ព័ត៌មានអន្ដរជាតិ

តើប្រទេស និងវិស័យអ្វីខ្លះរបស់ EU ងាយរងគ្រោះខ្លាំងជាងគេដោយសារពន្ធ ត្រាំ?

បានផុស

២ ខែ មុន

នៅ

ថ្ងៃអង្គារ ២៧ ឧសភា ២០២៥

ដោយ

ប្រធានាធិបតីសហរដ្ឋអាមេរិក លោក ដូណាល់ ត្រាំ កាលពីសប្ដាហ៍មុន បានប្រកាសដំឡើងពន្ធ ៥០ ភាគរយ លើទំនិញនាំចូលពីសហភាពអឺរ៉ុប (EU) ចាប់ពីដើមខែមិថុនា មុនប្ដូរកាលបរិច្ឆេទនេះទៅថ្ងៃ ៩ កក្កដា វិញ ដោយសំអាងថា ប្លុកសេដ្ឋកិច្ចដ៏ធំមួយនេះពិបាកចរចាគ្នា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នេះបង្កក្ដីបារម្ភកាន់តែធំសម្រាប់ EU ដែលនាំចេញទំនិញប្រមាណ ៥៣០ ប៊ីលានអឺរ៉ូ ទៅសហរដ្ឋអាមេរិកកាលពីឆ្នាំ ២០២៤។ អ្នកវិភាគភាគច្រើនយល់ស្របថា ពន្ធ ៥០ ភាគរយ ពិតជានឹងនាំឱ្យមានវិបត្តិសេដ្ឋកិច្ចនៅក្នុងតំបន់ចាយប្រាក់អឺរ៉ូ ដែលជំរុញឱ្យធនាគារកណ្តាលអឺរ៉ុប ត្រូវកាត់បន្ថយអត្រាការប្រាក់សំខាន់ៗលើសពីការរំពឹងទុកពីមុន។

ប្រសិនបើអាមេរិកដាក់ពន្ធខ្ពស់លើទំនិញរបស់ EU ផលិតកម្មស្ថិតក្នុងចំណោមវិស័យសំខាន់ៗដែលងាយរងគ្រោះ ដោយសារតែការនាំចេញខ្ពស់ទៅសហរដ្ឋអាមេរិក។ យោងតាមរបាយការណ៍របស់ភ្នាក់ងាររបស់ប្លុក Eurostat ទំនិញនាំចេញសំខាន់ៗបំផុត EU ទៅអាមេរិក គឺផលិតផលវេជ្ជសាស្ត្រ និងឱសថ។

+ មុខបញ្ជីនៃទំនិញរបស់ EU ទៅសហរដ្ឋអាមេរិក ឆ្នាំ ២០២៤ ផ្អែកលើទិន្នន័យ Eurostat

ទំនិញ	ទំហំនាំចេញឆ្នាំ ២០២៤ (ប៊ីលានដុល្លារ)
ផលិតផលឱសថ	១១៩,៧២
យានយន្ត	៥០,៨៨
ម៉ាស៊ីនឧស្សាហកម្មទូទៅ	៣៤,១៨
គ្រឿងម៉ាស៊ីន និងគ្រឿងប្រើប្រាស់ក្នុងផ្ទះ	៣២,១៣
ម៉ាស៊ីនពិសេសសម្រាប់ឧស្សាហកម្មជាក់លាក់	២៦,៣៨
គ្រឿងម៉ាស៊ីន និងឧបករណ៍ផលិតថាមពល	២៥,០៥
ឧបករណ៍ដែលមានជំនាញវិជ្ជាជីវៈ វិទ្យាសាស្រ្ត និងការត្រួតពិនិត្យ	២២,៩៣
ឧបករណ៍សម្រាប់ការដឹកជញ្ជូនផ្សេងទៀត	១៩,៥៦
ផលិតចម្រុះសម្រេច (Miscellaneous manufactured articles)	១៨,៩៧
សារធាតុគីមីសរីរាង្គ	១៧,៤

+ តើប្រទេស EU ណាខ្លះដែលទំនងរងផលប៉ះពាល់ខ្លាំងបំផុត ដោយពន្ធរបស់សហរដ្ឋអាមេរិក?

ប្រទេស EU ដែលនាំចេញច្រើនជាងគេទៅអាមេរិក ទំនងងាយរងគ្រោះបំផុតចំពោះការដំឡើងពន្ធខ្ពស់របស់លោក ត្រាំ រួមមាន អាល្លឺម៉ង់ អៀរឡង់ អ៊ីតាលី និងបារាំង។

អាឡឺម៉ង់ គឺជាប្រទេសនាំចេញទំនិញធំបំផុតទៅអាមេរិកក្នុងឆ្នាំ ២០២៤ ដោយសារតែបរិមាណច្រើននៃការនាំចេញយានយន្ត និងផលិតផលឱសថ។

អៀរឡង់ក៏ដូចគ្នា ដោយសារប្រទេសនេះសម្បូររោងចក្រផលិតកម្មរបស់ក្រុមហ៊ុនឱសថ។ អ៊ីតាលីឯណោះវិញ ក៏ស្ថិតក្នុងចំណោមរដ្ឋសមាជិកដែលងាយរងគ្រោះផងដែរ ដោយមានការប៉ះពាល់ខ្លាំងក្នុងឧបករណ៍ដឹកជញ្ជូន ការផលិតរថយន្ត ម៉ូដ (Fashion) និងឱសថ។