សេដ្ឋកិច្ច

ហាងឆេងមាសក្នុងស្រុកកើនឡើងដល់ ៤០៤ ដុល្លារ មួយជី

បានផុស

១ year មុន

នៅ

ថ្ងៃចន្ទ ២១ មេសា ២០២៥

ដោយ

តម្លៃហាងឆេងមាសបន្តកើនឡើងដល់ជាង ៤ ពាន់ដុល្លារក្នុងមួយតម្លឹងនៅកម្ពុជា ដែលជំរុញដោយសង្គ្រាមពាណិជ្ជកម្មរវាងចិន និងអាមេរិក ខណៈតម្លៃមាសក្នុងស្រុកតាមបណ្តាហាងនានាក្នុងរាជធានីភ្នំពេញ លក់ចេញក្នុងតម្លៃ ៤០៤ ដុល្លារក្នុងមួយជី។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ឡុង សំណាង ប្រធានផ្នែកប្រឹក្សាយោបល់ហិរញ្ញវត្ថុក្រុមហ៊ុន PP Link securities បានលើកឡើងថា សន្ទុះនៃការបញ្ជាទិញបានកើនឡើងខ្ពស់នៅរយៈពេលប៉ុន្មានថ្ងៃនេះ ដែលរុញច្រានដោយសម្ពាធពន្ធឆ្លើយឆ្លងគ្នាទៅវិញទៅមករវាងប្រទេសចិន និងអាមេរិក ធ្វើឱ្យសម្ពាធនៃប្រាក់ដុល្លារធ្លាក់ចុះ ខណៈតម្លៃពន្ធប៉ះពាល់ទៅដល់ពាណិជ្ជកម្ម ឬសេដ្ឋកិច្ច ធ្វើឱ្យតម្លៃហាងឆេងមាសហក់ឡើង។

លោក ឡុង សំណាង យល់ថា៖ «ប្រសិនបើសហរដ្ឋអាមេរិក ដាក់សម្ពាធពន្ធទៅវិញទៅមកជាមួយបណ្ដាប្រទេសមួយចំនួនដែលមានសេដ្ឋកិច្ចទាប ឬក៏ឱនភាពពាណិជ្ជកម្មជាមួយអាមេរិក វានៅតូច មិនសូវមានផលប៉ះពាល់ទៅដល់ ហាងឆេងមាស ឬសេដ្ឋកិច្ចលើពិភពលោកទេ ប៉ុន្តែបើសិនជាសម្ពាធពន្ធ ឬក៏ការឌឺដងសងសឹកគ្នាទៅវិញទៅមករវាងអាមេរិក និងប្រទេសចិន អាហ្នឹងជាបញ្ហាធំមួយ ដែលធ្វើឱ្យសេដ្ឋកិច្ចលើពិភពលោកអាចគាំងស្ទះ ឬក៏សេដ្ឋកិច្ចថមថយខ្លាំង ដែលរុញច្រានឱ្យប្រាក់ដុល្លារថយដែរ ហើយបណ្ដាវិនិយគិនធំៗ ឬធនាគារឯកជនធំៗគេតែងតែមើលឃើញប្រទេសពីរហ្នឹង ប្រសិនបើប្រទេសពីរហ្នឹងមានបញ្ហាមិនល្អនឹងគ្នាទំនុកចិត្តនិងការវិនិយោគគេនឹងដើរទៅតាមហ្នឹងហើយ»។