។ បច្ចុប្បន្ននេះកំពុងតែទាក់ទាញ យ៉ាងខ្លាំងតាមរយៈការផ្លាស់ប្ដូរមុខមាត់ថ្មីៗ ទៅរម្មណីយដ្ឋាន ជ្រោះធម្មជាតិ បឹង វាលធំ ទន្លេ ។ នៅតាមដងផ្លូវអ្នកអនាម័យ កំពុងញាប់ដៃជើង សម្អាតស្លឹកឈើ ថង់ផ្លាស្ទីក ចំណែកសួនច្បារសាធារណៈ កំពុងកាត់ស្មៅ ។  ការតុបតែងនៅតាមខ្លោងទ្វារ នានាមានក្បាច់លំអនិងផ្កាភ្ញី រស់រវើក សម្រាប់ឲ្យអ្នកមកទស្សនា បានកម្សាន្តសប្បាយ រីករាយទស្សនីយភាព នៃខេត្តរតនគិរី ។ ភ្ញៀវជាតិនិងអន្តរជាតិ ដែលមកជួលផ្ទះសំណាក់ ឬ សណ្ឋាគារ ហើយក៏អាចភ្លក្សជាតិម្ហូបអាហារ ប្រចាំតំបន់ និងជួយរថយន្ត កង់ ម៉ូតូ និងទូកទៅកម្សាន្ត តាមដងទន្លេ ទៅទស្សនាភូមិជនជាតិដើមភាគតិច និងធ្វើដំណើរតាមទូកឆ្ពោះទៅតាមកោះនានាជាច្រើនកន្លែង៕

ដោយ៖ ខៀវ ចាប