កីឡា
ដៃគូរបស់ កម្ពុជា ក្រុម តាហ្ស៊ីគីស្ថាន មានប្រវត្តិឈ្នះពានអន្តរជាតិ៣
ក្រុមបាល់ទាត់ជម្រើសជាតិ តាហ្ស៊ីគីស្ថាន នឹងមកប្រកួតមិត្តភាពអន្តរជាតិជាមួយក្រុមបាល់ទាត់ជម្រើសជាតិ កម្ពុជា នៅថ្ងៃទី៥ ខែមិថុនា ឆ្នាំ២០២៥ នៅពហុកីឡដ្ឋានជាតិអូឡាំពិក។
ក្រុមជម្រើសជាតិមួយនេះជាក្រុមល្អមួយនៅក្នុងតំបន់អាស៊ី និងមានកម្រិតគុណភាពល្អជាងជម្រើសជាតិកម្ពុជា។ បច្ចុប្បន្ន ពួកគេស្ថិតនៅចំណាត់ថ្នាក់លេខ ១០៥ នៃតារាង FIFA Ranking ហើយប្រវត្តិរបស់ពួកគេល្អបំផុតឈានដល់ចំណាត់ថ្នាក់ ៩៩។
ការប្រកួតអន្តរជាតិលើកដំបូងរបស់ តាហ្ស៊ីគីស្ថាន គឺស្មើជាមួយក្រុមខ្លាំងប្រចាំអាស៊ី អ៊ូបេគីស្ថាន ដោយលទ្ធផល ២-២ កាលពីថ្ងៃទី១៧ ខែវិច្ឆិកា ឆ្នាំ១៩៩២។
ពួកគេបានចូលរួមប្រកួតពានរង្វាន់ក្នុងតំបន់អាស៊ី និងពិភពលោកជាច្រើន ប៉ុន្តែក៏មិនសូវទទួលបានលទ្ធផលល្អប្រសើរដែរ។ ទោះបីជាយ៉ាងណា បើគិតលើពានអន្តរជាតិដែលពួកគេធ្លាប់ឈ្នះគឺ ពានរង្វាន់កម្រិតអាស៊ី ១ លើក ដែលរៀបចំដោយសហព័ន្ធកីឡាបាល់ទាត់អាស៊ី និងពានមិត្តភាពអន្តរជាតិ២លើក ដែលរៀបចំនៅថ្ងៃ FIFA Day។
ជើងឯក AFC Challenge Cup ឆ្នាំ២០០៦
តាហ្ស៊ីគីស្ថាន បានឈ្នះពានរង្វាន់កម្រិតអាស៊ី AFC Challenge Cup នៅឆ្នាំ២០០៦ បន្ទាប់ពីបានយកឈ្នះលើក្រុមជម្រើសជាតិ ស្រីលង្កា ដោយលទ្ធផល ៤-០ ក្នុងវគ្គផ្តាច់ព្រ័ត្រ។ ពានរង្វាន់នេះត្រូវបានបង្កើតឡើងកាលពីឆ្នាំ២០០៦ និងបានឈប់ដំណើរការនៅឆ្នាំ២០១៤។ កាលពីឆ្នាំ២០០៦ ដែលជាឆ្នាំរៀបចំការប្រកួតលើកដំបូងនោះមានក្រុមទាំងអស់១៦ចូលរួមប្រកួត ក្នុងនោះក្រុមជម្រើសជាតិកម្ពុជាក៏បានចូលរួម ប៉ុន្តែបានធ្លាក់ត្រឹមវគ្គសន្សំពិន្ទុក្នុងពូល។
ជើងឯក King’s Cup ឆ្នាំ២០២២
ពានរង្វាន់ King’s Cup រៀបចំដោយប្រទេសថៃដែលមានអាយុកាល៥៧ឆ្នាំគិតចាប់តាំងពីឆ្នាំ១៩៦៨។ ក្រុមតាហ្ស៊ីគីស្ថាន ឈ្នះជើងឯកពានរង្វាន់នេះនៅឆ្នាំ ២០២២ បន្ទាប់ពីបានយកឈ្នះ ក្រុមជម្រើសជាតិ ម៉ាឡេស៊ី នៅវគ្គផ្តាច់ព្រ័ត្រ ដោយការទាត់ប៉េណាល់ទីកាត់សេចក្តី ៣-០។
ជើងឯក Merdeka Tournament ឆ្នាំ ២០២៣
តាហ្ស៊ីគីស្ថាន បានឈ្នះពានមិត្តភាពអន្តរជាតិ Merdeka នៅឆ្នាំ ២០២៣ បន្ទាប់ពីបានយកឈ្នះ ជម្រើសជាតិ ម៉ាឡេស៊ី ដោយលទ្ធផល ២-០ ក្នុងវគ្គផ្តាច់ព្រ័ត្រ។ ពានរង្វាន់មិត្តភាពអន្តរជាតិដែលមានអាយុកាល៦៨ឆ្នាំមកហើយ ចាប់តាំងពីបង្កើតឡើងកាលពីឆ្នាំ១៩៥៧។ ជាទូទៅពានរង្វាន់នេះរៀបចំនៅថ្ងៃ FIFA Day ដែលមានក្រុម៤ចូលរួមប្រកួត។ កាលពីឆ្នាំ២០២៤ ក្រុមតាហ្ស៊ីគីស្ថានទទួលបានចំណាត់ថ្នាក់លេខ៣។
សរុបការឈ្នះមិត្តភាពអន្តរជាតិ២គឺសុទ្ធតែយកឈ្នះលើក្រុមជម្រើសជាតិ ម៉ាឡេស៊ី ទាំងពីរលើក៕
អត្ថបទ៖ វីរបុត្រ
រដ្ឋបាលខេត្តប៉ៃលិន ប្រារព្ធទិវាមច្ឆាជាតិ ១ កក្កដា២០២៥ និងជំរុញការទប់ស្កាត់បទល្មើសនេសាទខុសច្បាប់
ថៃចង់ប្ដឹងកម្ពុជារឿងទាហានជាន់មីនក្នុងដីខ្លួនទៅUN÷ មេស៊ីម៉ាក់ ពន្យុះឱ្យថៃកាន់ដៃកម្ពុជាទៅICJ តែម្តងទៅ ព្រោះជាតុលាការរបស់UNស្រាប់
ប្រតិភូគណៈចលនាសាសនិកឥស្លាមកម្ពុជា អញ្ជើញជួបសំណេះសំណាល និងនាំយកអំណោយ ឧបត្ថម្ភជូនកងកម្លាំងជួរមុខ នៅស្រុកជាំក្សាន្ត ខេត្តព្រះវិហារ
កម្លាំងចម្រុះនៃរដ្ឋបាលរាជធានីភ្នំពេញ បង្រ្កាបទីតាំងលួចបង្កប់ល្បែងអនឡាញនៅសង្កាត់ទន្លេបាសាក់ ខណ្ឌចំការមន ឃាត់ខ្លួនជនជាតិចិន១២នាក់
កសិករដាំទុរេននៅក្បែរទឹកជ្រោះប៊ូស្រា ចាប់ផ្ដើមប្រមូលផលបានបណ្តើរៗហើយ
អគ្គនាយកស៊ីម៉ាក់បង្ហាញរូបភាពទ័ពថៃជីកដីដាក់មីនខណៈនៅឡាំប៉ាចោទកម្ពុជា
ជនមិនស្គាល់មុខ លីបារី ១០៥ សុង ឆ្លងកាត់ច្រកអន្តរជាតិភ្នំដី ត្រូវកម្លាំងគយចាប់បាន
សមត្ថកិច្ចរកឃើញទីតាំងកែច្នៃគ្រឿងញៀនបន្ទាប់ពីចុះពិនិត្យ Online Scam នៅបាវិត
សមត្ថកិច្ចបន្តបង្ក្រាបទីតាំងបង្កប់Online Scams នៅភ្នំពេញបានមួយទីតាំងបន្ថែមទៀត
ក្រុមជ្រុលនិយមនៅតែបន្តបង្កើតព័ត៌មានក្លែងក្លាយលើករណីព្រំដែន
-
ព័ត៌មានអន្ដរជាតិ១ សប្តាហ៍ agoពលរដ្ឋថៃ នៅជាប់ព្រំដែនមីយ៉ាន់ម៉ា កំពុងត្រៀមខ្លួនសម្រាប់ភាពអាសន្ន
-
ព័ត៌មានជាតិ១៥ ម៉ោង agoអគ្គនាយកស៊ីម៉ាក់បង្ហាញរូបភាពទ័ពថៃជីកដីដាក់មីនខណៈនៅឡាំប៉ាចោទកម្ពុជា
-
បច្ចេកវិទ្យា៤ ថ្ងៃ agoOPPO Reno14 Series 5G សម្ពោធផ្លូវការហើយ ជាមួយស្ទីលរចនាបថកន្ទុយទេពមច្ឆា និងមុខងារ AI សំខាន់ៗ
-
ព័ត៌មានអន្ដរជាតិ៦ ថ្ងៃ agoថៃ អះអាងថា ជនកំសាកដែលលួចវាយទាហានកម្ពុជា គឺជាទេសចរ ប៉ុណ្ណោះ
-
ព័ត៌មានជាតិ៦ ថ្ងៃ agoកម្ពុជា រងឥទ្ធិពលពីព្យុះមួយទៀត គឺជាព្យុះទី៥ ឈ្មោះ ណារី (Nari)
-
ព័ត៌មានអន្ដរជាតិ៤ ថ្ងៃ agoរដ្ឋមន្ត្រីក្រសួងថាមពលថៃ ប្រាប់ពលរដ្ឋកុំជ្រួលច្របល់ បើសង្គ្រាមផ្ទុះឡើង អ្នកខាតធំគឺខ្លួនឯង
-
ព័ត៌មានអន្ដរជាតិ៦ ថ្ងៃ ago«នាយករដ្ឋមន្ត្រី៣នាក់ក្នុងពេល៣ថ្ងៃ» ជារឿងដែលមួយពិភពលោក មិនអាចធ្វើបានដូចថៃ
-
សន្តិសុខសង្គម១៧ ម៉ោង agoជនមិនស្គាល់មុខ លីបារី ១០៥ សុង ឆ្លងកាត់ច្រកអន្តរជាតិភ្នំដី ត្រូវកម្លាំងគយចាប់បាន