កីឡា

កីឡាករ វីរៈ ហោះហើរ កាដូម៉ូតូមួយគ្រឿងជាការលើកទឹកចិត្តដ៏ធំធេងសម្រាប់រូបគេ

បានផុស

១២ ខែ មុន

នៅ

ថ្ងៃព្រហស្បតិ៍ ៣ កក្កដា ២០២៥

ដោយ

កីឡាករ វីរៈ ហោះហើរ បន្ទាប់ពីប្រកួតបានល្អ ជក់ចិត្ត និងបង្កើនប្រជាប្រិយភាពបន្តបន្ទាប់រួចមកក៏ទទួលបានកាដូពិសេសម៉ូតូ ១គ្រឿងពីអ្នកស្រឡាញ់គាំទ្រមកពីសហរដ្ឋអាមេរិក អំឡុងពេលឡើងសង្វៀនហង្សមាស កាលពីថ្ងៃទី២៨ ខែមិថុនា ឆ្នាំ២០២៥។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកគ្រូ ម៉ាង ម៉ន ទទួលថិវកាឧបត្ថម្ភ

ម៉ន សាម៉េត បានឲ្យដឹងថា ឃើញការស្រឡាញ់គាំទ្រពីលោក ចន នី មកពីសហរដ្ឋអាមេរិកបានឧបត្ថម្ភម៉ូតូ ១គ្រឿងដល់ វីរៈ ហោះហើរ គឺខ្លួនពិតសប្បាយរីករាយជាខ្លាំង។ នេះជាការលើកទឹកចិត្តធំធេងមួយមិនថា វីរៈ ហោះហើរ ឬរូបខ្លួនផ្ទាល់នោះទេគឺរឹតតែធ្វើឲ្យខ្លួនបន្តខំប្រឹងប្រែងក្នុងវិស័យប្រដាល់គុនខ្មែរនេះ។

លោក ចន នី

កីឡាករ វីរៈ ហោះហើរ ពិតជាសប្បាយចិត្តខ្លាំង ព្រោះបានម៉ូតូជិះទៅរៀន។ ការឧបត្ថម្ភនេះបានជំរុញឲ្យរូបគេបន្តខំប្រឹងហាត់គុនខ្មែរឲ្យកាន់តែខ្លាំងដើម្បីប្រកួតបានល្អជូនអ្នកគាំទ្រ។ ចំពោះខ្លួន សាម៉េត ផ្ទាល់វិញក៏ប្ដេជ្ញាខំប្រឹងបណ្ដុះធនធានគុនខ្មែរបន្ថែមទៀតដើម្បីឲ្យកាន់តែសំបូរផង និងរួមចំណែកធ្វើឲ្យកីឡាមួយនេះកាន់តែរីកចម្រើនបន្ថែម។

វីរៈ ហោះហើរ ពេលទទួលបានកាដូពីសប្បុរសជន

សាម៉េត ប្រាប់ទៀតថា ស្វាគមន៍ជានិច្ចចំពោះថ្នាលតូចៗដែលចង់ហ្វឹកហាត់នៅក្លឹបរបស់ខ្លួនឯសង្កាត់ព្រែកឯង គឺអាចទំនាក់ទំនងមកបាន។ មានគ្រូៗ សិស្សច្បង ជាច្រើនចាំជួយបង្ហាត់បង្រៀនដល់ថ្នាលដែលចង់ហាត់ពិតប្រាកដ។

បញ្ជាក់ដែរថា កាលពីថ្ងៃទី២៨ ខែមិថុនា ឆ្នាំ២០២៥ កន្លងទៅថ្មីៗនេះកូនសិស្សថ្នាលក្នុងក្លឹបប្រដាល់របស់លោកគ្រូ ម៉ាង ម៉ន គឺកីឡាករ វីរៈ ហោះហើរ បានទទួលកាដូម៉ូតូ ១គ្រឿងសប្បុរសជនមកពីសហរដ្ឋអាមេរិក លោក ចន នី។ សប្បុរសជនរូបនេះក្រៅតែពីឧបត្ថម្ភម៉ូតូហើយនោះក៏បានឧបត្ថម្ភថវិកាចំនួន ៣០០ដុល្លារដល់ក្លឹប និងកីឡាករម្នាក់ៗ ១០០ដុល្លារទៀតផង៕

អត្ថបទដោយ៖ នួន ស៊ីណា

Related Topics:កីឡាប្រដាល់គុនខ្មែរ