ព័ត៌មានអន្ដរជាតិ
អ៊ីរ៉ង់ព្រមានចាត់«វិធានការពិសេស» បើអ៊ីស្រាអែល និងអាមេរិកហ៊ានវាយទីតាំងនុយក្លេអ៊ែររបស់ខ្លួន
អ៊ីរ៉ង់ បានចេញការព្រមានយ៉ាងម៉ឺងម៉ាត់ចំពោះអ៊ីស្រាអែល និងសហរដ្ឋអាមេរិក ដោយអះអាងថា ទីក្រុងតេហេរ៉ង់នឹងចាត់«វិធានការពិសេស» បើមានការវាយប្រហារយោធាណាមួយលើទីតាំងនុយក្លេអ៊ែររបស់ខ្លួន ហើយការឆ្លើយតបនោះនឹងអាចបង្កជាសង្គ្រាមដ៏ធំនៅក្នុងតំបន់។
រដ្ឋមន្ត្រីការបរទេស លោក Abbas Araghchi កាលពីថ្ងៃទី២២ខែឧសភាបានសង្កត់ធ្ងន់ថា ការវាយប្រហារលើទីតាំងនុយក្លេអ៊ែររបស់អ៊ីរ៉ង់ នឹងក្លាយជា«កំហុសប្រវត្តិសាស្ត្រដ៏ធំបំផុតមួយ ដែលសហរដ្ឋអាមេរិកបង្កឡើង» ហើយអ៊ីរ៉ង់នឹងឆ្លើយតប«ភ្លាមៗ និងយ៉ាងម៉ឺងម៉ាត់»។
លោក Araghchi បានលើកឡើងថា «ខ្ញុំបានអំពាវនាវឲ្យសហគមន៍អន្តរជាតិចាត់វិធានការទប់ស្កាត់ប្រកបដោយប្រសិទ្ធភាព ប្រឆាំងនឹងការបន្តការគំរាមកំហែងរបស់អ៊ីស្រាអែល ដែលប្រសិនបើមិនមានការត្រួតពិនិត្យ នោះនឹងបង្ខំឲ្យអ៊ីរ៉ង់ចាត់វិធានការពិសេស ក្នុងការការពារគ្រឿងបរិក្ខារ និងសម្ភារៈនុយក្លេអ៊ែររបស់យើង»។
ការព្រមាននេះ កើតឡើងចំពេលដែលមានភាពតានតឹងកាន់តែខ្លាំងឡើង និងមុនការចរចានុយក្លេអ៊ែរជុំទីប្រាំរវាងអ៊ីរ៉ង់ និងអាមេរិក ដែលគ្រោងនឹងធ្វើឡើងនៅទីក្រុងរ៉ូមនាថ្ងៃសុក្រសប្ដាហ៍នេះ។ អ៊ីរ៉ង់បានសម្តែងការខកចិត្តចំពោះអ្វីដែលខ្លួនយល់ថាជាការទាមទារហួសហេតុពីអាមេរិក ជាពិសេសទាក់ទងនឹងការបញ្ឈប់សកម្មភាពចម្រាញ់សារធាតុអ៊ុយរ៉ាញ៉ូមទាំងស្រុងរបស់ទីក្រុងតេហេរ៉ង់។ បច្ចុប្បន្ននេះ អ៊ីរ៉ង់កំពុងបង្កើនសារធាតុអ៊ុយរ៉ាញ៉ូមដល់ទៅកម្រិតភាពសុទ្ធ ៦០% ខិតជិតដល់កម្រិត ៩០% ដែលអាចផលិតអាវុធប្រល័យលោកបាន។ ទោះជាបែបនេះក្ដី អ៊ីរ៉ង់នៅតែអះអាងដដែលៗថា កម្មវិធីនុយក្លេអ៊ែររបស់ខ្លួនគឺសម្រាប់តែគោលបំណងស៊ីវិលប៉ុណ្ណោះ។
កាលពីពេលថ្មីៗនេះ អត្ថបទព័ត៌មានមួយរបស់ CNN បានចេញផ្សាយថា របាយការណ៍ស៊ើបការណ៍សម្ងាត់អាមេរិក បានបង្ហាញថា អ៊ីស្រាអែលកំពុងរៀបចំយ៉ាងសកម្មសម្រាប់ការវាយប្រហារយោធាដ៏ធំប្រឆាំងនឹងរោងចក្រនុយក្លេអ៊ែររបស់អ៊ីរ៉ង់ បើទោះជាទីក្រុងតេហេរ៉ង់កំពុងបន្តកិច្ចចរចាការទូតជាមួយក្រុងវ៉ាស៊ីនតោនក៏ដោយ។ របាយការណ៍ដដែល បានបន្តទៀតថា អ៊ីស្រាអែលកំពុងវាយតម្លៃជម្រើសយោធាផ្សេងៗ រួមទាំងការវាយប្រហារតាមអាកាស និងប្រតិបត្តិការកងកុម្ម៉ង់ដូ សំដៅរារាំងសមត្ថភាពរបស់អ៊ីរ៉ង់ក្នុងការអភិវឌ្ឍអាវុធនុយក្លេអ៊ែរ។ គោលដៅដែលគ្រោងទុក រូមមានទីតាំងនុយក្លេអ៊ែរសំខាន់ៗដូចជា រោងចក្រ Fordow និង Natanz។
ប្រភពដែលដកស្រង់ដោយ CNN បាននិយាយថា៖ «ឱកាសនៃការវាយប្រហាររបស់អ៊ីស្រាអែលលើរោងចក្រនុយក្លេអ៊ែរអ៊ីរ៉ង់ បានកើនឡើងយ៉ាងខ្លាំង» ជាពិសេសបើកិច្ចព្រមព្រៀងរបស់ទីក្រុងវ៉ាស៊ីនតោនបរាជ័យក្នុងការទប់ស្កាត់ការចម្រាញ់សារធាតុអ៊ុយរ៉ាញ៉ូមរបស់អ៊ីរ៉ង់ឲ្យបានពេញលេញ៕
ដោយ៖ ឈាង
ចុចអាន៖ ចារកម្មអាមេរិក បង្ហាញថា អ៊ីស្រាអែលត្រៀមវាយប្រហារលើទីតាំងនុយក្លេអ៊ែរអ៊ីរ៉ង់
-
សេចក្ដីជូនដំណឹង៦ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ៥ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
កីឡា២០ ម៉ោង agoល្ងាចនេះ U19 កម្ពុជា ប៉ះ ថៃ វគ្គពាក់កណ្តាលផ្តាច់ព្រ័ត្រ ខណៈជួបគ្នាចុងក្រោយ ថៃ ខកចិត្តម្តងហើយ
-
សេដ្ឋកិច្ច៧ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
កីឡា១ សប្តាហ៍ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
សន្តិសុខសង្គម៦ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម
-
ព័ត៌មានអន្ដរជាតិ៧ ថ្ងៃ agoពូទីន គេចមិនឆ្លើយរឿងកាន់អំណាចដល់ឆ្នាំ២០៣៦ ហើយប្រាប់ថា «មានតែព្រះទេទើបដឹង»
-
ព័ត៌មានជាតិ១ សប្តាហ៍ agoសម្តេចធិបតី៖ ទម្លាប់ខ្ញុំវាយតម្លៃការងារផ្អែកលើលទ្ធផលជាក់ស្តែង មិនមើលតែរបាយការណ៍ល្អៗពីថ្នាក់ក្រោមនោះទេ