ព័ត៌មានអន្ដរជាតិ

តម្លៃផ្លែដូងអន្តរជាតិកើនឡើង ខណៈបញ្ហាធាតុអាកាសធ្វើឱ្យទិន្នផលធ្លាក់ចុះ

បានផុស

១ year មុន

នៅ

ថ្ងៃចន្ទ ២៨ មេសា ២០២៥

ដោយ

សារព័ត៌មានអន្តរជាតិ Bloomberg បានរាយការណ៍ថា ធាតុអាកាសមិនអំណោយផលនៅតាមបណ្ដាប្រទេសដាំដុះដូងមួយចំនួនរបស់ពិភពលោក បានធ្វើឱ្យប៉ះពាល់ដល់ទិន្នផលដូង កាត់បន្ថយការផ្គត់ផ្គង់សកល ដោយធ្វើឱ្យតម្លៃផ្លែដូងនៅកន្លែងមួយចំនួនហក់ឡើងខ្ពស់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាមួយនឹងបញ្ហានេះ បណ្ដាប្រទេសដាំដុះសំខាន់ៗដូចជាហ្វីលីពីន និងឥណ្ឌូណេស៊ីជាដើមនោះ កំពុងពិចារណាលើការរឹតបន្តឹងការនាំចេញ។

ហ្វីលីពីន ដែលជាប្រទេសផលិតដូងធំជាងគេលើពិភពលោក បានរំពឹងថា ទិន្នផលផ្លែដូងនឹងធ្លាក់ចុះ ២០ ភាគរយ នៅឆ្នាំនេះ។ ក្នុងរយៈពេល២ឆ្នាំកន្លងមកនេះ ធាតុអាកាសហួសហេតុ រួមទាំងគ្រោះរាំងស្ងួតធ្ងន់ធ្ងរ និងព្យុះស៊ីក្លូនត្រូពិក បានបង្កការខូចខាតដល់ដើមដូង។

អ្នកជំនាញបានប្រាប់ Bloomberg ថា មូលហេតុចម្បងនៅពីក្រោយកម្សោយនៃការផ្គត់ផ្គង់ គឺបញ្ហាដែលបង្កដោយអាកាសធាតុ ដោយវាបាននាំឱ្យមានការថយចុះទិន្នផល ការពន្យារពេលនៃការប្រមូលផល និងរាំងស្ទះដល់ការដឹកជញ្ជូនរបស់កសិករ។

ក្រៅតែហ្វីលីពីន ប្រទេសដាំដុះដូងសំខាន់ៗផ្សេងទៀតដូចជា ឥណ្ឌូណេស៊ី ថៃ និងវៀតណាម ក៏កំពុងជួបប្រទះនូវកង្វះនៃការផ្គត់ផ្គង់ដោយសារបញ្ហាធាតុអាកាស និងកំណើននៃតម្រូវការក្នុងស្រុករបស់ពួកគេ។

នៅឥណ្ឌូនេស៊ី ដែលជាប្រទេសផលិតដូងធំជាងគេទី២លើពិភពលោក ក្រសួងឧស្សាហកម្មបានស្នើឱ្យមានការហាមឃាត់ការនាំចេញចន្លោះពី ៣-៦ ខែ បង្កើនពន្ធលើការនាំចេញក្រៅប្រទេស និងកំណត់តម្លៃគោលដើម្បីរក្សាស្ថិរភាពតម្លៃក្នុងស្រុក ដែលបង្កការហក់ឡើងនៃតម្លៃ ១៥០ ភាគរយ ក្នុងរយៈពេល ៣ ខែកន្លងមកនេះ។

ដើមដូងបានបាក់រលំនៅខេត្ត Apayao នៃប្រទេសហ្វីលីពីន ដោយសារតែព្យុះទីហ្វុង **Yinxing** កាលពីខែវិច្ឆិកា ឆ្នាំ ២០២៤

តម្លៃលក់ដុំនៅឯការដេញថ្លៃប្រចាំសប្តាហ៍ក្នុងរដ្ឋធានីរបស់ប្រទេសស្រីលង្កាវិញ បានកើនឡើងច្រើនជាងទ្វេដងកាលពីឆ្នាំមុន ដោយសារតែការខូតខាតដើមដូងបណ្ដាលមកពីធាតុអាកាសមិនល្អ និងជំងឺ។ រដ្ឋាភិបាលស្រីលង្កាកាលពីខែកុម្ភៈ បានផ្ដល់ការអនុញ្ញាតសម្រាប់ការនាំចូលសាច់ដូង ដើម្បីជួយសម្រាលសម្ពាធទីផ្សារ។

ទន្ទឹមនឹងនោះ តម្រូវការសកល ត្រូវបានគេរំពឹងថានឹងបន្តកើនឡើង ព្រោះដូងមានរស់ជាតិឆ្ងាញ់ និងគ្មានជាតិឡាក់តូស។ ផលិតផលដែលពាក់ព័ន្ធដូចជាប្រេងដូង ទឹកដោះគោ និងម្សៅទឹកដោះគោ ក៏កំពុងទទួលបានប្រជាប្រិយភាពផងដែរ

បើតាមអង្គការសហគមន៍ដូងអន្តរជាតិ ការប្រើប្រាស់ប្រេងដូងរំពឹងថានឹងកើនឡើងបន្តិចដល់ ៣,២៣ លានតោន នៅឆ្នាំនេះ ពី ៣,២ លានតោន កាលពីឆ្នាំមុន ដោយសហរដ្ឋអាមេរិក សហភាពអឺរ៉ុប (EU) និងចិន នាំចូលច្រើនជាងគេ៕

ព័ត៌មានអន្ដរជាតិ១៧ ម៉ោង ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេដ្ឋកិច្ច៣ ថ្ងៃ ago

ធនាគារ ARDB ចាក់បញ្ចូលទុនលើស្វាយចន្ទី និងដំឡូងមី

ព័ត៌មានជាតិ១ សប្តាហ៍ ago

រដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ

កីឡា៤ ថ្ងៃ ago

មូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង

សេចក្ដីជូនដំណឹង២ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា