កីឡា

ពេជ្រ អាទិទេព កាន់តែឡើងខ្លាំង៤ប្រកួតសន្សំពិន្ទុក្នុងពូលវាយដៃគូឲ្យសន្លប់ទាំងអស់

បានផុស

១ year មុន

នៅ

ថ្ងៃចន្ទ ១៩ ឧសភា ២០២៥

ដោយ

អ្នកប្រដាល់កំពុងឡើងកូដខ្លាំង ពេជ្រ អាទិទេព បង្ហាញទម្រង់វាយកាន់តែល្អពីមួយប្រកួតទៅមួយប្រកួតរូបគេធ្វើបានល្អឡើងៗពិសេសក្នុងវគ្គសន្សំពិន្ទុក្នុងពូល ៤ប្រកួតវាយបរទេសឲ្យសន្លប់ទាំងអស់។

កូនសិស្សគ្រូឆ្នើមរូបនេះពិតជាសមត្ថភាពកើនឡើងខ្លាំងមែន ៤ប្រកួតដែលរូបគេផ្ដួលបរទេសឲ្យសន្លប់ក្នុងកម្មវិធីអ្នកចម្បាំងអូដ្ឋ រួមមាន៖

ទី១ ថងបាំង ផ្ដួលឲ្យសន្លប់ទឹកទី១ (ឡាវ)

ទី២ អូម៉ា ផ្ដួលឲ្យសន្លប់ទឹកទី២ (ម៉ាឡេស៊ី)

ទី៣ ផុងសិរិ ផ្ដួលឲ្យុសន្លប់ទឹក១ (ថៃ)

ទី៤ ឆាងយុទ្ធ ផ្ដួលឲ្យសន្លប់ទឹកទី១ (ថៃ)

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

រូបភាពហ្វេបុក អាទិទេព

កីឡាករ ពេជ្រ អាទិទេព និង វ៉ាន់ វឿន បានឡើងទៅវគ្គផ្ដាច់ព្រ័ត្រហើយ ដោយឡែកនៅរង់ចាំបេក្ខភាព ២រូបទៀតដែលត្រូវប្រកួតបញ្ចប់វគ្គសន្សំពិន្ទុក្នុងពូលសប្ដាហ៍នេះរួចទើបរកឃើញនរណានឹងឡើងទៅជាមួយ។ ការប្រកួតខ្សែក្រវាត់អ្នកចម្បាំងអូដ្ឋ នេះរៀងប្លែកបន្តិចកីឡាករទាំងអស់ដែលប្រកួតចប់វគ្គសន្សំពិន្ទុក្នុងពូលរួចអ្នកដែលមានពិន្ទុច្រើនជាងគេ ៤រូបនឹងត្រូវឡើងទៅប្រកួតម៉ារ៉ាតុងមួយថ្ងៃយកខ្សែក្រវាត់តែម្ដងដោយមិនប្រើរូបមន្តវគ្គពាក់កណ្ដាលផ្ដាច់ព្រ័ត្រនោះទេ។

រូបភាពហ្វេបុក អាទិទេព

សម្រាប់វគ្គផ្ដាច់ព្រ័ត្រខ្សែក្រវាត់អ្នកចម្បាំងអូដ្ឋ ទម្ងន់ ៥៧គីឡូក្រាមរបស់សង្វៀនបាយ័ន នឹងធ្វើឡើងនៅថ្ងៃ ១៤ ខែមិថុនា ឆ្នាំ២០២៥។ ប្រាក់រង្វាន់លើកទឹកចិត្តកីឡាករដែលឈ្នះខ្សែក្រវាត់នឹងទទួលបាន ៥០លានរៀល។ រង់ចាំមើលថាកីឡាករខ្មែរ ឬបរទេសក្លាយជាម្ចាស់ខ្សែក្រវាត់នេះ៕